و الله و عملوها الاسكندرانية و رفعوا راس نايل موتورز
و الله و عملوها الاسكندرانية و رفعوا راس نايل موتورز
السلام عليكم و رحمة الله و بركاته
كل سنة و المنتدى و أعضاءة و الإداريين و المشرفين و الفنيين بخير و بسلامة
الحمد لله رب العالمين ... كان يوم جميل جداً و كفاية إنى إتعرفت بشخصيات فى منتهى الزوق و الإحترام و رائعة بمعنى الكلمة , و ربنا يديم المعروف و المودة و الحب بين كل الأعضاء
شكراً لكل من ساهم فى هذا الحفل الرائع و تحية خاصة إلى كريم منير و حسام حسن و نادر و أحمد بيك أبو زيد و محمد شنورى و أشرف فتحى ( اللى تكرم و أخدنى معاه فى عربيته ) و كل الأعضاء الكرام اللى تواجدو فى عيد الميلاد و شرفت جداً بالتعرف عليهم.
:B4_388:
كل سنه و إنتم بخير :k10:
كل سنة و إنت طيب يا أحمد بيه
جزاك الله خيراً على المجهود الرائع و الإستضافة الرائعة
و مستنيك إن شاء الله فى القاهرة عشان تنورنا و أحاول أردلك واحد فى المليون من كرمك و زوقك العالى :k10:
معلش لسه صاحي من النوم من شوية
بجد اليوم اكثر من رائع بشوية التنظيم بس اللي كان مرهق حبتين
ولما بتكون بتنظم لحد بتحبة غير لما بتكون بتنظم عشان بتادي عمل
الحمد لله كانت مقابلة ناجحة بكل المقاييس
بداية من من الترتيب والتنظيم اللي قام بيه اخي شنوري والمواضيع اللي كان بيعملها للتاكيد
يليها عرض استاذ احمد ابو زيد(اللي تشرفت جدا بمعرفة انسان على خلق ومحترم وكريم زيه)بانه يستضيف المنتدى في شقتة الشخصية
وطبعا انا مش هاتكلم عن جمال الشقة ولا عن كرم الضيافة اللي الصور هاتكون ابلغ شاهد بيه
يليها عرض اخي اللواء حسام حسن بترتيب التورتة المتميزة من فندق لابساج وخصم 50% عشان خاطر نايل موتورز واللي ماداقش التورتة دي احب ابلغة انك مش هاتدوق زيها في حياتك لانها بجد متظبطة لدرجة اني ماقدرتة اكل نص قطعتي ومش عارف ما شاء الله اللي داسو في قطعتهم وخدو كمالة عملوها ازاي ربنا يديهم الصحة
يليها التصميم الرائع من اخي نادر الطرابيشي لشعار احتفالية المنتدى بالعيد الثاني
التجمع كان عند بنزينة امارت مصر اللي عند الكارتة وماخرنيش غير ان الصورة ماكنتش اتطبعت على التورتة (وخالد عادل اللي هاركب معاه بصراحة حضر في ميعادة وماتصلتش اصحية ولا حاجة
جرررررررررررررر
تم التحرك ووصلنا لغاية الشقة حوالي 11:15 قعدنا واتعرفنا ونزلنا على الاذان مع اني كان الاعضاء اعصابهم تعبانة لما شافو صورة التورتة ومع الجوع والمشوار الحمد لله ماحصلهاش حاجة
بعد الصلاة طلعنا على الشقة نقطع التورتة وسط هتافات وعصبية وتعب اعصاب كبر ايدك شوية عايزين حتة كبيرة
وانا اقولهم يا جماعة والله اللي عايز ياخد تاني
بس تقول لمين القناعة كنز لا يفنى
اترمي منها قد كدة وناس تانية قدرت على الكمالة
وكله بعدها نزل على البحر يهضم
والهواء لطشهم وشوية العصافير اشتغلت
عصافير الجوع
والاتصالات انهمرت على استاذ ابو زيد اللي راح يجيب الوجبات من سموحة
