ممكن نتناقش بخصوص افضل طرق غسيل وتنظيف غرفه المحرك....؟

**timo_crosswind** · 10-04-2009 03:30 PM

موضوع محير جدا جدا ازاي مش عارفين لحد دولواقتي نغسل عرفه المحرك بالطريقه الصحيحه.....ولو الطريقه العاديه اللي بنغسل بيها الموتور في اي مكان او بنزينه صح ليه دايما التوكيلات ومراكز الخدمه بتخوفنا منها ....وليه مصانع السيارات علي مستوي دول العالم مش بتنبهنا اوترشدنا لافضل طرق غسيل المتور للحفاظ عليه من الاعطال ف كتلوجتها ...

ياريت يااخوتي الاعزاء نتناقش في افضل طرق غسيل غرفه المحرك بشكل امن وازاي نعرف الاجزاء الحساسه جدا من الغسيل وطرق التعامل معاها.....
انا شايف ان الموضوع ده مهم جدا جدا وياريت نستفيد من ارائكم....شكرا

**timo_crosswind** · 10-04-2009 04:37 PM

هو الموضوع صعب للدرجه دي يعني مفيش اراء بخصوصه....ولا انتو شايفين ان الموضوع تافه مش مستاهل نتناقش فيه.....ياريت ياخواتي الرد حتي لو مجرد راي.....شكرا

**SAMEH_FOUAD** · 10-04-2009 04:51 PM

انا اللى اعرفة ان دلوقتى فية التنظيف الكيمائى (البخار الجاف)دة احسن وسيلة تنظف بيها العربية كلها من جوة وبرة والماتور ومن غير نقطة مية وكانها جديدة ولو مثلا عشان تكلفتة غالية يبقى تروح لاى بنزينة وتغطى الاجزاء اللى ممكن تتأثر
يعنى العربيات اللى بتعمل بنظام الكربراتير اهم حاجة يغطوها الاسبراتير
لكن الانجكشن مابتفرقش معاة المية لانها كلها حساسات وشغالة بفيش فممكن تنظف الماتور بس بجاز او بنزين. (مية لأ طبعا)لانة هيبوظ العربية وهيخلى اجزاء فيها شحم ممكن تتأثر بالمية وبعدين انا اصلا مش من محبى غسيل الماتور لانك طول مانت محافظ على العربية من الشحوم والزيوت يعنى مثلا مافيش عندك بتسرب يبقى تمام ومش محتاج اكتر من فوطة زفرة تلمع بيها اجزاء الماتور ودة اللى انا بعملة كل اسبوع

**magyver** · 10-04-2009 07:19 PM

والله انا بشوووف عربياات انجكشن كتيير قوي
بتغسل الموتور بمياة وبريل في البنزينة

**m_s_h_a** · 10-04-2009 09:21 PM

الاسبراى افضل ووامن وخاصة الخراطيم بتتاثر يا جماعه بالجاز

**zocor742** · 10-04-2009 09:30 PM

جربوة الاسبراى وان شاء الله يعجبكم

**mshamy** · 10-04-2009 09:30 PM

والله موضوع هايل و يستحق كل من له خبره ان يقول رأيه و تجربته:
عن نفسي باعمل الأتي:
1-باستخدم الهواء المضغوط لتنظيف الغبار و الأتربة.
2- باستخدم مزيج من زيت البرافين و الكحول في تنظيف الخراطيم و الأجزاء البلاستيكية ثم التلميع بفوطة جافة جيدا حتى لايلتصق التراب مرة أخرى وممكن الموضوع ده يدينى نظافة ممتازة لمدة شهر و نصف او شهرين
3- ممكن مرة في السنة ان أقوم بغسيل الغرفة بالماء المضغوط و الجاز في أي محطة (بس مش أكتر من مرة في السنة)

**waleedrahmy** · 10-04-2009 09:59 PM

2- باستخدم مزيج من زيت البرافين و الكحول في تنظيف الخراطيم و الأجزاء البلاستيكية ثم التلميع بفوطة جافة جيدا حتى لايلتصق التراب مرة أخرى وممكن الموضوع ده يدينى نظافة ممتازة لمدة شهر و نصف او شهرين

جديدة الفكرة............... وانا ليا فكرة مشابهه بس بنزين + زيت

**timo_crosswind** · 10-04-2009 11:03 PM

شكرا لكل من شارك في هذا الموضوع
ثانيا الموضوع غسيل غرفه المحرك موضوع مهم جدا ليه التوكيلات ومراكز الخدمه مش ترشدنا للطرق الصحيحه في غسيل الموتور وليه المصنعيين نفسهم بما انهم اكثر درايه باللي صنعوه مش يقدموا النصايح الكافيه للحفاظ عليها؟