عندما اسير بالطريق اجد لمبة قرامل اليد منورة في التابلوة مع اني طبعا بكون منزل الفرامل
فهل احد يعرف السبب
وشكرا لكم
والسلام عليكم
عرض للطباعة
عندما اسير بالطريق اجد لمبة قرامل اليد منورة في التابلوة مع اني طبعا بكون منزل الفرامل
فهل احد يعرف السبب
وشكرا لكم
والسلام عليكم
معنى كده ان تيل العجل القدامانى خلص ومفروض يتغيير
هو انت كشفت على زيت الفرامل اخر مرة امتى؟؟
لمبه فرامل اليد بتشتغل لما زيت الباكم الفرامل يقل عن منسوبه
معنى كده ان تيل العجل القدامانى خلص ومفروض يتغيير
ملهاش علاقه بتيل الغرامل
السلام عليكم
أنا حصلى الموقف دا قبل كده و و طلع إن مفيش زيت فرامل عشان فى ماستر باظ و اقيت الفراما بعد طبعا ما الزيت خلص هوت خالص
كدة زيت الباكم قل عن الحد الادني
راجع على دورة الفرامل
حتى اذى كان التيل متاكل اربه زيت الباكم
اكبر يعنى الفرق فى الدشمه مهما كان التيل متاكل يحتاج دغط زيت اقل من مساحه
الزيت داخل القربه:ask::ask:
يا جماعة الراجل بيقول لمبة فرامل اليد مش لمبة الفرامل ملهاش اي علاقة لا بتيل و لا زيت علي حد علمي يعني اللمبة دي بيكون ليها زرار تحت فرامل اليد بيشتغل بالعكس يعني لما فرامل اليد تدوس عليه المفروض يطفي و لما فرامل اليد تتشال من عليه يشتغل زي بالظبط لمبات البيبان لما الباب يتفتح الزرار يطلع لفوق ينور و لما الباب يتقفل الزرار بيتداس عليه و يتقفل النور يعني الزرار ده ممكن يكون معلق او بايظ او اي حاجة بس لكن مفيش حجاة في الفرامل لا زيت و تيل.
فعلا ده اللى أنا عارفه..........الا أذا لوكان فيه حاجه تانيه......ونظام فرامل اليد بأسلاك على الطنابير الخلفيه ( ياعنى مفيش زيت ولا غيره )اقتباس:
يا جماعة الراجل بيقول لمبة فرامل اليد مش لمبة الفرامل ملهاش اي علاقة لا بتيل و لا زيت علي حد علمي يعني اللمبة دي بيكون ليها زرار تحت فرامل اليد بيشتغل بالعكس يعني لما فرامل اليد تدوس عليه المفروض يطفي و لما فرامل اليد تتشال من عليه يشتغل
المشكلة دى عندى فى العربية وسببها هو ان الزرارالموجود فى فرامل الي بيعلق
اللمبه دي بتنور في عده حالات
اولها : لو الهاند مرفوعه او الزرار بتاعها معلق
ثانيا : لو مستوي زيت الفرامل ناقص (وده يدل علي ان التيل خلص)
يجب عليك اولا : التأكد من مستوي زيت الفرامل
وبعد ذلك الكشف علي الزرار الخاص بالمبه والذي يوجد تحت زراع الهاند
جايز ده نوع عربيات و لا فرامل جديد و لا حاجة و احنا معندناش علم بس انا واثق اني لمبة فرامل اليد دي ملهاش اي علاقة بالزيت او بالتيل نهائيا من قريب او بعيد ده مجرد زرار غير متصل بالفرامل تماما
فرامل اليد بتكون فعلا متصله بمنظومه ميكانيكيه فقط على تيل الطنابير الخلفى .....ومع رفع اليد بيتم دفع القباقيب الخلفيه داخل الطنابير بواسطة منظومه معينه فى نهاية الأسلاك بتاعة الشد الواصله من يد الفرامل اللى القباقيب بتاعة الفرامل.....وفى الحاله دى اللمبه بتنورفى التابلوه.....بناء على كونتاكت المفتاح اللى تحت اليد.....والعكس صحيح فى حالة خفض اليد.....بحيث بيتم تحرير القباقيب الخلفيه من على الطنابير.....ده اللى أنا عارفه........................................ ................_ ياريت بقه الأخوه اللى بيقولوا ليها علاقه بزيت الفرامل يشرحوا لنا الطريقه ( من باب العلم بالشىء .....ونكون شاكرين لهم طبعا ).....ماهو كل يوم فيه جديد فى العلم برضه......
