الموضوع: غبور حكاية لا تنتهى

السلام عليكم ورحمة الله وبركاته
أولاً أقدم لكم التهنئة بمناسبة شهر رمضان الكريم أعاده الله على جميع اعضاء المنتدى الكرام بكل خير
كنت قد قرأت انطباعات جميع السادة اعضاء عن توكيل هيونداى فى مصر (غبور) غير أن ما تقرأه شئ وما تعايشه شئ آخر تماما
فقد قمت بحجز سيارة فيرنا1600 بفرع أبو رواش يوم 23 يوليو 2007 وللآن لم أستلمها وأرجو أن تتحملوا الإطالة لأنى بصراحة مفقوع منهم:
- اتفقت مع بنك مصر لشراء السيارة بضمان وديعة وكانت مطالب البنك العادية وهى :
1- عرض أسعار 2- صورة من البطاقة الضريبية والسجل التجارى للبائع
3- إبلاغ البنك بموعد التسليم المحدد لاستخراج الشيك حيث لايتم تحرير الشيك إلا لو كانت السيارة موجودة بالفعل.
- ذهبت يوم 23 يوليو 2007 إلى ابو رواش وطلبت عرض الأسعار وفاموا بتسليمه لى وطلبوا منى رقم الفاكس الخاص بالبنك لارسال صورة البطاقة الضريبية والسجل التجارى فى اليوم التالى حيث أنه كان يوم أجازة.
اتصلت بالبنك فى اليوم التالى وسألت هل الصور وصلت بالفاكس فقالوا لى لا فكلمت غبور فابلغونى بان الاوراق فى الادارة وبعتوا يجيبوها وسيرسلوها فورا
- كلمت البنك يوم 1/8 هل الاوراق وصلت قالوا لا والأفضل تروح تجيبها بنفسك فذهبت فى نفس اليوم الى ابو رواش فابلغونى انه لم يرسلوا الأشياء لأنك لم تدفع مقدم حجز طب مقلتوش ليه من الأول يو ما اخدت عرض الأسعار المهم دفعت 1000 جنيه مقدم حجز وخدت صورة الأوراق وديتهم البنك وقلتلهم 15 يوم بالكتير وحاستلم فقالولى بلغنا قبلها بـ 48 ساعة لاستخراج الشيك
يوم 15/8 كلمت غبور وقلتلهم خير يعنى ما حدش اتصل فالولى معلش أصل فيه خبر مش حلو ات العربية تمنها زاد 1000 جنيه وانتجها موقوف حالياً عشان المصع بيطلع الفيرنا 1500 وايه رأيك ماتاخد فيفا احسن كأنهم عايزين يبيعوها بأى شكل قلتلهم لا معلش حاستنى بس أرجو انكو تتصلوا اول ما العربية تبقى جاهزة
-يوم 2/9 سمعت ان فيه انتاج خرج من المصنع فاتصلت (مش هم اللى اتصلوا) قالولى مبروك فعلا العربية جاهزة قلتلهم يعنى اخلى البنك يطلع الشيك قالوا طبعا
- بعدها بيومين رحت انا ومندوب البنك ومعاه الشيك ومستعدين لاستلام العربية وبعد الجلوس والتحية والعربية جاهزة واخد الشيك رجع بعد نص ساعة فاللنا معلش العربية مش حاقدر اسلمهالكم الا بعد حوالى اسبوع او عشرة ايام لما الشيك يتصرف ويدخل الحسابات
- مندوب البنك قعد يضحك ويقولله هو انتم مش عارفين الفرق بين الشيك البنكى والشيكات الأخرى رد عليه (ملحوظة مش عايز اذكر الأسماء) وقاله هو نظام الشركة كدة عشان السوق مليان شيكات بنكية مضروبة فرفض مندوب البنك تسليمهم الشيك وقالله استعلموا براحتكم وابقوا اتصلوا بالبنك
-عدنا انا ومندوب البنك بخفى حنين من ابو رواش مع وعد بانه حيحل هذا الموضوع مع الادارة المالية فى غبور خلال اسبوع
تانى يوم اتصلت بأحد المعارف اللى يعرف ناس فى ابو رواش (بدون اسماء معلش) وعرف منه ان العربية لا كانت موجودة ولا حاجة وانهم اخترعوا موضوع الشيك عشان يهربوا من التسليم بعد ما بلغونا ان العربية جاهزة وان الموضوع حيتحل هذا الأسبوع
- للأسف انا منتظر اشوف حيتحل ازاى وللأسف هذا هو الأسلوب الذى يتبعه اكبر موزع (خسارة كلمة توكيل) فى مصر
آسف للإطالة وكل عام وأنتم بخير

ربنا معاك وحاول تشوف حد غير غبور اشترى من موزع معتمد هاتستلم على طول