مساعدة من أهل الخبرة حاجة غريبة حصلت بعد مروحت التوكيل بهدلت الدنيا مع بنزين 80

يا جماعة حصل حاجة غريبة قوى فى العربية :) العربية بمعنى الكلمة كنت بفول 80 وعارفين اللى بيتلكك عشان يخلى العربية تسقف بس هيا مكنتش بتسقف ولا فيه اى تأثير نهائى بس العربية سحبها بطئ جدا المهم روحت التوكيل وعملتلها صيانة وقبل مروح حطيت 90 للأسف وقلتلة العربية مخنوقة وهكذا المهم معرفش عملوا إيه العربية طلعت شوية وهتطير من على الأرض الأر بى ام بقى بيجرى بسرعة فظيعة غير الاول خالص بس المهم روحت حطيت 80 العربية للأسف بقت بتتلكك عشان تسقف حتى من غير تكيف و تسقيف غريب ومش مظبوطة خالص تفتكروا هما عملوا إيه فى التوكيل تفتكروا عدلوا فيشة الاوكتين ولا عملوا إيه على الفكرة العربية 2008 ودورت النهاردة الصبح على فيشة الأوكتين ديه مش لاقيها خالص أعمل إيه مكنها فين بالظبط !!! او تفتكروا هما عملوا إيه بالظبط ملحوظة على جنب التسارع غرييييييييييييييييييييييي ييييييييييييييييييييييييي ييييييييب بمعنى كلمة غريب عن الاول انا مش هقول ذاد سنة والسحب بقى أعلى وبس لأ ده بالتقريب زاد حوالى 40% عن الأول

انت اساسا انا كنت بحط لللنوس 80 ومكنش بيحصلها اى حاجة وكانت شغالة زى الفل بس لما غيرت للنوبيرا كنت بحط 92 وديها لميكانيكى بقا يرجعها زى الاول

طيب حاسبوك أزاى فى التوكيل ........ياعنى أخدوا كام .....

ايه الكلام الغريب ده؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
حضرتك عملت ده فى اى توكيل ودفعت كام؟

الكلام ولا غريب ولا حاجة :) إيه الغريب فيه انا عملت حاجات كتير فى التوكيل منها أصلا صيانة 15 الف و رجلشة يد وحاجات كتير أخدواا كلة 430 جنية العربية فى الضمان أصلا :) انا بقى اللى عايز افهمة هما عملوا إيه خلة العربية تجرى الجرى ده وترجع تسقف على بنزين 80 ؟؟؟

اقتباس:

---

أخدواا كلة 430 جنية العربية فى الضمان أصلا :) انا بقى اللى عايز افهمة هما عملوا إيه خلة العربية تجرى الجرى ده وترجع تسقف على بنزين 80 ؟؟؟

---

ياعنى أما تقولنا أخدوا المبلغ ده نظير أيه.......ممكن نفكر معاك ......لأن أمر الشغل بيبقى مثبوت فيه الحاجات اللى أتعملت............وأكيد هم نظفوا الفلاتر (هواء وبنزين فقط )....وده خلاك تحس بتسارع وسحب كويس علشان كنت لسه بتستعمل 90 ومجرب بيه وأنت رايحلهم.........وبعد كده لما رجعت ومونت 80 اللى هو مش مقنن لها أصلا.....دا غير أن ممكن تكون مونت من مكان مش كويس ( وفيه ناس بتستعمل 80 وبتقول كويس .....لأنهم برضه بيتحكموا فى الأكسراتير وبالذات فى السرعه البسيطه وماشى الحال )...........أما لو كان موضوع أن التسارع قل بعد الرجوع لبنزين 80 ( فممكن يكون البنزين مغشوش أو فيه ميه مثلا )....................وده الأحتمال الأقرب

