تجربة مفيده جدا لمالكى لانوس

**mohamedhassanawad** · 11-04-2009 08:46 AM

انا معايا لانوس 2 موديل 2001 وانا ماشى الصبح بدرى فوجئت بأن مؤشر الحرارة ارتفع عن المعدل الطبيعى .. وقفت وقلت اشوف في ايه لقيت الرداتير مكسور من الفبره اللى فى الجنب ومغرق الدنيا ميه .. روحت فاكك الرداتير ورحت غيرت الفبره وجيت ركبته تانى وذودت المياه ومشيت والمفاجاة انى لقيت العربية بتغلى تانى .. روحت رايح لميكانيكى ممتاز يا جماعة فى شارع الهرم اول مرة اتعامل معه قلى السيارة فيها جوان وش سلندر ولازم يتعمل .. وبعد الفك وبداية العمل قلى ان الترموستات هى السبب فى كل ده لانها علقت وحبست المياه فى الموتور وسخنت السيارة لحد ما الرداتير ضرب .. ونصحنى بأن الغى الترموستات نهائيا لانها مش مصممه لمصر وجو مصر وفعلا ياجماعة بعد الالغاء وتركيب جوان وش السلندر لقيت حرارة العربية ممتازة وبقه مؤشر الحرارة ميوفقش ويسبت فى مكان واحد زى ما كان بل بالعكس كل ما تجرى بالسياراة الحرارة تنزل ..
ارجو من الجميع ان يجربوا يشيلوا الترموستات دى لانها بصراحة بتهلك السيارة لنها بتحافظ على ان الحرارة تبقى باستمرار عاليه .
واللى عايز عنوان وتليفون الميكانيكى ده يا جماعة يسألنى على فكرة ناس متدينة جدا وفاهمين وعارفين ربنا وسعرهم كويس وفى الانجاز .

**أشرف فتحى** · 11-04-2009 08:55 AM

بس كده المروحه هاتبقى شغاله على طول!!!

**mohamedhassanawad** · 11-04-2009 09:06 AM

دى مش ترموستات المروحة دى ترموستات جوه الموتور بتحبس المياه الساخنة فى الموتور علشان يحتفز بالمياه السخنة اطول فترة ممكنة وده معمول علشان البلاد اللى الحرارة فيها منخضه جدا .

**ahmedaliaeg** · 11-04-2009 09:37 AM

الترمستات دى بتمنع المياه عن المتور عند ادارته وهو بارد الا انيوصل درجه حراره معينه ولو انته سفرت بعد ملغيت الترمستات درجه الحراره هتكون قريبه من 0
لان الترمستات بتفتح وتقفل لتحافظ على درجه حراره مدروسه للمتور
وكان التوكيل لغاها ووفر تمنها ومكنتش ههتتباع فى الاسواق
واحنا فى انتظار المتخصص
محمد نوح

**wesam_salom** · 11-04-2009 02:15 PM

الترموستات دى لها وظيفه مهمه جدا

انها تحافظ على درجه حراره السياره عند الدرجه الامثل للتشغيل

يعنى تدور العربيه الصبح الثرموستات تكون قافله

درجه حراره الموتور ترفع بسرعه للدرجه المناسبه

بعد كده تسمح بعبور المياه الى الموتور لتبريده علشان ميسخنش اكتر

وفى نفس الوقت مهمه للحفاظ على درجه حراره الموتور ثابته فى مختلف الطرق والاجواء

لان مش معنى ان العربيه بارده انها كويسه والا كنا مش هنحتاج نسخنها الصبح

علشان كده لو انت مسافر الصبح بدرى فى ايام الشتاء ودرجه الحراره منخفضه هتلاقى كل سواقين البيجو ال 7 راكب حاطط كرتونه على الشبكه علشان يمنع دخول الهوا لمبرد السياره علشان يقدر يمشى

لانه معندوش المنظم اللى عندنا فالعربيه بتبرد منه فبتبداء تقطع وكمان بيبقى غلط

والاهم من كده ان تغير درجه حراره جسم الماكينه المعدنى كل شويه ممكن يسبب مشاكل

وعلى ما سمعت وانا مش دارس ممكن يخلى وش السلندر يبقى مش مظبوط (يفقع يعنى يبقى فيه عالى وواطى) ودى فى انتظار الخبراء للافتاء فيها

ارجو ان اكون افدتك وفى انتظار باقى الاراء

**waleedrahmy** · 11-04-2009 02:37 PM

روح بسرعة ركب الترموستات زي ما كانت.......................................... ...

**toshipa** · 11-04-2009 02:46 PM

نعم نريد من خبراء المنتدىيفيدونا نشيل الثرموستات ولا نخلى الثرموستات
انا كان عندى الثرموستات ملغى وكنت وانا مسافر امبير الحرارة اول مامسك الطريق السريع ينزل تحت الزيرو وبعد الكوعة ماغيرتها وجبت واحدة انتمونيوم بالثرموستات الحرارة لاحظت انها بتبقى ثابتة فى النص ومابتنزلش فى السفر زى الاول برده لاحظت انى وانا بسخن فى الصبح بتسخن بسرعة بينما كانت الاول تاخد فترة كبيرة لغاية ماتسخن لدرجة كنت بامشى بيها وهى لسه الامبير على الزيرو
فماهو الحل نفتح الشباك ولا نقفله (نلغى الثرموستات ولا تخليه)

**Samah AbdAllah** · 11-04-2009 03:32 PM

طالما الشركة المصممة ركبته اكيد له لازمة والا مكنش اتركب من الاساس
كل حاجة فى العربية ليها لازمة حتى لو كان البعض يعتقد ان عدم وجودها افضل اكيد اللى صممها عارف السبب
تجارب الاعضاء وضحت زى ما توشيبا قال

**toshipa** · 11-04-2009 04:17 PM

يعنى نلغيه ولا نخليه
اين الخبراء
المهندس سمير والاخ محمد ممدوح وباقى الاخوة
نرجو الوصول لراى موحد

الموضوع: تجربة مفيده جدا لمالكى لانوس

LinkBack

أدوات الموضوع

عرض

-

-

-

-

-

المواضيع المتشابهه

معلمات مفيده

معلومات مفيده

الزرجينه مفيده ام لا

تجربة مفيده

قراءه مفيده

الكلمات الدلالية لهذا الموضوع

المفضلات

المفضلات

ضوابط المشاركة