أصل أنا لسه جديد في السواقة وكنت عاوز أسأل عن النقل المثالي بالفتيس على مختلف السرعات وإيه النتيجة لو نقلت بدري أو مـتأخر.
معلش هو سؤال واحد مبتدئ بس مهم أوي لي
عرض للطباعة
أصل أنا لسه جديد في السواقة وكنت عاوز أسأل عن النقل المثالي بالفتيس على مختلف السرعات وإيه النتيجة لو نقلت بدري أو مـتأخر.
معلش هو سؤال واحد مبتدئ بس مهم أوي لي
انا لست محترف ولكن هى دى معلوماتى
الاول لغايه 15 ك
الثاني لغايه 35 ك
الثالث لغايه 55 ك
الرابع لغايه 90 ك
المعلومة بالظبط فى كتالوج عربيتك
لو مش عندك وعندك عداد Rpm
استخدمه
اللى اعرفه ان اغلب العربيات تنقل من 2500 الى 3000
لو مش عندك مهم جدا تراعى السرعات
وان صوت الموتور ما يعلاش لان ده معناه انك وصلت لاخر الغيار
وكمان ما تجبش الاول الا لو العربية واقفة وبرده العكسى بتاع الرجوع للخلف
واقرا الاتى
http://www.nilemotors.net/Nile/showthread.php?t=35542
http://www.nilemotors.net/Nile/showthread.php?t=5357
http://www.nilemotors.net/Nile/showthread.php?t=13808
ولو تقدر خش على القسم التعليمى
فيه مواضيع جيدة
الموضوع يختلف من سيارة لأخرى حسب تعليمات الصانع بكتيب التشغسل لكن عموما في معظم السيارات المتعارف هنا غيرمن الأول الي الثاني بمجرد أن تحركت السيارة ثم من الثاني الى الثالث عندسرعة 40 ثم من الثالث الى الرابع عند سرعة 60 - 65 ثم الخامس بعد 80 - 90
و العودة بنفس الطريقة يعني مثلا لو نزلت من 80 ال 50 أرجع للثالث ز هكذا الى ان تتعود قدمك و يدك تلقائيا
طبعا المشي على سرعة منخفضة و غيلر عالي فيه اجهاد شديد على المحرك و استهلاك أعلى للوقود و تقليل في عمر المحرك على المدى المتكرر و الطويل اما الحرق على الغيار فهو أيضا له ضرره و لكن ليس بشدة الغيار العالي على سرعة بطيئة
يجب أن تحرص على استخدام الغيار المناسب لكل سرعة حتى تحافظ على موتورك و استهلاكك للوقود
و في المطالع احرص على عدم استخدام غيارات أعلى من المطلوب حتى لا تضر بسيارتك
تحياتي
يعنى ممكن تنقل ما بين 2 الى 3 rpm
بص احسن حاجة انك من اول لتانى تنقل عند 2500 rbmوعند كل غيار زود 500 يعنى من تانى لتالت انقل عند 3000
الموضوع بالاحساس
أول ماتحس إن الصوت بيعلى تغير السرعه
وبس
وبالنسبه لحكايه الضرر الي بيقع على المحرك من السير بسرعه بطيئه على غيار عالي..
ممكن تعرفني أكتر عن الموضوع ده يا ميمــــــــــو
عزيزي أحمد
تحياتي
للإجابة على سؤالك اسمحلي أن أشرح لك كيفية عمل صندوق التروس (الفيتيس) يتكون صندوق التروس من مجموعة من التروس المختلفة الأحجام و هي في معظم السيارات الحالية خمس تروس أمامية و واحد خلفي
و تتدرج هذه التروس من ترس كبير جدا الى أصغر فأصعر حتى الترس الخامس
الترس الأول لكبر حجمه فهو قادر على تحريك السيارة من السكون الى الحركة و لكنه لايستطيع أن يحركها بسرعة و يأتي دور الترس الثاني الأصغر حجما و القادر على اعطاء سرعة أعلى باعتبار أن عدد لفاته أقل و يأتي الذي يليه حتى الخامس و الذي يسير على سرعات عالية أكثر و أكثر
و نأتي هنا الى سؤالك
هل جربت يوما أن تتحرك بالسيارة على الغيار الثاني بدلا من الأول؟ الإجابة أنها سوف تتحرك و لكن بصعوبة طيب جرب تتحرك على الرابع بدلا من الأول
ستجد أن ذلك صعب جدا ربما يحدث و لكن بمشقة و المحرك سوف يصدر أصوات كركرة و ارتجاج لأنك تحمله أكثر من طاقته في تحريك جسم السيارة الذي يكون ثقيلا اكثر في وضع السكون
لو انت بتركب دراجة (بسكلتة) من النوع الذي فيه فتيس جرب كدة و امشي بيها على ترس صغير ستجد أن أقدامك تؤلمك و الدراجة تتحرك بصعوبة و لكن اذا تدرجت من الترس الكبير فالأصغر فالأصغر سوف تتحرك بك الدراجة بسهولة و نعومة
نفس الشئ في السيارة فهي مصممة بحيث تسير بسرعة معينة لكل غيار و معنى أنك تسير على غيار عالي مثل الرابع بسرعة بطيئة مثل 30 فإنك بذلك تجهد محركك و على المدى الطويل تقلل من عمره
لذلك فمن المهم جدا أن نقود و نغير السرعات بدقة كما هو مدون في كتيب التشغيل الخاص بالسيارة و عند النزول من سرعة عالية الى سرعة أقل ماتكسلش و رجع الفتيس للغيار المناسب للسرعة التي انت عليها ده مهم جدا للحفاظ على محركك و خاصة في فترة التليين
نسأل الله لنا و لكم السلامة
شكرا جدا يا ميمو
معلومه جديده دخلت صندوق التروس بتاعي..أقصد صندوق المعلومات بتاعي