http://www.postimage.org/aV1BpyPJ.jpg
عرض للطباعة
شكرا يا باشا علي الخبر
بس انا مش عارف ليه التوكيل عمال يزود في سعرها
69900.....70400......71000
ايه هوه العرض
العرض هو انك تدفع 5000 جنيه مقدم بس
وتقسط الباقى على 60 شهر بقسط 1541
الصراحه عرض جامد اوى
يغني في الاخر العربية هتقف تقريبا ب95000الف جنيه
طب مفيش عرض على 1300 سي سي او 1500 سي سي ؟؟
بس دى موصفات ال1000 سى سى
اقل استهلاك للوقود بتاع ال1000
شكرا يا باشا.. انا شوفت الاعلان بس كسلت احسب لكن حرااااااااااااااااااااااا ااااااااااااااااااااااااا ام ادفع 92000+5000 يعنى اكتر من 97000 جم,, بصراحة كده مسموش عرض.. :Ka_che1[1]:
السلام عليكم ....
بالنسبة لعرض سيريون وان .... يا جماعة هوا كل العرض انه خفض المقدم بدل ما كان 25% من ثمن العربية بقى 5 الاف جنيه ... و المبلغ الباقى من ثمنها اللى هوا 65 الف جنيه لما تيجى تضربه فى 8% اللى هوا سعر الفايدة بتاع دايهاتسو العادى هايطلع المبلغ اللى هوا 91 الف جنيه و هوا ده سعر العربية الطبيعى بعد 5 سنوات فى سعر الفايدة .
يعنى كل العرض فى تخفيض مبلغ المقدم بس ده طبعا على حساب القسط اللى هوا 1541 جنيه شهرى توتو على كبوتو. بدل ما كان 25% يعنى حوالى 17.500 جنيه ...دى كل الحكاية .... بس طبعا احسن من شبهة البنوك بكتييير.
و انا بس كل اللى عاوز اعرفه هل ده عرض ترويجى يعنى مؤقت و لا على طول ؟؟؟؟
و السؤال التانى ....التسليم فورى و لا تحجز و تستنى شوية لما تستلم ؟؟؟؟
انا بصراحة ناوى عليها ان شاء الله ....بس الحيرة هيا استنى لما اكون مقدم حلو ...وارتاح فى القسط .....و لا استغل الفرصة دى ؟؟؟؟؟؟
مع العلم انى دخلى كويس و يستحمل ..... بس محتار ..:wink:
شوروا عليا يا اخوانى ....
و لو حد يعرف اى معلومة مايبخلشى علينا ....
يظن الناس بى خيرا ...... و انى لشرهم ان لم ترض عنى
يارب.
العربية دى كويسة جدا وبصراحة عجبانى بس محتار نفسى اقرأ عنها اى مواضيع
علشان يبقى عندى حافز قوى لعملية الشراء
شوف يا باشا اللينك ده وانت هتموت في السيريون وان:shine[1]:http://www.carsurvey.org/reviews/dai...irion/r111516/
أنا اتصلت بيهم وفعلا العرض على ال 1000 سي سي بس ، والفئات التانية بتدفع 25% مقدم ، بس مش عارف هل ال 1000 سي سي حلو عليها ولا لأ ، بالذات اني بمشي يوميا 250 كيلو سفر ، وهل اتزانها حلو ولا لأ ، يا ريت لو حد عندو خبره في العربية يقولي رايه
السلام عليكم و رحمة الله و بركاته .
انا يا جماعة عاجبنى السيريون وان جدا جدا ... و امبارح لسة كنت سايق واحدة بس اللى هيا 1300 اتوماتيك ........طبعا التقفيل بتاع العربية حكاية و جودة عالية فى الخامات اللى جوة و اللى برة ........و كراسى مريحة جدا وواسعة جدا من جوة فى قعدتها... و الشنطة بتاعتها معقولة وتشيل مش صغيرة و لا حاجة ..و طبعا احساس بالفخامة ........بصراحة شدتنى جدا جدا .....
