يا إما سارقها يا إما عبيط!!!

ركزوا معايا فى الصورة دى:

http://software.ericsink.com/entries/1721_image001.jpg

دى عربية بى ام كونفيرتيبل صاحبها راكنها مكشوفة و سابها و مشى ... ركزوا أكتر شوية ... ايه اللى محطوط ورا دة؟؟؟

http://software.ericsink.com/entries/1721_image002.jpg

دة لاب توب أبل!! مستنى صاحب النصيب ييجى ياخده!

العربية فضلت كدة حوالى نص ساعة و الغريبة ان ماحدش حاول ياخد اللاب توب (يمكن الناس كلها بتستخدم ويندوز و محدش بيهتم بالماك؟!!) ... و بعدين جاء صاحبنا و ركبها و مشى :)

http://software.ericsink.com/entries/1721_image003.jpg

(منقول و مترجم بتصرف)

هو مش في مصر فبتالي الاب توب ليس له قيمه

على فكرة الناس كمان بتخاف تهوب ناحية الحجات الغالية و هديك مثال زى مثلا بتاع الميكروباص أو التاكسى قبل ما يحاول يزنق على عربية بيبص الأول على ماركتها لو مرسيدس أو بى إم أو ماركة شكلها فخم و ما يعرفهاش يبعد و يوسع الطريق لأنه مش قد المشاكل مع صاحبها أما لو حاجة شعبية زى الكرولا ولا لانسر و لا شاهين يبتدى يحك معاه و هو مطمن شوية و الحرامية نفس النظام يخاف من العربية الحديثة أم إنذار و ممكن يكون فيها حاجات تانية ميعرفهاش تمسكه لما يحاول يسرقها بس ده رأى. :mrgreen:

المال الحلال ميضعش

يااااه نفس الMAC BOOK PRO اللي عندي :mrgreen: :mrgreen:


بالنسبه للحركه هو عبيط :mrgreen: غالبا

حظوظ دنيا عجيبة

لأ هوة شكله عبيط :D

الملفت فى الموضوع كمان ان لو واحد هنا فى مصر ساب عربيته مكشوفة كدة لمدة نص ساعة و رجع مش حيعرف يركبها من التراب اللى حيملاها :(

ولا عبيط ولا سارقها. للأسف الشديد بلاد بره كده (علي الأقل اليابان ,فرنسا, ألمانيا و كندا). مش عايز أقول إن ده منظر عادي لحد يقول إني مزودها. صحيح عندهم مشاكل عويصة بس حكاية إنك تسيب حاجتك في شارع أو في مول ترجع تلاقيها متلمستش جديرة بالإحترام

فرنسا بالذات لا و عن تجربه :cry: :cry:
بس الموضوع فعلا عادي بره مصر

يا جماعة دا كان قاعد قريب منها و بيشيش في قهوة المعلم شعبولا,,