أريد معرفة نوع جهاز ضغط كويس

**tmz9111** · 10-04-2009 04:13 PM

للاخوة الاطباء أو الصيادلة أريد معرفة نوع جهازقياس ضغط الانسان كويس و سعره لو أمكن

شكرا

**Dr.Mohamed** · 10-04-2009 04:29 PM

بيتهيالى يا باشا مفيش انواع معينه
انت روح على محل من محلات الادوات الطبيه وقوله عايز جهاز ضغط
فيه نوع ديجيتال بيتلبس فى الايد و يقيس علطول وده كويس لو حضرتك مالكش فى موضوع قياس الضغط
ولو بتعرف هات جهاز عادى مع سماعه طبيه

**tmz9111** · 10-04-2009 04:53 PM

ألف شكر على الرد
ما هو الجهاز الديجتال ده هو اللى انا عايز أجيبه و باسال على نوع كويس فيه
شكرا مرة أخرى

**osamaos20022** · 10-04-2009 06:22 PM

الديجيتال غالبا لن يعطيك قراه صحيحه

لالافضل العادي الزئبقي
الماني او ياباني

**casperinoo** · 10-04-2009 06:56 PM

فيه نوع كويس اسمه mastermed m5
ده الماني بس بكام مش عارف
ده زئبقي مش ديجيتال ..
الديجيتال مش دقيق..الزئبقي افضل

**megamoudy** · 10-04-2009 08:05 PM

فعلا الرقمي مش دقيق

والجهاز العادي هو الصح وفكرة عمله سهله جدا ومش معقد

الخطوات انك تجيب سماعة طبية وتحطها في ودنك بحيث يكون اتجاه الذراعين الحديديين للأسفل والامام downward and forward)

وده عشان تسمع افضل صوت

وبعد كده السطح الدائري الكبير للسماعة اضرب عليه بصباعك لو حسيت برنه في ودنك يبقى كده السماعة مفتوحه ع الوش ده ولو مسمعتش حاجة قبل السطح بتاع السماعة في زي انبوبة ممكن تحركها يمين وشمال عشان تخلي السطح ده يهتز ويرن في ودنك

بعد كده لما تفتح جهاز الضغط بص ع انبوبة الزئبق هتلاقي من بره عليه دراع صغير وده دوره بيقفل المجرى بتاع الزئبق عشان مع الحركه واثناء التخزين الزئبق مايتحركش افتح الدراع ده

بعد كده هات ( cuff ) الرباط الضاغط ولفه حولين دراع الشخص يعني سنة بسيطة فوق مفصل الكوع
وحط السماعة تحته
بعد كده بواسطه مضخة الهواء اليدوية اعد انفخ لغاية متوصل فوق ال 120 يعني لغاية 170 اخرك بالكتير اوي 200
وهتلاقي عند المضخة برده صمام بتفتحه عشان تنفس الهوا شوية شوية ده كله طبعا وانت حاطط السماعة في ودنك وياريت تقول الشخص اللي بتقيسله الضغط مايكلمش عشان مش يشتت تركيزك

اثناء تفريغ الهوا راقب عمود الزئبق بالنسبة للشخص السليم عند ضغط 120 هتسمع صوت ضربة القلب وهتلاحظ ان قمة عمود الزئبق بتطلع وتنزل بالظبط مع ضربات القلب ده ضغط الدم اثناء انقباض عضلة القلب (systolic pressure )
وطلع هوا كماان من المضخة شوية شوية لغاية متوصل 80 هتسمع تاني ضربات القلب وعمود الزئبق طالع نازل
ده بقى ضغط الدم اثناء ارتخاء عضلة القلب (diastolic pressure)

وبكده انت قست الضغط وهو 120 ع 80 شيل الرباط وفرغه من الهوا خالص لغاية مايفضى وتلاقي عمود الزئبق نزل تحت خالص اقفل الصمام بتاعه

وياريت مش تقيس الضغط في دراع واحد اكتر من تلات مرات ساعتها ممكن تلاحظ ان في خطوط حمرا عند منطقة القياس دي بسبب فرقعة شوية شعيرات دموية من الضغط عليها

معلش انا طولت عليكو

سلام عليكم

**tmz9111** · 11-04-2009 02:22 PM

ألف شكر أخوانى
ألف شكر أخى megamoudy على الشرح القيم
هو الهدف من الديجيتال انه سهل الاستخدام
و هل الفرق بينه و بين الزئبقى فى الدقة فرق واضح أم لا

**waleedrahmy** · 11-04-2009 02:39 PM

الديجيتال مش دقيق..الزئبقي افضل

100*100 مضبوط

**ahit** · 11-04-2009 06:29 PM

اليابانى 350 تقريباً و الألمانى 470 جنية و الصينى 80 جنية
أنا سألت عليهم من إسبوع فى المحلات اللى أمام كلية الصيدلة و القصر العينى الجديد و شارع رشيد
و الناس قالتى الصينى الزءبق بتاعة بيهرب مع كثرة الشغل و الأفضل الألمانى طبعاً بس أنا شايف إنه غالى جداً بالنسبة للإستخدام المنزلى.

**waleedrahmy** · 11-04-2009 06:48 PM

أنا شاري واحد صيني ب65جم

الموضوع: أريد معرفة نوع جهاز ضغط كويس

LinkBack

أدوات الموضوع

عرض

أريد معرفة نوع جهاز ضغط كويس - انشر الموضوع فى :

-

-

-

-

-

-

-

المواضيع المتشابهه

أريد معرفة جراح أطفال

أريد معرفة أسعار قطع غيار e46

أريد معرفة مقاس البوجيهات

أريد معرفة عيوب لانسر 95

أريد معرفة كل شىء عن الفيورا 127

الكلمات الدلالية لهذا الموضوع

المفضلات

المفضلات

ضوابط المشاركة