عرض للطباعة
بجد حاجه غريبه فعلا...
انا ملاحظ ان فيه كميه عربيات بيجو 307 للبيع...
انا اولا اصبحت مؤخرا من عاشقي الاسد... من ساعه ماجيت هنا السعودية ودخلت توكيل بيجو هنا وقعدت جوة العربيه وحسيت قد ايه هيا فخمة..
المهم اللي لاحظتو كميه العربيات اللي معروضة للبيع؟؟؟
لدرجة خوفتني لاحسن يكون فيها اي حاجه؟؟
هل حد عندو تفسير للظاهرة دي ؟؟
سوء أستخدام وسوء صيانه
لو فاهم العربيه وبتتعامل معاها بفهم ومهتم بيها مش هتتعبك
لانها فيها تكنولوجيا عاليه ومش أي حد عندة أستعداد يفهمها
يا باشا دى مع واحد قريبى عطلت وهو اصلا ما بيمشيش بيها تعتبر زيرو
اقتباس:
المشاركة الأصلية كتبت بواسطة speranzaoy
ياتري كان العيب ايه؟؟
حد عندو تفسير تاني للظاهرة دي بتاعه الكميات المعروضه للبيع؟؟
اكيد اللي يبيع ال 307 اللي معاه بيفكر يشتري ال 308 عشان الامكانيات اللي فيها اعلي
مش شرط ان العربيه معروض منها كتير للبيع انها وحشه !!!
اساسا العربيه دى الى بيركبها غالبا بيكون مرتاح ماديا ...
لانها هاتش باك بسعر عربيات سيدان كتير ..
فأكيد شاب ..
و دماغ و ده مش عيب طبعا ..
اعتقد الى بيبيعها بيفكر فى 308 او تغيير لحاجه افضل ...
لكن مش شرط عيب فى العربيه !!!
طول عمرى مش برتاح للبيجووووووووووو الا ال 504 وال 505
يا عزيزى مادام حضرتك فى السعوديه وكلامك على السعوديه يبقى ده شىء طبيعى جدا لعده اسباب
اولا توكيل بيجو فى السعوديه سيىء جدا على كلام معظم المتعاملين معاه سواء فى الصيانه او ارتفاع اسعار قطع الغيار
ثانيا العربيات الاوروبى فى الخليج واقعه ومش بتستحمل الاجواء هناك زى اليابانى والامريكى والبيجو اللى كانت مبدعه فى الخليج زمان ال505 فقط انما الجديد لا بس ده لا يقلل من قيمه واسم بيجو كفايه انهم عملوا ال407
اجمد تعليق شوفته هنا بصراحة كله بيفتي و بصراحة يا جماعة ممكن الواحد يتاثر بالاراء دي و يلبس في عربية ملهاش اي لازمة يا ريت اللي يدي رايه يكون مالك للسيارة لفترة تسمح له بابداء رايه في اي سيارة بحياديةاقتباس:
المشاركة الأصلية كتبت بواسطة triple_a_101
طب ما انت عندك الكرولا و اللانسر المعروض فيهم للبيع كتير جدا
هل معنى كده انهم فيهم عيب ؟
اقتباس:
المشاركة الأصلية كتبت بواسطة sharky
لأ في فرق يا احمد
العربيتين دول لازم تلاقيهم بكثافة في أي حتة
تدخل الباركينج تلاقي
في الشارع تلاقي
في البيت تلاقي
فطبيعي في السوق برضه تلاقي
انما البيجو 307 مش كتير الا في السوق
مع انها عربية كويسة بس للأسف حظها في مصر وحش ..بركاتك يا أباظة
لأن الخليج كلة بيحب اليابانى والكورى لأن جوهم مقارب للأجوا ءالحارة فى الخليج و
ثانيا توفير البنزين
توكيل بيجو فى السعودية ضعيف زى مالاعضاء قالن لقلة تواجد السيارة فى الخليج بس مش معناه ان فيها عيب
على العموم دور عنك وابحث وحاول تعرف ايه السبب بس قلنا عليه
العربيه مع صديق لى داخله فى 3 سنين "موديل 2007"الموديل 307sw
العربيه لسه راكبها معاه العربيه بسم الله ماشاء الله "بغض النظر ان العربيه متجرحه شويه من بره"انما الفرش من جوا كانها زيرو العربيه لسه بتعدى ال 200 كم/ساعه