_ وعاوزك برضه تلاحظ أن الجوده الحراريه لل90 أكبر من 80 (علشان كده لما كنت راجع من التوكيل ولسه معاك 90 ومنظف فلاتر ....السحب كان كويس وطبيعى ).....وده اللى حسسك بالفرق عن قبل كده لما كنت بتستعمل 80 ......ولكن الوضع الحالى فيه بلاشك غش فى البنزين ال80 الحالى عندك ....لما مونت تانى

استاذ بشوى انا اسف بس العربية لانوس ولا نوبيرا

تم تقديم توقيت الشرارة عن طريق ضبط فيشة الأكتان أو ضبط السوفت وير (أياً كان)
بمعنى إن الكهربا كانت واطية عندك زمان وكانت مبتسقفش مع بنزين 80 وفي المقابل سحبها كان ضعيف
لكن هما علوا الكهربا بطريقة ما أدت إلى إن السيارة سحبها على وزاد وفي المقابل أصبحت تصفق لو إستخدمت بنزين 80

وطالما إنك بتستخدم بنزين 80 يبقى حاول تروح لحد يرجعلك ظبطة الكهربا زي ماكانت سواء بفيشة الأكتان او بأي طريقة أخرى

اقتباس:

---

المشاركة الأصلية كتبت بواسطة samirayad

ياعنى أما تقولنا أخدوا المبلغ ده نظير أيه.......ممكن نفكر معاك ......لأن أمر الشغل بيبقى مثبوت فيه الحاجات اللى أتعملت............وأكيد هم نظفوا الفلاتر (هواء وبنزين فقط )....وده خلاك تحس بتسارع وسحب كويس علشان كنت لسه بتستعمل 90 ومجرب بيه وأنت رايحلهم.........وبعد كده لما رجعت ومونت 80 اللى هو مش مقنن لها أصلا.....دا غير أن ممكن تكون مونت من مكان مش كويس ( وفيه ناس بتستعمل 80 وبتقول كويس .....لأنهم برضه بيتحكموا فى الأكسراتير وبالذات فى السرعه البسيطه وماشى الحال )...........أما لو كان موضوع أن التسارع قل بعد الرجوع لبنزين 80 ( فممكن يكون البنزين مغشوش أو فيه ميه مثلا )....................وده الأحتمال الأقرب

_ وعاوزك برضه تلاحظ أن الجوده الحراريه لل90 أكبر من 80 (علشان كده لما كنت راجع من التوكيل ولسه معاك 90 ومنظف فلاتر ....السحب كان كويس وطبيعى ).....وده اللى حسسك بالفرق عن قبل كده لما كنت بتستعمل 80 ......ولكن الوضع الحالى فيه بلاشك غش فى البنزين ال80 الحالى عندك ....لما مونت تانى

---

430 جنية دول نظير
رجلشة فرامل اليد ( 30 ) جنية
و 235 زيت
و 20 فلتر زيت
و 65 زوايا
و65 صيانة 15000 ( تربيط عفشة وهكذا )
والباقى مش فاكرة اللى عايز ققولة لحضرتك ان العربية فى الضمان يعنى لما غيروا الطنابير مكتبوهاش فى امر الشغل انها اتغيرت واكيد لو قدموا الكهربا بردة مش هيكتبوها وهكذا لان أنا قلتلهم على حاجات كتير يعملوها وكلها بالتقريب كان بيغطيها الضمان فنا معرفش ياريت اكون قدرت اوصلك وجهة نظرى ولية مكنتش كاتب 430 جنية بالتفصيل ليه لآنة ببساطة مش هيفيد بحاجة وموضوع ان البنزين ال 80 قل السحب فبلعكس انا بقول ان السحب زاد جدااااااااااااااا لكن المشكلة فى التسقيف وبالنسبة للبنزين مغشوش او لا فانا واثق 100% انة سليم تماما :) انا كل الفكرة عايز اعرف هما قدموا الكهربا إزاى !!! وعايز ارجعها تانى ودورت على مكان فيشة لأوكتين مش لاقية ياريت اللى يعرف مكانة بالظبط فى لانوس 2008 يقلى علية وشكرااااا

