عرض للطباعة
احبابى اعضاء المنتدى
ذهبت الى السوق اليوم وكانت رحله شاقه ومتعبه وبصراحه معرفتش اشترى حاجه
وكل 20عربيه يمكن تلقى منهم عربيه كويسه
المهم الاسعار فى تباين ومفيش حركه فى البيع والشراء وناس بتقول اسعار عبيطه
ممكن تلقى واحد يقواللك فى عربيه 131موديل 77 يطلب 30 الف وحاجات عبيطه تانيه وكل السوق تجار وشغل حلنجيه ونصبين والعربيه تلقى ليها 4 توكيلات نصيحه الى يروح السوق يخد معه تجار قبل ما يخد فنى علشان يعرف يتعامل هناك
المهم انى رجعت من غير ما اشترى حاجه
فعلا يا نجم السوق التجار بوظووه يروحوا يوقعو الاسعار و يرجعوا يبيعوا تانى غالى
و ما تلاقى عربية نظيفة الا قليل مش عارفيين هيتظبط امتى ربنا يوفقك............
شكااااااااااااااااااااااا ااااااااااااااااااين تعبك:36_1_2[1]:
انا كمان لسه راجعه من هناك وملقتش حاجة كويسه
والكويس رافعين سعره كأنها اسعار سنه فاتت
وكان ابن عمي هناك واشرى لانوس 1 بصراحة سكة وتقرف ومغلوب فيها والمصيبة الاكبر انها من تاجر و4 توكيلات
مش فاهمة اللي كانوا معاه ازاي وافقوه عليها
على سبيل المثال للتضارب اكسيل م 97 راشة الحوض مع تاجر يقول 40 الف
اكسنت 2000 راشه الحوض 33 الف
عربيات اكسيل كذا واحدة دوكو وسمكرة بشع اي حد مش بيفهم في العربيات هاتلفت نظره انها وحشة كلهم فوق ال 35
معرفش التجار دول فاكرين الناس هبل ولا ايه
مفيش حركة بيع ولا شراء نهائي
للاسف العربيات اللي عجبتني كانت مشكلتي معاها يا اما في اللون او من محافظة بعيدة
يا جماعه انا نزلت السوق واتكلمت مع اكتر من تاجر هما مش عايزين يكسبوا بعقل دول عايزين يكسبوا فى العربيه اكتر من 15000 ويقولك كدا ببجاحه
مثال
تاجر قعد يتحايل عليا اكتر من ساعه جوه السوق انى اخلص عربيتى على مبلغ اقل من اللى انا طالبه وانا مردتش قالى انا عايز اطلع منها بمصلحه واللى انتا بتتكلم فيه بعيد قولت يمكن يكون عنده حق وانا بتكلم فى سعر غريب لفيت السوق لقيت ان سعرى معقول
راح جايلى تانى وواخد رقم تليفونى وادانى رقمه روحت مكلمه من رقم تانى وقلتله انا عايز عربيه هوندا
قالى انا اجبلك واحده وقعد يوصفلى فى عربيتى قولتله على كام قلى سعر اعلى من اللى عايز ياخده منى ب 15000 طيب دا يرضى ربنا
يخسف بحاجت الناس الارض ويبيع بمكسب كبير كدا
على كدا بقى الواحد يبطل شغل ويفتحله مكتب عربيات دا يكسب دهب
الناس بقت طماعه والظاهر ان احنا داخلين على مرض انفلونزا الجشع
ربنا يستر علينا
انت لسا حتدخل ده شعار البلد الشجع مش بس في العربيات في كل حاجة
بجد النا س االى هناك تحس انهم من كوكب تانى بيبعو اليسد اغلى من الزيرو حاجة غربية انا روحت و خت قرار انى مش هاروح تانى هناك
ممكن تدور فى جريدة الوسيط هتلاقى عربيات من اصحابها مش تجار زى السوق
انا مبفضلش السوق حالص كلة ضحك عالدقون
بجد تجار السيارات المستعملة دول معظمهم نصابين وبياعين كلام وبالذات في سوق الجمعة
والله عندكم حق..للأسف لم يعد مكان في هذا البلد سوى للنصابين والحثالة الذين يبخسون الناس أشياءهم ولو كالوا على الناس يستوفون اما اذا كالوهم أو وزنهوهم ينقصون..ربنا يرحمنا جميعا
ادعى معانا ويخرج للنور قرار فتح الاستيراد للمستعمل 3 سنوات للقضأ على الاحتكار و شوف وقتها الاسعار هتنزل 50% على الاقل فى سوق السيارات المستعملة والجديدة.
انا كمان كنت فى السوق الى اصبح مقبرة للسيارات و كل الالى شوفتوا نظيف محافظة الدقهلية و كل السوء اصبح تجار الا واحد او اثنين و فى تجار بينزلوا اعلانات على النت بصور العربيات فى موقع 000 000 ودول انا شوفتهم فى السوق احذر السوق الا لو كان معاك صانيعى تعرفة و تكون متاكد منه للانه ممكن تاجر يحاول يغويه و يولبسك فى الحائط وده كان هيحصلى لولا الصنايعى الى معايا معرفة جامدة احذروا من السوق الى اصبح تجار من المحافظات.
عفوا ايه حكاية القرار دا انا اول مرة اسمعه من حضرتك لو حد عنده فكرة يا ريت يفيدنااقتباس:
المشاركة الأصلية كتبت بواسطة medhatamr
وياتري اشتراها علي كام يا نور... ؟؟اقتباس:
المشاركة الأصلية كتبت بواسطة نور القمر
موديل 2000 على 40 الفاقتباس:
المشاركة الأصلية كتبت بواسطة Drift_Lover
وراشة جزء من الحوض يمين السواق والفرش الداخلي مش نضيف
هي بس مرشوشة من برة وشكلها كويس
لانوس 1
راشه جزء من الحوض.
فيها 4 توكيلات.
والفرش الداخلي مش نضيف (الحاله العامه مش أد كده )
و 40 الف...
طبعآ كتير جدآ علي انها راشه جوا..
شكرآ علي المتابعه يا نور