حالتها ممتازه
بس هو بيشتكى من اسعار قطع الغيار "زى البربريز الامامى -طرمبه البنزين "اسعارها غاليه
i do have the 307 sw 2007
peugeot is underestimated in saudia arabia and egypt as well
my brother is in saudia and wanted to buy the 307 cc but the RETAILER there told him NOT TO BUY IT as the resale is too bad as all the residents there and the natives are obsessesd with the korean and american cars
actully the resale of all cars is too bad, my brother saw repeatedly a BMW same year model 5 th series with less than 35,000 saudi reyals
but the car itself is amazing but people can't handle it's technology yet
العربيه مع زوج اختى 307 sw موديل 2007 وماشيه دلوقتى حوالى 80 ألف كم
طبعا استعماله طاحن للعربيه سفر كتير جدا وخلافه , لا جدال ان العربيه اداءها مرضى وكويس قوى من كل النواحى الا انها عربيه مش بتاعت بهدله
للاسف العربيه حساسه اوى واى مشكله فيها بتكلف كتير ده غير ان الصيانه سيئه جدا برغم ان كل الصيانات كانت فى المركز الرئيسى فى غمره , قد يكون العماله فى بيجو ليست على القدر الكافى من العلم لصيانه العربيه بشكل ممتاز الا ان كثره اعطالها كرهتنا فى كل اللى جاى من فرنسا وبعد ما كان قرار الشراء الجديد فى صالح 407 تغير تماما لشركه تانيه
علشان مبقاش ظالم العربيه تحفه وكثره الاعطال دى ليست حاجه شائعه فيها لكن عن نفسى ليا تجارب قمه فى العذاب مع ال 307
معلش يا باشا سؤال - هو صاحبك غير طرمبه البنزبن فى عربيته ؟اقتباس:
المشاركة الأصلية كتبت بواسطة blazer
اصل العربيه اللى انا بحكى عنها نفس بتاعت صاحبك وتم تغيير طرمبه البنزين 3 مرات حتى الان من التوكيل و التوكيل بجلاله قدره مش عارف العيب منين
بالمناسبه العربيه اللى معانا بانوراما ولو حد نفسه يعرف البرابيز والبانوراما بكام فأحنا غيرناهم قبل كدا بالفعل
12 ألف جنيه :mahf(5):
leiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiih ?!!!!!!!اقتباس:
المشاركة الأصلية كتبت بواسطة Ahmed0Nouh
dah el ezaz el amamy lama sa2alt 3aleih el tawkeel kan b 850 LE
w akeed el panoramic roof mesh b 11,000 LE ma asl heya mesh motor :colsmil:
enta 3'ayartoh fein ?
غيرته فى توكيل غمرهاقتباس:
المشاركة الأصلية كتبت بواسطة cabary
لو انت رحت تسأل عليه هناك قولهم العربيه البحر الاحمر اللى كانت جايه عطلانه على ونش المركز وخبط فيها طوبه على الطريق من عربيه نقل ودخلت المركز اساسا البانوراما فيه شرخ قدام حوالى 20 سم , الموضوع ده حصل تقريبا اول السنه بس مش قادر افتكر امتى بالظبط
وساعتها العربيه قعدت هناك اكتر من اسبوع بسبب ان البانوراما مش موجوده وجت من التوكيل فى اسكندريه
بالظبط التكلفه كانت 11 ألف جنيه البانوراما و 900 جنيه مصنعيه
كويس ان انت قولت سعرهم عشان لو حد بيفكر يجبها بانوراما يصرف نظراقتباس:
المشاركة الأصلية كتبت بواسطة ahmed0nouh