ايون من سموحة للعجمي مش بقولقكم مش هانوفية حقة في الشكر
وصل الاكل وفجأة تحولت الشقة لشعب الصومال الجائع
كل واحد اغتنم فريستة قصدى وجبته وانزوى في ركن ما يلتهمها في صمت
ما بين مش قادر يكمل وما بين متبرع ومابين ناس رجلها وجعتها من الاكل واقفين(اه يا رجلى) وما بين التعليقات الظريفة
بعد الاكا احلى منظر لناس موخمة ومش قادرين يتنفسوا وناس سطحت على السراير
ومناقشات حامية حول اقتصاد مصر وادارة المنتدى اللى اول مرة اسمع اعتراف مباشر بنجاحها في الحفاظ على شعرة معاوية بين الحزم والاحترام بين الادارة والاعضاء
وانا كمان معاهم بوجه الشكر للادارة بنجاحها في تخفيف حدة الرد على الاعضاء
وكمان مناقشة بعض فنيات المنتدى وسبل تطويرها
وانتقل الحوار الى ضرورة سرعة التصوير لان الشمس في طريقها للمغيب
نزلنا اتورنا وصورنا العربياتواتوزعنا على عربياتنا في طريقنا للقاهرة
بحب شكر كل طاقم العمل والضيافة وكل المضيفين الهايلين وكل واحد كلف نفسة وجه عشان يقابلنا وكل اللي ماسعفهمش الوقت والظروف للحضور
بجد احلى صحبة لاحلى منتدى
شكرا خاص وحار لسيادة عميد المنتدى استاذ جمال على تشريفة للقائنا المتواضع لانه شخصية لو قعدتم معاها فعلا هاتدمنوها
شكر خاص لسيادة وكيل العميد استاذنا احمد ابراهيم على تشريفة للقائنا المتواضع وقيادة مسافة 500 كم رايح جاي عشان يشرفنا بحضورة المتميز
(اقتراح بسيط لمشرفين المنتدى بالقاب شرفية سيادة العميد لاستاذ جمال وسيادة الوكيل لاستاذ احمد ابراهيم لكونهم اكبرنا سنا ومكانا في قلوبنا جميعا)
شكرا خاص لمضيفنا استاذ احمد ابو زيد بجد مش هاعرف اوفيك شكرك لكن من عميق قلبي بقولك جزاك الله خير
شنوري انا هاعرف اشكرك على حسن تنظيمك (يا اللي نسيت الكوبايات ها ها) وهانزلك اليكس مخصوص عشان اشكرك
معذرة لكل الاخوة اللي كانو مستنين الاستيكر لكن ان شاء الرحمن يكون عندكم في اليكس خلال اسبوع بالكتير وهايكون في مكانين في اليكس بيوزعوة
كافية برستيج في سبروتنج على البحر (متواجد الان بالفعل)
ومحل اخونا شنوري اللي هايكتب عنوانة بالظبط
----------------
خبر غير عادي اتقال في المنتدى وبيدل ان كان بيدل على قوةنجاح المنتدى وتاثيرة في المصريين
استاذ اسلام فريد تبرع بقطعة ارض في الارض بتاعتة 525 تطل على هضبة عجيبة للمنتدى لصالح المنتدى
وسيتم كتابة عقد رسمي قريبا جدا ان شاء الله بذلك
بجد شكرا استاذ اسلام
سبب التبرع من استاذ اسلام كما سالتة واجاب ان دي اقل حاجة اقدمها لمكان لقيتة في مصر لسه اعضائة وادارتة بيحبو بعض وايجابيين مع بعض بدون اي هدف مادي سوا المنفعة العامة وحب الله وحب البلد دي والارتقاء بها ان شاء الله
اشوفكم على خير في مقابلات انجح ان شاء الله
بعد اذن الناس اللي تعبت ورفعت الصور ممكن تتعب شوية كمان وترفعها على الجروب على الفيس بووك عشان تفضل هنا على طول
وتكون اوضح للناس واسهل
