للاخوة الاطباء أو الصيادلة أريد معرفة نوع جهازقياس ضغط الانسان كويس و سعره لو أمكن
شكرا
عرض للطباعة
للاخوة الاطباء أو الصيادلة أريد معرفة نوع جهازقياس ضغط الانسان كويس و سعره لو أمكن
شكرا
بيتهيالى يا باشا مفيش انواع معينه
انت روح على محل من محلات الادوات الطبيه وقوله عايز جهاز ضغط
فيه نوع ديجيتال بيتلبس فى الايد و يقيس علطول وده كويس لو حضرتك مالكش فى موضوع قياس الضغط
ولو بتعرف هات جهاز عادى مع سماعه طبيه
ألف شكر على الرد
ما هو الجهاز الديجتال ده هو اللى انا عايز أجيبه و باسال على نوع كويس فيه
شكرا مرة أخرى
الديجيتال غالبا لن يعطيك قراه صحيحه
لالافضل العادي الزئبقي
الماني او ياباني
فيه نوع كويس اسمه mastermed m5
ده الماني بس بكام مش عارف
ده زئبقي مش ديجيتال ..
الديجيتال مش دقيق..الزئبقي افضل
فعلا الرقمي مش دقيق
والجهاز العادي هو الصح وفكرة عمله سهله جدا ومش معقد
الخطوات انك تجيب سماعة طبية وتحطها في ودنك بحيث يكون اتجاه الذراعين الحديديين للأسفل والامام downward and forward)
وده عشان تسمع افضل صوت
وبعد كده السطح الدائري الكبير للسماعة اضرب عليه بصباعك لو حسيت برنه في ودنك يبقى كده السماعة مفتوحه ع الوش ده ولو مسمعتش حاجة قبل السطح بتاع السماعة في زي انبوبة ممكن تحركها يمين وشمال عشان تخلي السطح ده يهتز ويرن في ودنك
بعد كده لما تفتح جهاز الضغط بص ع انبوبة الزئبق هتلاقي من بره عليه دراع صغير وده دوره بيقفل المجرى بتاع الزئبق عشان مع الحركه واثناء التخزين الزئبق مايتحركش افتح الدراع ده
بعد كده هات ( cuff ) الرباط الضاغط ولفه حولين دراع الشخص يعني سنة بسيطة فوق مفصل الكوع
وحط السماعة تحته
بعد كده بواسطه مضخة الهواء اليدوية اعد انفخ لغاية متوصل فوق ال 120 يعني لغاية 170 اخرك بالكتير اوي 200
وهتلاقي عند المضخة برده صمام بتفتحه عشان تنفس الهوا شوية شوية ده كله طبعا وانت حاطط السماعة في ودنك وياريت تقول الشخص اللي بتقيسله الضغط مايكلمش عشان مش يشتت تركيزك
اثناء تفريغ الهوا راقب عمود الزئبق بالنسبة للشخص السليم عند ضغط 120 هتسمع صوت ضربة القلب وهتلاحظ ان قمة عمود الزئبق بتطلع وتنزل بالظبط مع ضربات القلب ده ضغط الدم اثناء انقباض عضلة القلب (systolic pressure )
وطلع هوا كماان من المضخة شوية شوية لغاية متوصل 80 هتسمع تاني ضربات القلب وعمود الزئبق طالع نازل
ده بقى ضغط الدم اثناء ارتخاء عضلة القلب (diastolic pressure)
وبكده انت قست الضغط وهو 120 ع 80 شيل الرباط وفرغه من الهوا خالص لغاية مايفضى وتلاقي عمود الزئبق نزل تحت خالص اقفل الصمام بتاعه
وياريت مش تقيس الضغط في دراع واحد اكتر من تلات مرات ساعتها ممكن تلاحظ ان في خطوط حمرا عند منطقة القياس دي بسبب فرقعة شوية شعيرات دموية من الضغط عليها
معلش انا طولت عليكو
سلام عليكم
ألف شكر أخوانى
ألف شكر أخى megamoudy على الشرح القيم
هو الهدف من الديجيتال انه سهل الاستخدام
و هل الفرق بينه و بين الزئبقى فى الدقة فرق واضح أم لا
100*100 مضبوطاقتباس:
الديجيتال مش دقيق..الزئبقي افضل
اليابانى 350 تقريباً و الألمانى 470 جنية و الصينى 80 جنية
أنا سألت عليهم من إسبوع فى المحلات اللى أمام كلية الصيدلة و القصر العينى الجديد و شارع رشيد
و الناس قالتى الصينى الزءبق بتاعة بيهرب مع كثرة الشغل و الأفضل الألمانى طبعاً بس أنا شايف إنه غالى جداً بالنسبة للإستخدام المنزلى.
أنا شاري واحد صيني ب65جم
الصينى يا باشا ما يزيدش عن 40 جنيه
ووالله موضوع الزئبق ده ولا مره قابلنى انه بيفرق كل الدكاتره شغالين بالصينى فى المستشفيات المهم طريقه القياس
وانا شايف لحضرتك الديجيتال كويس اوى و ممكن تسال الراجل الى بيبعه عن طريقه استخدامه و الطبيعى بتاعه بيقيس عند كام
وانا رايى برضه موضوع قياس الضغط وخصوصا لو مريض ضغط او سكر تبقى متابع مع دكتور عشان الدكتور بيبقى ليه وجهه نظر وساعات الضغط بيبقى عالى او واطى و يكون طبيعى فى الحاله دى مثلا لكن اى حد مش دكتور و حد ساله عن القياسات دى وهو بيقول النتيجه هيبقى الموضوع مقلق شوى وخصوصا للعيان
بس
اليابانى بحوالى 75 ايه الاسعار دى
mercury better than digital
if u need digital ask about - omron - made in uk this one very good
one type lower arm like watch
other one upper arm similar to mercury but digital this better
prise about 600
if u need mercury ask about - lettman- made in germany or riester germany prise about 450
dont buy chines machine
نشكر الدكتور mido moudy على اضافتة وشرحة .... تكن فى ملحوظة لابد اذكرها ..وهى انة اثناء تفريغ الهواء تكون اول دقة تسمعها وما يقابلها من قراءة الرقم عند طرف عمود الزئبق هو القراءة العليا وتمثل ( ضغط الدم السيستولى ) وباستمرار تفيغ الهواء ببطئ تكون اخر دقة تسمعها ومايقابلها من قراءة الرقم عند طرف عمود الزئبق هو القراءة السفلى وتمثل (ضغط الدم الدياستولى ) ... والموضوع عايز خبرة وكثرة قياس الضغط حتى تتقنة .. ارجو ممن لايمتلك هذة الخبرة من غير الاطباء الاعتماد على الاجهزة الحديثة .. (الديجيتال ) الجيدة فالفروق بينها وبين الاجهزة الزئبقية .. ليست كبيرة .. وعلى الاقل لن تسبب خطورة على مريض الضغط . وفى جميع الاحوال يكون الطبيب هو اضمن مرجع ... ( خلونا ناكل عيش ونسك ع الاضراب ) :36_1_40[1]::w6266d:k7::k7:
شكرا لكم على مساعدتكم
سوف أسأل ان شاء الله على omron