ترصيص الكاوتش الخلفي؟؟؟؟؟؟؟؟؟؟

**FASTER** · 15-09-2007 06:57 PM

لسة مغير 4 فرد كاوتش جداد لانج بس لاحظت ان الكاوتش القديم كان مخلي العربية ثباتها عالي جدا المهم رحت رصصت الكاوتش الجديد العجلتيت الاماميتين ظبطت شوية بس لسة مش مكيفاتي زي الاول رأيكوا أيه أرصص الكاوتش الخلفي كمان ولا مالهوش علاقة؟

**جندى مجند** · 15-09-2007 07:07 PM

هو من الأفضل لما تركب كاوتش جديد يترصص سواء كان راكب قدام أو ورا ... و متنساش تدويره كل 10 آلاف كيلو

**FASTER** · 15-09-2007 08:53 PM

شكرااااااااااااا يا جندي لسرعة الرد يعني الكاوتش الخلفي ليه تأثير علي الثبات برده ولا أيه؟

**AlmAhAtmA** · 15-09-2007 08:59 PM

الاحسن انك ترصص الاربع فرد
و ياريت لو بالمره ضبط زوايا
احنا معانا اخونا درش مايستروا و صاحب اربع قاعات عزف منفرد حتي الان ربنا يبارك له و يزيده
روح اتعرف عليه و العربيه حتطلع من تحت ايده زي الفل
لو بعيد عليك روح اي مركز من مراكز بريدجستون الناس دي فاهمه قوي برضه

**sherif_84** · 15-09-2007 11:43 PM

يا أستاذ فاستر مادام اشتريت أربع فرد كاوتش جداد يبقى لازم ترصص الاربعة وأيضا تظبط زوايــــــــا وفي مركز ممتاز جدا فى كوبرى القبة قدام محطة مترو الانفاق مباشرة مش من ناحية القصر الجمهورى لأ من ناحية اتجاه حلوان أو من ناحية مطلع الكوبرى اللى جنب المحطة أنا كنت مغير 4 فرد كاوتش ماكسيس لعربيتى الشاهين ورحت مرصص عندهم وظبطت زوايا عندهم وماشاءالله العربية بقت ثابتة الحمدلله وبعدين بعد ما تخلص بتأخد كشف من الكمبيوتر باللى اتعمل فالعربية
المركز ده اسمه : هنتـــــــر سنتــر

**FASTER** · 16-09-2007 02:37 AM

شكرااااااااااااااااااااا يا شريف باشا انشاء اللة هاروح اول ماتيجي رجلي هناك هاعدي عليه

**Sherif Khalifa** · 16-09-2007 02:44 AM

المفروض الراجل بعد ما يركب الكويتش فى الجنط بياخد الفردة على ماكينة الترصيص و يظبطها سواء هتركب فى الخلف او الامام او حتى الاستبن
علشان كدة انا بشترى الكويتش من محل عندة ماكينة الترصيص