اقتباس:

---

المشاركة الأصلية كتبت بواسطة msobhy

استاذ بشوى انا اسف بس العربية لانوس ولا نوبيرا

---

لانوس :) 2008

اقتباس:

---

المشاركة الأصلية كتبت بواسطة ahmed1981

تم تقديم توقيت الشرارة عن طريق ضبط فيشة الأكتان أو ضبط السوفت وير (أياً كان)
بمعنى إن الكهربا كانت واطية عندك زمان وكانت مبتسقفش مع بنزين 80 وفي المقابل سحبها كان ضعيف
لكن هما علوا الكهربا بطريقة ما أدت إلى إن السيارة سحبها على وزاد وفي المقابل أصبحت تصفق لو إستخدمت بنزين 80

وطالما إنك بتستخدم بنزين 80 يبقى حاول تروح لحد يرجعلك ظبطة الكهربا زي ماكانت سواء بفيشة الأكتان او بأي طريقة أخرى

---

حضرتك لو قلتلى مكان الفيشة فين بالظبط تبقى عملت فيا جميل لانوس 2008 ودروت تحت الكرسىة مش لاقيها ولو تعرف مين يقدر يرجعلى الكهربا بتاعتها تانى ياريت تقلى لان زى منتا عارف مقدرش اروح ققولة فى التوكيل اظبطهالى على 80 :)

شوف مكان الكمبيوتر بتاع العربية فين وهتلاقى فيشة الاوكتين خارجة منة وهتلقية تقريبا تحت الفبرة اللى فى الجنب اليمين عند رجل اللى راكب جنب السواق... اللى هى زى الفبرة اللى فى الجنب الشمال و تحتها علبة الفيوزات :k4:

مكان الفيشه تحت الكرسى اليمين
هتلاقى فرش الارضيه مفتوح سنه بسيطه مد ايدك هتلاقى الفيشه

اقتباس:

---

المشاركة الأصلية كتبت بواسطة astsaae

شوف مكان الكمبيوتر بتاع العربية فين وهتلاقى فيشة الاوكتين خارجة منة وهتلقية تقريبا تحت الفبرة اللى فى الجنب اليمين عند رجل اللى راكب جنب السواق... اللى هى زى الفبرة اللى فى الجنب الشمال و تحتها علبة الفيوزات :k4:

---

للأسف الفيشة ديه لقتها بس مفيهاش غير بنتين بس مش 3 ؟؟؟؟ يبقى مش هيا وتحت الكرسى فى المكان اللى مفتوح ده دورت بس للأسف بردة ملقتهاش :( هيا مفيهاش فيشة ولا إيه ؟؟؟؟

اقتباس:

---

المشاركة الأصلية كتبت بواسطة bishoy02010

العربية 2008 لسة فى الضمان مكملتش 15000 هتوصل 15000 كمان يومين على ماروح اعمل صيانة :)
العربية أصلا مش من القاهرة دية بتاعت ناس قراينى :) فقولت فرصة هيا هنا اظبطها على الأخر ومخليش فيها الهوا لآن فرع الصيانة اللى بتتعمل فيه مبقلش غير كلمة واحدة كدا تمام وده الطبيعى وزى الفل هههههههه وانتة عارفين العربية لسة جديدة وصاحبها مش متعود على النظام بتاعهم :) الحاجات اللى فى العربية واللى بتلكك عليها الصراحة يعنى وغيظانى قوى زى الحاجات ديه :)
( 1. رعشة خفيفة على السلانسية :) تزيد مع التكيف و تزيد لو مثلا فتحت النور وانتة واقف اول متفتحة بتحس ان فيه حاجة غلط
2. رعشة خفيفة على سرعة 100 لما ادوس فرامل ( الطنابير يعنى ) طبعا على 100 بيكون كلام فاضى بس بالنسبالى لما ببقى 170 ولا 160 بيبقى فيلم رعب ) طبعا توكيل فرعهم الى هناك مين هيطلع يجرب على 160 محدش واللى عليهم كالعادة لا ياباشا ده كده تمام متقلقش
3. صوت لما بتدوس فرامل وانتة واقف فى منزل مثلا واول متسيب رجلك تلاقى حاجة تكت
4. الشكمان فيه صوت مش طبيعى ناحية العلبة اللى ورا تسمعة لو نزلت من العربية وفى مكان هادى
5. الإزاز اللى جنب السواق بيدب فى الطالع والنازل
6. صوت فى الدبرياج لما تدوس وتسيب صوت تكة كدة زى متكون البلية بايظة :)
7. تعويمة فوق ال 100 ( ظبط زوايا يعنى + تربيط عفشة
8. أكتر حاجة مكرهانى بقى فى عشتى الأر بى ام :) عليه عفريت فى العربية ديه الطبيعى جدا انك لما تزد مثلا ل 2 و نص ار بى ام وتيجى تنقل الار بى ام ينزل ل 0.8 اول حاجة هوة بينزل ببطء زيادة غير كدة عادتا بيعلق على 1.3 او 1.2 او 1.1 فبالتالى بيبقى فى نتشة فى اول الغيار اللى بعدة ولو حارق ومورت تحس انك بتفضل على عدد اللفات اللى عليه مثلا 4 او 5 لمدة ثانيتين اول متشيل رجلك ويبتدى ينزل وبيكون ببظء وده اللى فاكرة دلوقتى لو افتكرن حاجة تانى هقللكم فكنت عايز اعرف مين اكبر مدير للصيانى عشان لو روحتلهم هناك وقالى ده طبيعى ياباشا :) هعرفة يعنى إيه طبيعى انا بقى :) والف شكر مقدما :) )

---

باشا دي كانت العيوب اللي انت قلت عليها في العربية في موضوعك:

http://www.nilemotors.net/Nile/showt...111#post769111

فياريت تقولنا ايه اخر تطورات الحاجات دي بعد ما رجعت من التوكيل غير موضوع البنزين عشان كل الناس تستفاد بتجربتك مع توكيل ابورواش

اقتباس:

---

المشاركة الأصلية كتبت بواسطة أبو ياسين

مكان الفيشه تحت الكرسى اليمين
هتلاقى فرش الارضيه مفتوح سنه بسيطه مد ايدك هتلاقى الفيشه

---

مش موجودة :(

هى عربيتك فول اوبشن ولا هاف؟؟

MMamdouh

اقتباس:

---

المشاركة الأصلية كتبت بواسطة MMamdouh

هى عربيتك فول اوبشن ولا هاف؟؟

MMamdouh

---

العربية اللى بتكلم عليها دية فل اوبشن

اقتباس:

---

المشاركة الأصلية كتبت بواسطة swimmer25

باشا دي كانت العيوب اللي انت قلت عليها في العربية في موضوعك:

http://www.nilemotors.net/Nile/showt...111#post769111

فياريت تقولنا ايه اخر تطورات الحاجات دي بعد ما رجعت من التوكيل غير موضوع البنزين عشان كل الناس تستفاد بتجربتك مع توكيل ابورواش

---

أخر التطورات انا كتبتهالك هناك بس هنقلك المشاركة هنا

اقتباس:

---

المشاركة الأصلية كتبت بواسطة bishoy02010

العربية 2008 لسة فى الضمان مكملتش 15000 هتوصل 15000 كمان يومين على ماروح اعمل صيانة :)
العربية أصلا مش من القاهرة دية بتاعت ناس قراينى :) فقولت فرصة هيا هنا اظبطها على الأخر ومخليش فيها الهوا لآن فرع الصيانة اللى بتتعمل فيه مبقلش غير كلمة واحدة كدا تمام وده الطبيعى وزى الفل هههههههه وانتة عارفين العربية لسة جديدة وصاحبها مش متعود على النظام بتاعهم :) الحاجات اللى فى العربية واللى بتلكك عليها الصراحة يعنى وغيظانى قوى زى الحاجات ديه :)
( 1. رعشة خفيفة على السلانسية :) تزيد مع التكيف و تزيد لو مثلا فتحت النور وانتة واقف اول متفتحة بتحس ان فيه حاجة غلط
2. رعشة خفيفة على سرعة 100 لما ادوس فرامل ( الطنابير يعنى ) طبعا على 100 بيكون كلام فاضى بس بالنسبالى لما ببقى 170 ولا 160 بيبقى فيلم رعب ) طبعا توكيل فرعهم الى هناك مين هيطلع يجرب على 160 محدش واللى عليهم كالعادة لا ياباشا ده كده تمام متقلقش
3. صوت لما بتدوس فرامل وانتة واقف فى منزل مثلا واول متسيب رجلك تلاقى حاجة تكت
4. الشكمان فيه صوت مش طبيعى ناحية العلبة اللى ورا تسمعة لو نزلت من العربية وفى مكان هادى
5. الإزاز اللى جنب السواق بيدب فى الطالع والنازل
6. صوت فى الدبرياج لما تدوس وتسيب صوت تكة كدة زى متكون البلية بايظة :)
7. تعويمة فوق ال 100 ( ظبط زوايا يعنى + تربيط عفشة
8. أكتر حاجة مكرهانى بقى فى عشتى الأر بى ام :) عليه عفريت فى العربية ديه الطبيعى جدا انك لما تزد مثلا ل 2 و نص ار بى ام وتيجى تنقل الار بى ام ينزل ل 0.8 اول حاجة هوة بينزل ببطء زيادة غير كدة عادتا بيعلق على 1.3 او 1.2 او 1.1 فبالتالى بيبقى فى نتشة فى اول الغيار اللى بعدة ولو حارق ومورت تحس انك بتفضل على عدد اللفات اللى عليه مثلا 4 او 5 لمدة ثانيتين اول متشيل رجلك ويبتدى ينزل وبيكون ببظء وده اللى فاكرة دلوقتى لو افتكرن حاجة تانى هقللكم فكنت عايز اعرف مين اكبر مدير للصيانى عشان لو روحتلهم هناك وقالى ده طبيعى ياباشا :) هعرفة يعنى إيه طبيعى انا بقى :) والف شكر مقدما :) )

---

يا جماعة روحت التوكيل من كام يوم
وصلت الساعة 8 و نص الصبح دخلت كان رقمة 19 مش عارف 19 عربية جم امتة بس ما علينا الظاهر الناس كانت بايتة هناك هههههههه
قلتلهم على العيوب ديه قالى هتاخد يومين ومش هينفع تخلص النهاردة المهم قلتلة ان العربية هتسافر واعمل اللى تقدر عليه
1. معملش فيها حاجة خالص
2. بيقول غير الطنابير بس فيه رعشة س قليلة كتير عن الأول
3. متهيقلى راح لما ربط العفشة مجرتوش عشان مفيش منزل هههههه
4. معملش فيه حاجة
5. معملش فيه حاجة طلعة بصوت زيادة وبيقولى عشان مركب وحدة رفع وحركات غريبة ومش مقتنع بكلامة نهائى
7. قلك ده طبيعى عشان ترس الفيلام وحركات حافظها مش فاهمها اصلا هوة وبردة مش مقتنع او مش فارق معايا الصوت ده
7. عملتها واتظبطت
8. معملش فيه حاجة غير ان العربية بقت بتسقف مع بنزين 80 و الموضوع اتعك بس قدام كدة العربية بقت طلقة ماشية
9. اليد رجلشها وبقت تمام و الدبرياج شال منة البوش بس بعد موصلت البيت كان رجع زى مكان ومعملش فيه حاجة
المهم انا قلت اتسحب واروح اشوف العربية وسألت فنى العربية خلصت فقالى انهى فشاورتلوا عليها قالى العربية اللى فيها علبة دركسيون وقع بلسانة وبعدين قالى هتأكد ومجاش طبعا انا قلت اكيد غلطان لانى مشتكتش من العلبة لان الزوايا والتعويم مكنوش مخلينى أحس بالعلبة ولا الهوا المهم استلمت العربية الساعة 4 ونص وهما بيقفلوا :)

