الموضوع: في رأيي "افضل طريقة لحل مشاكل الوكلاء لكل انواع السيارات"

أولاُ يشكر جداُ جداُ الاساتذه الافاضل اللي شركونا برايهم

عجبني أقتراحك جدا و بأنضم معاك فيه

أستاذ/ SE_coralsea اشكر حماسك وتشجيعك للفكرة

فكرة هايلة وانا شخصيا منضم معاك فى اى تحرك

أستاذ / dr_druggist اشكر انضمامك معانا ومرورك الكريم

الاستاذ الفاضل / Tyler_Durden

فيه توكيلات كويسة...هي قليلة بس موجودة و معروفة..و الي عاوز يختار ده أو ده هو حر و يتحمل نتيجة اختياره

معنى كده ان الواحد المفروض يختار التوكيل مش العربية بمعنى ان لو في توكيل كويس ومعندهوش عربية تناسب امكانياتي يبقى انا عمري ما حركب عربية ولو ركبت عربية حضطر استحمل سرقة وسوء معاملة التوكيل..
اكيد الكلام ده خطير جداُ يعني لو افترضنا ان افضل التوكيلات هي بي ام و مرسيدس والاتنين بيخاطبوا فئه معينة من المجتمع اللي بتقدر تشتري عربية بـ 200.000 (مثلاُ) وبالتالي بيهتموا بيهم وبيدلعوهم...
طيب التوكيلات اللي عربيتهم في حدود 70.000 إلى 120.000 دول يدوا العملاء بتعهم فوق دماغهم لأنهم ناس اي كلام وفئة متوسطة...

وعلى فكرة الموضوع ده حقيقي هنا في مصر في اكتر من نشاط " لما تيجي تاخد خدمة ما بعد البيع تلاقي مبدء على قد فلوسك "
طيب ليه.... وانا ليه ارضى... هو انا مش بني أدم (والرزق ده بتاع ربنا) يبقى من حقي اتعامل باسلوب محترم (مش على قد فلوسي)

في رأيي التغيير لازم يكون نابع من إدارة التوكيلات نفسها

ده كلام هايل في حالة ان الإدارة بدور على تطوير وتحسين الخدمات علشان مصلحة العملاء.... أنما طبعاُ الكلام ده مبيحصلش في مصر المبدأ العام " مص دمهم وعلى قد فلوسهم... وكمان احسن ليه لما هما راضيين ومحدش بيشتكي ولا بيعترض..."

كلنا طلع عينينا عقبال ما قدرنا نحوش ونجيب عربية والناس كلها زي بعض يعني اللي اتبهدل علشان يحوش 120000 زي اللي اتبهدل علشان يحوش 70000 الفرق الوحيد بينهم هو متوسط دخل كل واحد ودي حاجة بتاعة ربنا بس الاتنين تعبوا وحرموا نفسهم من حاجات كتير لحد لما قدروا يحققوا المبلغ ده.... وجيه الوقت انه يشتري عربية...
ليه ميخدش حقة - ليه ميخدش تمن حرمانه لنفسة في سبيل العربية...
لمجرد ان التوكيل شايف ان ده مش من الفئة الهاي..!!!!!!!!

أستاذى الفاضل اقتراحك فى غاية الأهمية بس ياريت تبص كدا حوليك شوف اية فى بلدنا مظبوط .... أكيد مش هتلاقى ... ولو لقيت حاجة مظبوطة هتكون نسبتها واحد فى الألف ... المشكلة بصراحة اننا مهمشين ... ايوة مهمشين فى بلدنا يعنى ملناش حق زى غيرنا الفلوس هى اللى بتتكلم او المنصب او الكرسى او العلاقات غير كده محدش بياخد حقة كلنا بلا استثناء حقنا ضايع حتى اللى بيدفعوا فلوس عشان ياخدوا حقهم برضوا ضايع الحكاية محتاجة صحوة وعى وفكر كل واحد يبص حوالية ويبص لغيرة وميقولش يلا نفسى انا الأول وخلاص واللى يحصل يحصل .... طيب الغلبان هيعمل اية اللى معهوش فلوس وميعرفش حد يخلصوا حقوا ...