و طبعا فيه فروق بين 1300 و الموديل 1000 سى سى بس انا عجبانى اوى العربية دى ...اللى بسأل عليه هل العرض اللى على سيريون وان لفترة محدودة و لا مفتوح يعنى فترة طويلة عشان مش باين فى الاعلان بتاعها حتى النهاردة فى اخبار اليوم ؟؟؟؟؟؟؟؟؟
و السعر ده شامل التأمين و لا لا ؟؟؟؟؟؟ يعنى مثلا معاه تأمين على العربية من دايهاتسو و لا غير شامل التأمين ؟؟؟؟؟؟؟؟ يعنى من الاخر ايه نظام التأمين ؟؟؟؟؟؟؟
و برضه بيجى معاها كاسيت و سماعات و لا لا ؟؟؟؟ عشان مش مكتوب فى الاعلان بتاعها برضه ؟؟؟؟؟؟؟:b4_388:
انا برضة كلمتهم وسالت عليها وعرفت ان الورق المطلوب هو العادي يعني وصل نور و صورة البطاقة و خطاب من جهة العمل عن مفردات المرتب بس المشكلة انة لازم يكون معاك ضامن بنفس الاوراق و نفس الدخل اللي برضة سالت علية و قالولي على الاقل 4000 جنية ليك وللضامن و التسليم بيكون بعد الاستعلام اللي بياخد حوالي 5 ايام
يا جماعة طب انا طبيب بشرى و انتوا عارفين مرتبات وزارة الصحة و الحكومة
يعنى انا مرتبى بعد 8 سنوات شغل بالحوافز و البدلات و النوبتجيات حوالى 1500 لحلوح بس ده بالاضافة انى بشتغل فى مستشفى خاص و باخد حوافز فى حدود 2000-2500 جنيه شهرى ... يعنى فعلا دخلى فى حدود 4 الاف جنيه بس مش عارف ازاى اثبت الكلام ده بورق رسمى .... لانه زى مانتوا عارفين المستشفى الخاص صعب يدونى ورق بالكلام ده ...طب ايه الحل يا جماعة ؟؟؟؟؟؟؟ و برضه انا معايا بطاقة ضريبية لو ده ممكن يساعد فى حاجة ........قولولى اعمل ايه ؟؟؟؟؟؟
.و الضامن لازم يكون زوجة و لا اى حد من قرايبك مثلا ؟؟؟؟
و باقى الورق موجود تمام ......ايه الحل يا جماعة ؟؟؟؟؟؟
و بعدين يا جماعة العرض ده فترة و لا على طول ؟؟؟؟؟؟؟؟
و التأمين اخباره ايه ؟؟؟؟؟؟؟؟
يا ريت لو حد يعرف يرد عليا
انا رأى يا باشا
جمع مقدم حلو ... واشتريها علشان تريح نفسك فى القسط و متضغطش نفسك
كل اما المقدم يزيد, القسد يقل, و الاهم الزيادة فوق سعر العربية الاصلى بتقل فأنت كسيان فى كل الاحوال
ده غير انك لو دفعت مقدم 50%, ينفع الزوجة او اى حد مش شرط يكون بيشتغل يبقى ضامن, و من حقك متأمنش كمان
ربنا ييسر لك الحال و نبارك لك قريب.
متشكر اوى يا دكتور معاذ على اهتمامك و ردك الجميل .
و الله نصيحتك حلوة ... بس المشكلة عشان تقعد تحوش 35 الف جنيه و انت عندك اسرة من زوجة و بنت وطفل فى الطريق ان شاء الله هايبقى الموضوع صعب شوية
و هياخد وقت كتير و الحمد لله انا دخلى كويس بس مشكلتى فى حكاية مفردات المرتب دانا حتى الضامن موجود عندى كذا واحد بس المشكلة فيا انا:8954[1]:
طب يا ترى ايه اقل مقدم ممكن الواحد يدفعه عشان يتفادى موضوع مفردات المرتب دى لانى انا واثق انه مفيش طبيب بشرى هايبقى عنده مفردات بمرتب اكتر من 4 الاف جنيه ......و لا ايه ؟؟؟؟
فانا نفسى اعرف اقل مقدم ممكن تدفعه عشان تقسط بدون مفردات كام ...انت يا دكتور معاذ قولت انه 50% و فى مشاركة من احد الاعضاء كان قايل انه 30% يعنى بالنسبة لسيريون وان (حوالى 23 الف جنيه ) فده اسهل شوية فى رايى و بعدين انا ظروفى مختلفة انه قنا بلد صغيرة شوية و مفيش مشاوير كبيرة زى القاهرة ... يعنى هاضرب مثال انا لسه من يومين سايق عربية سيريون 1300 اتوماتيك بتاعة واحد صديقى جايبها بقاله 6 شهر تخيلوا عاملة كام كيلو متر (عاملة 2000 كم فى 6 شهور ).... فاحنا هنا بلد صغيرة شوية .... يعنى ممكن بسريون وان دى تفولها مرة فى الشهر و تدعك بيها الشهر كله ...
انت لو عندك بطاقة ضريبية و فى عيادة شغالة .. ممكن تفى بالغرض
لكن بطاقة ضريبية لوحدها مش هتنفع
لأنهم بيعملوا استعلام
حضرتك لازم تثبت الدخل ده, بص هقولك على حاجة
ده رقم المعادى: 25200008- 25167780
و اسأل على احمد عبدالرؤوف و ده موبايله برضه: 0109790069
قول له انا من طرف معاذ الشرباصى .... و اسأله اللى انت عايزه و هو هيقولك على كل الاحتمالات و الظروف كلها.