وكمان عشان نرفع كل الفيديوهات اللي اتصورت
ده لينك المقابلة ومستني رفع الصور كلها وانا بدات اولكم برفع صوري الحصرية
تقدرو توشوفوها ولسه بكمل
http://www.facebook.com/groups.php?r...id=78369157194
احلى مقابلة اللي لسه ماجتش لسه
الف شكر يا استاذ كريم على رفع الصور على موقع facebook وبجد لقاء جميل وعيد ميلاد سعيد لكل اعضاء المنتدى
كل سنه وانتم بالف خير:B4_033::B4_033::B4_033:
علي فكره انا مش عارف اقولكم ايه ولا ايه
بجد انا اللي مش عارف اشكركم ازاي علي تعبكم
وتقديركم لينا بجد انتم نورتم اسكندريه
الف شكر لكل الناس اللي حضرت
الف شكر لاخي احمد ابو زيد الي مش عارف من غيره كنت حعمل ايه
الف شكر لكريم منير وتعبه
مليون شكر لعربيتي انها عرفتني علي ناس زيكم
انا من كتر اللي جوايا مش قادر اعبر عنه بكلام
كان يوم تاريخي في حياتي ومش حنساه طول عمري
بس هو ليه مفيش ولا صوره ليا !!!!!!!!!!!!!
ههههههههههههههههههههههه
وحشتوني والله وبتمني اشوفكم كلكم قريب
والله وعملوها الرجالة
كل سنة وانت طيب نايل موتورز
ودايما ً لامم الناس المحترمة دي
الشكر لله يا باشا
وسعيد جدا اني شوفتك لاول مرة
نشوفك بعد كدة على طول في كل مقابلة زي ماقلت
وانا كمان بقول لكل الاسكندرانية ولكل اللي حضرو المقابلة شكرا على اليوم الجميل ده
رجاء لمشرف القسم ضم كل موضوعات المقابلة في موضوع واحد
ومستنين كل الصور والفيديوهات على اخطار المقابلة على الفيس بووك
http://www.facebook.com/groups.php?r...id=78369157194
وده لينك تغطية المقابلة ومعظم الردود
https://www.nilemotors.net/Nile/69255-2009.html
شنوري باشا شكر خاص على تعبك في التنظيم
احمد بيه ابو زيد شكر خاص على الاستضافة
أنا طول الليل بحلم إنى لابس جاكت هارلى و بنطلون جينس هارلى و جزمة هارلى و خوزة هارلى و فانلة هارلى على بوقى و سايق موتوسيكل هارلى و سايق جنبى سيد هارلى و معايا كل عيلة زعبولة هارلى و رايحين العين الساقعة فى هارلى فى رحلة سفارى هارلى و ظ هارلى إنى نايم على ظاهرلى !!!!!! هههههههههه ( الضحكة دى بتاعة سيد هارلى ) :POINTI~2[2]:
كان نفسي يا نادر بصراحة
شنوري حلف يعمل عيد ميلادة على بقيتها:Ka_che1[1]:
وتامر وشوقية ولادي حلفو ما يدخلوني البيت من غير ما يدوقوها
خدت 10 سم في 10 سم:shine[1]:
---------
ربنا يخلصك من اللي انت فيه على خير ان شاء الله
شكرا يا بسكوتة وانا اقل واحد في مجموعة العمل التنظيمية دي
ودايما شعار نايل موتورز مرفوع باعضائة المحترمين
الصورة اتبعتت بعد الانتخة الاولى من اكل التورتة
طلع الميني نوتبوك والمودم الفودافون والصورة اتبعتت بلوتوث واترفعت واتعمل موضوع بث مباشر لاغلى اعضاء
على فكرة
على جنب كدة
انت كنت منور المقابلة بجد يا سيادة عميد المنتدى
يا عم ايه الاحراج ده ربنا يبارك فيك ويباركلك في ابنك
انتم اغلى ناس الواحد عرفهم وتستاهلو دايما كل خير