| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 25

  1. #1

    الصورة الرمزية abo_hosni

    رقم العضوية : 13185

    تاريخ التسجيل : 18Jun2008

    المشاركات : 875

    النوع : ذكر

    الاقامة : Minia El-Kamh

    السيارة: Cellphone: Samsung G810

    السيارة[2]: Peugeot 504 GL 1977

    دراجة بخارية: none

    الحالة : abo_hosni غير متواجد حالياً

    افتراضي بالصور و التفاصيل: تجربة و ملاحظات على ترخيص 3 سنوات لـ504 ((أفضل موضوع لشهر مايو)) - Facebook Twitter whatsapp انشر الموضوع فى :

    hasad">

    [frame="7 80"]تم اختيار هذا الموضوع كافضل موضوع لشهر مايو 2009[/frame]


    السلام عليكم

    مشهد 1
    نهار-داخلي. المكان منزل البطل
    يجلس البطل إلى منضدة و يقوم بتجهيز الأوراق اللازمة من صور و أصول و توكيل و خلافه و تستيفها في دوسيه بلاستيك شفاف مع أوراقه الهامة. يتذكر شيئاً قام به السنة الماضية فيخرج القلم و يكتب طلباً لمأمور المركز التابع له للحصول على براءة الذمة

    مشهد 2
    نهار-خارجي. المكان: مركز الشرطة
    يمر البطل من البوابة الحديدية متجاهلاً نظرات هذا الشخص الجالس على الدكة (عم عبد الله) الصول ضخم الجثة الذي طالما غمزه البطل بخمسات الجنيهات لإنهاء طلباته في سلاسة و خفة و أحياناً دليفري في السنوات الماضية. يتجه البطل إلى شباك من بعده شباك و يسأل حتى يهتدي إلى الشخص المكلف بحمل الطلبات إلى المأمور
    البطل (دافعاً بالأوراق تجاه الساعي): طلب براءة ذمة عشان الترخيص
    الساعي: لا ما خلاص ما عادش يتعمل من هنا. روح نيابة المرور
    البطل: ده من سنة كنت عامله هنا!!!
    أسقط في يد البطل و صعبت عليه الورقة اللي قعد يكتبها فاكر نفسه ناصح و بيوفر وقت

    مشهد 3
    نهار-داخلي. المكان: نيابة المرور في مجمع المحاكم
    يصعد البطل طابقاً بعد طابق حتى الدور الخامس، ثم يسلك طرقات طويـــــــــــلــــــــــ ة يمين في يمين في شمال. يصل إلى غرفة يعرفها أمامها تجمع من البشر بداخلها موظفان يفصلهما عن الجمهور حاجز خشبي بارتفاع 1.5متر. الموظف الأول كمثري الهيئة قصير الأطراف ذو رقبة كبس و كرش مخروطي الشكل.
    البطل (دافعاً بصورة الرخصة من فوق الحاجز): عايز براءة ذمة
    موظف1: فين الرخصة
    البطل: انت مش عايز الصورة؟ (و أخرج البطل أصل الرخصة)
    موظف1 (بعد رؤية الأصل): ملف ملاكي و صورة الرخصة
    البطل: نعم؟
    موظف1: هات ملف ملاكي من هناك و صور الرخصة

    يذهب البطل إلى (هناك) في آخر الطرقة و يحصل على ملف جلد رصاصي بسوستة.
    البطل: بكام؟
    البائعة: تمانية و نص
    البطل: تمانية و نص؟
    يدفع البطل و يدس صورة البطاقة في الملف الجديد ثم يرجع لأخينا الموظف الأول
    هنا يظهر الموظف الثاني و هو أشبه بلبيسة القلم الجاف نحيف و يلبس نظارة
    موظف2: نمرة العربية كام (مع أنها عنده في صورة الرخصة)
    البطل: كذا
    يبحث الموظف2 في الملفات القديمة و يستخرج الملف الخاص بسيارة البطل. هنا يسترجع البطل مشهد السنة الماضية حين خرجت من الملف القديم 3 ورقات بـ 3 مخالفات. و تمر الأيام و الليالي و يأبى التاريخ إلا أن يعيد نفسه. هل هي deja vu؟ يكاد البطل يجهر بالضحك لما أخرج الموظف2 أمامه 3 ورقات تحمل 3 مخالفات من الملف القديم
    يتابع البطل الموظف2 و هو يقوم بحسابات و جمع بعض الأرقام ثم يرفع رأسه قائلاً: 175 جنيه
    فكر البطل للحظة: هل أسأل عن تفاصيل المخالفات زي السنة اللي فاتت؟ لأن واضح أنه من المحرمات أني أعرف المخالفات دي بتاعة إيه زي ما حصل السنة اللي فاتت و حبيت أعرف فكانت الإجابة بمعنى "لا تسألوا عن أشياء تبد لكم تسؤكم"
    البطل: ماشي هات إذن الدفع
    الموظف2 رافعاً حاجبيه بدهشة: هتدفع؟
    البطل: أيوة

