ارجو الافاده من الاخوه لعدم خبرتى

**smsmzarw** · 11-04-2009 03:10 AM

كنت فى سوق السيارات اليوم وشفت سياره شارد 90 جميع الكملايات لاكن كانت وخده خبطه فى الوش وستعدلهاوهيه محتاجه سمكره ودوكو وربما كبوت جديد وكان فاكك السربنتينه بتاعت التكيف من بعد الخبطه وقلى سهل تركيبها وعلى كده طالب 20000 وممكن ينظملى جزء انا معرفش حاجه عن سعر الشارد وهل ممكن تتلم بكام فى ظل انى حابب الكماليات الى فيها ومش عايز ادخل فى ارف 127 و 128 اسف على الإطاله

**أبو عبدالله** · 11-04-2009 02:14 PM

انا رايي تشوفلك واحده نظيفة احسن
لأن انت متعرفشي السربنتينه دي لما تيجي هتركبها هتلاقي مكانها مظبوط ولا محتاجه حاجه تانيه

أظن دور على واحده نظيفة علشان تريح دماغك

**عزيز محمد** · 11-04-2009 02:27 PM

يا أخى الفاضل طالما مالكش خبرة فى التصليح والتعامل مع الصنايعية يبقى متشتريش أبدا عربية محتاجة شغل، لإن اللى انت تتوقع إنه يتصلح ب10 هتلاقيه ساعة الحساب وصل ل50.

خد معاك سمكرى ثقة وارفع العربية فى بنزينة وخليه يبص عليها كويس ويديك تقرير عن أثر الخبطة وتقدير لتكلفة شغل السمكرة والدوكو اللى العربية محتاجاه. وبعد كده خد قرارك.

سعر العربية يتوقف على حالتها ومواصفاتها، قول إيه الكماليات اللى فيها وحالة الموتور وهى مانيوال ولا أوتوماتيك.

وماتخليش الكماليات اللى فيها تخدعك لإن الأصل هو الأساسيات وليس الكماليات.