الموضوع: بالصور و التفاصيل: تجربة و ملاحظات على ترخيص 3 سنوات لـ504 ((أفضل موضوع لشهر مايو))

أنا باشكر نفسي عالموضوع ده :)
فيه كل التفاصيل بس المشكلة الصور راحت. هي لسه عندي على الكمبيوتر ممكن أرفعها تاني

المهم أنا جددت الترخيص 3 سنوات و دي أهم الأحداث:

1- التأمين زاد من 223 إلى 336 جنيه
2- المخالفات هههههههه أقسم بالله الراجل طلع من الملف بتاع العربية 3 ورقات بـ 3 مخالفات لثالث مرة (راجع أصل الموضوع) كنت هاموت من الضحك. قلت له مخالفات إيه قال لي كسر إشارة و صف تاني و تعطيل سير حركة المرور :) المخالفات زادت من 175 إلى 500 جنيه و تم تخفيضها إل 400 جنيه و دفعت على وصلين لقضيتين (مع إن الراجل طلع من الملف 3 مخالفات و ليس 2) لكن ما علينا
3- الضريبة زادت من 806 إلى 931 جنيه
4- الطفاية 1كجم زي ما هي بـ 121 جنيه
5- المثلث و شنطة الإسعافات لازم و في المرور بيتباعوا بـ 80 جنيه. أنا سلكت أموري من غير ما أشتريهم بـ25 جنيه. و الورق اتمضى من غير ما أدخل بالعربية المرور ولا الضابط شافها أساساً
6- خسرت النمر القديمة