فعلا عربيات وعربيات يعنى ان عندى فى الفيورا(سوبر) فيه النظام ده -وللاسف انا لغيه-لكن النصر العادية لا
اولا ازيك ياباشا عامل ايه
تانيا خزنة الزيت غطاءها بيبقى فيه زى مقياس كهربائى بيوصل اشارة
(ساعات بتبقى فلاشر او لا) للمبة فرامل اليد لما الزيت ينقص وبفرض ان
دورة الزيت مفيهاش تسريب والتيل بيتاكل مع الوقت وبالتالى الزيت بينقص
مع الوقت ولما الزيت يوصل لل min معناه ان التيل خلص
لا يا أستاذ سمير كلام الأعضاء مظبوط ده فعلا من الزيت لمبة فرامل اليد تنور لما يكون زيت الباكم ناقص وياريت الأستاذ صاحب المشكلة يقول لنا هو عمل ايه والتيل ان شاء الله يكون سليم
الله يخليك يامحمداقتباس:
اولا ازيك ياباشا عامل ايه
والله يامحمد هى باين عليها كانت لفه فى دماغى شويه .....وكنت فاكر أن فيه لمبه لليد لوحدها.......واللمبه التانيه ( اللى زى الدايره وحواليها شكل التيل وجواها علامة التحذير ) بتاعة مستوى الزيت والتيل فقط.......وده كان أعتقادى فعلا ......وواضح أنك متأكد (وكده حتبقى الدايرتين مشتركتين مع بعضهما كهربياأى دايرة الLimit switch بتاعة اليد وsensorدايرة المستوى اللى فى التنك ......وبكده لو اليد مش مرفوعه واللمبه منوره الواحد يطمن على الزيت أولا وبعد كده التيل)وطبعا كده يبقى كلامكم مظبوط ......وواضح فعلا أنها كانت لفه مع الواحد شويه.......أشكرك للتوضيحاقتباس:
تانيا خزنة الزيت غطاءها بيبقى فيه زى مقياس كهربائى بيوصل اشارة
(ساعات بتبقى فلاشر او لا) للمبة فرامل اليد لما الزيت ينقص وبفرض ان
دورة الزيت مفيهاش تسريب والتيل بيتاكل مع الوقت وبالتالى الزيت بينقص
مع الوقت ولما الزيت يوصل لل min معناه ان التيل خلص
حسب تصميم تابلوه السيارة، توجد سيارات مزودة بلمبة مستقلة لزيت الفرامل ولمبة مستقلة لتيل الفرامل ، وتوجد سيارات تقوم باستغلال لمبة فرامل اليد فى احد هذين الغرضين او كلاهما، يعنى مثلا العربية الشاهين، التيل الأصلى(الأمامى) بتاعها مزود بسلك يقوم بقفل دائرة الأرضى عند نهاية بطانة التيل وتلميس حديد التيل فى جسم الطنبورة، هذا يقوم باضائة لمبة فرامل اليد، كما توجد الكثير من السيارات فيه عوامه فى غطاء علبة تيل الفرامل تقفل دائرة كهربائية مع لمبة فرامل اليد او لمبة مستقلة فى حالة انخفاض منسوب الزيت
وبالتالى استمرار نور لمبة فرامل اليد قد يعنى واحد من الأسباب الآتية
1- فرملة اليد مش بتنزل للآخر
2-مفتاح الفراملة بايظ
3- تلف فى ضفيرة مفتاح الفرملة
4-نقص منسوب زيت الفرامل
5-نهاية عمر تيل الفرامل
والسسببين 4 و 5 مرتبطان بتصميم تابلوه وضفرة السيارة
يبقي بإختصار لمبة الفرامل هي نفسها لمبة فرامل اليد
بص يا مان
اطلع على كهربائى وخليه ينزلك تحت التابلوه يظبطلك الساعه بتاعه الفرامل
سعات بتهيس
أنا أوافق العضو samer_engines تماماً فى كلامه
متابع باهتمام لان لمبه فرامل اليد منورة عندى دائما
منتظر حل للغز