المهم والمفجأة بعد موصلت البيت بشوف العربية بعد مكانت مظبوطة زوايا الاقيها فجأة بتحدف يمين ساعات قوى او شمال على حسب
مع انى متأكد الزاوايا مظبوطة لنها ساعات بتفضل ماشية مسافة كبيرة من غير ولا سنة شمال ولا سنة يمين وبعدين نزلت لقيت فيها العلبة فيها سنة بوش والعلبة بايظة وعايزة تتغير وطلع الراجل والمهندس اللى جوة كانوا عارفين ونفضوا ومعملوهاش :(:(:( طبعا العربية سافرت النهاردة وهيا زى مقلتلكوا مش من هنا وبتاعت ناس قرايبى بس إن شاء الله فى الصيانة اللى جاية هكلم الحاجات اللى لسة متعملتش :)

تعليقاتى على التوكيل :- توكييييييييييييييييييل قذر بمعنى كلمة قذر ولو متعرفش حد جوة يبقى عوضك على الله :)والمفروض يقلبوه ورشة ميكانيكى أحلى :) والمرة اللى جاية لما العربية ترجع هنا لو مظبطوش كل حاجة انا فاضيلهم وحماية المستهلك موجودة :@

على فكرة ياجماعة انا اتكلمت مع ناس كتير من اللى كانوا بيعملوا صيانة هنااك وقالوا ان ده انضف واحد فيهم كلهم قالوا الباقين ضايعين كلهم فتخيلوا لما ده انضف واحد امال الباقى عامل إزاااااى مفيش مسئول من الناس ديه معانا فى المنتدى هنا مالانسر فيها ناس مهندسين بيتبعوا الناس ومشاكلها هنا والهيونداى ده حتى ال FRV الدايو مفيهاش ياجماعة ولا إيه ؟؟؟

حضرتك فى حاجة مهمة انك المفروض مدورش على الفيشة دور على مكانها بس
لأن اكيد الباشا اللى فك الفيشة اخدها
دور على فيشة ب 3 سنون لونها ابيض

اقتباس:

---

المشاركة الأصلية كتبت بواسطة msobhy

حضرتك فى حاجة مهمة انك المفروض مدورش على الفيشة دور على مكانها بس
لأن اكيد الباشا اللى فك الفيشة اخدها
دور على فيشة ب 3 سنون لونها ابيض

---

منا ملقتش لا الفيشة ولا مكانها :(

انت منين يا باشا:k4:

اقتباس:

---

المشاركة الأصلية كتبت بواسطة astsaae

انت منين يا باشا:k4:

---

انا من القاهرة بس للأسف العربية سافرت قنا لآنها بتاعت ناس قرايبى ورجعوا النهاردة بعد مقلبت الدنيا على الفيشة وملقتهاش :(:(:(

التوكيل المفروض بيرجلش ببلاش
لكن الزوايا بتمنها
و بالنسبة للزيت بتغير كل أد ايه؟

اقتباس:

---

المشاركة الأصلية كتبت بواسطة moso

التوكيل المفروض بيرجلش ببلاش
لكن الزوايا بتمنها
و بالنسبة للزيت بتغير كل أد ايه؟

---

هوة اخد 30 جنية رجلشة معرفش ليه
الزيت كل 10 تلاف