متشكر جدا جدا جدا يا دكتور معاذ . جزاك الله عنى خير الجزاء .
علم و جارى التنفيذ يا باشا ان شاء الله.
هاكلمهم و هاقولك ان شاء الله .
و مرة اخرى ميرسى جدا على اهتمامك .
لا تصاحب غنيا تستعف به ...
و كن عفيفا و عظم حرمة الدين ..
لن يستطيع العبد ان يعطيك خردلة ..
الا باذن الذى سواك من طين ...
واسأل الله من فضله..
فان رزقك بين الكاف و النون ..
و استغن بالله كما استغنى الملوك ..
بدنياهم عن الدين ...
(رحم الله الشيخ عبد الحميد كشك )
السلام عليكم ..
الف شكر ليك تانى يا دكتور / معاذ
على فكرة انا كلمت الاستاذ / احمد من شوية
و قولتله على حكاية انه صعب يكون فيه طبيب مفردات مرتبه توصل 4 الاف جنيه بيشتغل فى الوزارة ..............دا انا حتى قولتله انه وزير الصحة نفسه مفردات مرتبه متوصلشى للكلام ده خالص ............المهم الراجل كان محترم اوى معايا و سألنى بتشتغل فين و ايه ؟؟؟
و قولتله ..فقالى انه ممكن اجيب مفردات مرتب و ترخيص مزاولة المهنة ... و البطاقة الضريبية بتاعة العيادة ....بس اللى مش ممكن التازل عنه انه يكون فيه ضامن مفردات مرتبه تعدى 4 الاف جنيه و مقيم فى القاهرة ... و دى سهلة ان شاء الله .....على العموم انا بحاول ادرس الموقف ... بس غالبا هاستنى شوية لانى عندى المدام فى الشهر السابع و على وش ولادة ... و انت عارف الموضوع ده بيكلف قد ايه ...غير ان شاء الله عقيقة المولود و الحاجات دى .... فانا قولت اخلص كل الضغوط اللى عليا الاول ..... وا ان كده كده بحوش من دخلى كويس ........
و اخش بعد كده على العربية و انا ان شاء الله معنديش التزامات قريبة .....و الله المستعان ...
الف شكر ليك مرة تانية .....
وانا معكم و متابعكم فى المنتدى يوميا و يمكن مرتين فى اليوم :biggrin:
ممكن يا دكتور معاذ تسال الاستاذ احمد على مواصفات العربية
ومدة الضمان فى التوكيل ولك جزيل الشكر
حاول يا دكتور توصل لمعادلة بين قسط قليل و مقدم مش كبير عشان تبقي مستريح
أصل متنساش إن مصاريف تشغيل العربية برضه هتبقي فوق القسط
يعني غير البنزين فيه تصليح حاجات بسيطة لو إتخبطتت لا قدر الله .. غسيل .. جراج للركن أو الركن في الشارع و "الف سلامة يا باشا كل سنة و إنت طيب" كلام من ده .
بس رأيي برضه متستناش لفترة كبيرة لأن إنت عارف الفلوس طول ماهي فلوس قيمتها بتقل .. و الحاجات عمالة تغلي و العربية بقت شئ مهم خاصة بعد ما النونو الصغير ما هييجي .
الف شكر ليك يا دكتور معاذ :biggrin2:
الف شكر ليك يا موتورايز :biggrin2:
على كلامكم و ذوقكم و ردودكم الجميلة .... و ده يضاف للاسباب اللى مخليانى معجب بالسيريون انه فى ناس محترمين زيكوا كده جايبينها .......و الواحد كمان نفسه ينضم للاسرة السيريونية الجميلة و يبقى واحد منكم ......و يتشرف بمقابلتكم جميعا ... و ابقى اخ ليكم ان شاء الله قريب.....
و انا قررت انى اجل الشراء لحد ان شاء الله لما المولود يشرف بالسلامة .... و كمان اكون اديت نفسى مهلة ازود المقدم بتاعى ....... و يكون معنديش ضغوط على المستوى القريب .....ان شاء الله ..
و قررت انى اصبر نفسى شوية و اشترى اى فون بتاع شركة ابل ....لانه شدنى جدا جدا ... و انا من الناس اللى ساعات يمر على وقت ابقى مخنوق و نفسى اشترى حاجة جديدة .... معرفشى فيه حد زيى و لا لا ........ بس انا انصح كل اللى مشافشى الاى فون انه يشوفه على اليوتيوب ......حاجة تحفة جدا .....:biggrin:
دي في العرض هتقف على 97460 يا جماعه اللي عايز يقسط يزود المقدم طبعا احسن له