الموضوع: اخيرا الجولييت تحت البيت

ألف مبروك العربية دي كويسة ويكفي انها كوري انا برضة معايا نوبيرا 99 كوري ربنا يديكي خيرها ويكفيكي شرها ولازم طبعا كل نصائح الزملاء بخصوص الصيانة المطلوبة لها
1- سير كاتينة وبلية الشداد.
2- سيور التكييف والباور في النوبيرا سير واحد بس للانوس اعتقد اتنين.
3- زيت محرك محترم يتغير والعربية سخنة وعاملة مشوار معقول مع تغيير الفلتر.
4- مراجعة زيت الفتيس و الباور.
5- غسيل دورة التبريد ووضع مياة خضراء موبيل لأن اغلب السعودي فشنك.
6-تغيير فلاتر الهواء والبنزين.
7-عبوة منظف لدورة الوقود ثم ملئي التانك للأخر وإستخدامة حتي ربع مستوي التانك لزوم تحسين نظام الحقن.
8- تنظيف فتر الهواء للتكييف وغالبا هيكون حالتة كويسة لأن برة الجو موش مترب.
9- أنطلقي بدون إسراع و يفضل سماع المحرك عند كل صباح مع التدوير والتسخين علي السلانسية بدون الضغط علي الدواسة لمدة دقيقتين حتي يصل الزيت لأجزاء المحرك ثم التزويد ل لحوالي 2500 لفة مرتين تلاتة وتركها لمدة خمس دقائق كاملة و في الشتاء لمدة اكتر شوية (التسخين روح المحرك) و مراجعة مستوي الزيت ومراقبة التابلوة ولمبات التحذير بإستمرار انا عن نفسي بألمح التابلوة كل أقل من دقيقة تقريبا !!!!! أتعودت علي كدة

مبرووووووك الف الف مبرووووك ربنا يكرمك فيها ؟؟؟