مشكلة فى التكييف

**khaledhendawy** · 10-04-2009 04:39 PM

انا عندى حاجة غريبة فى التكييف
بحس بعد تشغيل التكييف ان الكومبريسور بيفصل وبيشتغل لوحده(بحس بنتشه) اثناء السير ومتهيالى ان ده له تأثير سىء
نوع العربية افيو ومفيش ترموستات ومع العلم مافيش اى تاثير على برودة التكييف او سرعته

**samirayad** · 10-04-2009 04:57 PM

راجع على توصيلات كلاتش تعشيق الكمبروسور.........وبالمره راجع على كتاوت الكلاتش والفيوز بتاعه......( لأنة واضح أن فيه حاجه مش موصله كويس.......بتوصل وتفصل ....يعنى مهزوزه كهربيا )

**EHAB TAHER** · 23-04-2009 08:35 PM

مش المفروض درجة حرارة الصالون توصل البرودة المطلوبة التكييف يفصل ويشتغل تانى لما الحرارة تعلى
انا عندى بيحصل كدة

**wesam_salom** · 23-04-2009 08:43 PM

المشاركة الأصلية كتبت بواسطة ehab Taher

مش المفروض درجة حرارة الصالون توصل البرودة المطلوبة التكييف يفصل ويشتغل تانى لما الحرارة تعلى
انا عندى بيحصل كدة

ده تكييف تاتش ولا عادى

والعربيه نوعها ايه

**EHAB TAHER** · 24-04-2009 01:57 AM

العربية كورولا 92
والتكييف عادى

**m_s_h_a** · 24-04-2009 08:55 AM

دى الطبيعى ان الكمبروسر يفصل ويشتغل تانى وعندى كدا بس حسب درجة الحرارة والله اعلم

**samirayad** · 24-04-2009 10:16 AM

المشاركة الأصلية كتبت بواسطة ehab Taher

مش المفروض درجة حرارة الصالون توصل البرودة المطلوبة التكييف يفصل ويشتغل تانى لما الحرارة تعلى
انا عندى بيحصل كدة

طبعا يا أخى : زى الثلاجه المنزليه بالضبط ......لما حساس درجة حرارة هواء التبريد اللى جنب السربنتينه (بيحس أنك وصلت لدرجة التبريد المطلوبه ) بيودى أشاره لوحدة التحكم عن درجة الحراره ......وبيقولها بالبلدى كده ( كله تمام والحراره المطلوبه وصلنا لها )....وعلى الفور بتروح وحدة التحكم واخده القرار وفاصله كتاوت كلا تش تعشيق الكمبروسور وهكذا......لما الحراره بتزيد تانى داخل الصالون بسبب النفس وطرد حراره جسم السائق أو الركاب ....برضه الحساس ده (اللى هو الثرموثتات ) بيودى أشاره لوحدة التحكم وبيقولها الحراره زادت .....وصاحبنا (اللى هو السواق ) ظابط الحراره على كذا والمفروض يتم تشغيل دورة التكييف

_ هنا بقه بتروح وحدة التحكم ملقطه الكتاوت بتاع كلاتتش الكمبروسور تانى لضخ الفريون فى الدوره ....وهكذا