    واضح أن الموظف2 كان منتظراً أن أسأل عن المخالفات دي إيه و مكانها فين و تاريخها إيه أو أطلب تخفيضها إلخ...
    قام الموظف2 بعمل 3 أذونات دفع موضح فيها قيمة الغرامة و رقم القضية!!!!! و كانت كالآتي:
    مخالفة1: 101 جنيه
    مخالفة2: 51 جنيه
    مخالفة3: 26 جنيه
    إيه الحلاوة دي. متقسمة صح
    يذهب البطل قاصداُ الخزينة في الطابق الثاني لتوريد المعلوم. يفاجأ بمحامي العائلة يقطع عليه الطريق بابتسامته الرقيقة و يسأل عن الأحوال و خير و بتعمل إيه هنا و كده (ما هو الناس دي بتحب تصطاد في المياه العكرة)

    تم توريد المعلوم 178 جنيه في الخزينة و حصل البطل على إيصالات الدفع. يصعد البطل إلى الغرفة إياها في الطابق الخامس. يسلمها إلى الموظف2
    البطل: أعدي عليك كمان نص ساعة؟
    الموظف2: لا دي كلها 10 دقائق بس اتفضل و لما تخلص البراءة هننده عليك
    لم ينتظر البطل و قام بالمغادرة فوراً بناء على خبرات سابقة و اتجه إلى مغسلة سيارات تحتاج قصة منفردة.
    بعد ساعة و نصف (و ليست 10 دقائق) يعود البطل إلى الغرفة إياها
    البطل: براءة ذمة بتاعة فلان الفلاني خلصت؟
    موظف1: لسه ما جاتش من عند وكيل النيابة
    ينتظر البطل حتى وصل دفتر البراءات بعد اعتماده و تسلم البطل براءته





    مشهد 4
    نهار- داخلي. المكان: مكتب البريد
    البطل: عايز أدفع ضريبة ملاكي
    الموظف: لا ما خلاص ما عادش يتعمل من هنا. روح المرور!!!!!!
    يخرج البطل و لسان حاله يقول ×$÷%×%$$^$^
    هنا أيقن البطل أن اليوم انتهى و لن ينهي الترخيص في المرور هذا اليوم و لو كان سوبر مان

    مشهد 5
    نهار-داخلي. المكان: فرع الشركة الأهلية للتأمين
    المكان هادئ و رطب. الساعة 1 ظهراً. غرفة الاستقبال و مكتبين أحدهما خال و عليه جريدة الأهرام واضح أنها لم تقرأ بعد. يجلس موظف كبير السن إلى المكتب اثاني و أمامه مجموعة سندويتشات
    الموظف: اتفضل!
    البطل: ألف شكر، سبقتك. عايز أدفع تأمين عشان ترخيص ملاكي
    الموظف: طيب اتفضل على ما الأستاذ فلان ييجي. 10 دقائق و جاي (10 دقائق تاني)
    دار حوار حول إمكانية ترك قيمة التأمين و العودة لاحقاً لاستلام البوليصة و اطلع البطل على مجموعة أوراق و مجموعات نقود قام أصحابها بتركها لنفس الغرض لحين عودة الأستاذ
    لكن البطل كان موقناً من عودة الأستاذ قبل انتهاء موعد العمل فقرر الانتظار. جلس البطل إلى مكتب الأستاذ و فتح الجريدة و بدأ في القراءة. ثم دار حوار حول البيروقراطية و تاريخ الشركة إلخ....
    حتى جاء الأستاذ و حصل البطل على البوليصة = 223جنيه






    مشهد 6
    نهار- خارجي. المكان: محل بشارع رئيسي قرب شركة التأمين
    أيقن البطل أن لا مجال لإنهاء الترخيص اليوم فتوجه إلى محل خاص بأحد أقربائه لتعميق العلاقات الأسرية. و دار حديث حول الإجراءات و ما تم و ما سيتم بعد ذلك. في هذه الأثناء يشاء القدر أن تتوقف سيارة المرور أمام المحل و ينزل منها عسكريان قاصدين قريب البطل في خدمة. يقوم قريب البطل بتوصية أحد عساكر المرور لإنهاء الإجراءات للبطل في اليوم التالي.


    مشهد 7
    نهار-خارجي. المكان: إدارة المرور
    الساعة 8 صباحاً يقتحم البطل ساحة المرور بسيارته لتكون أول سيارة تدخل على الرغم من وجود عدة سيارات قامت بالاصطفاف خارج بوابة المرور. واضح أن البطل كان واخد حبوب شجاعة
    يتجول البطل في الساحة باحثاً عن بشر حتى يسمع صوت العسكري إياه يناديه باسمه و وظيفته، و كان الصوت صادراً من غرفة النوبتجية. لا موظفين حتى الآن باستثناء المهندس. ملحوظة: البطل لا يحبذ الواسطة إلا في الضرورة القصوى و الوسائط موجودة (غير العسكري طبعاً)
    ينتقل البطل إلى الجانب الآخر من المبنى في انتظار فتح منافذ بيع النماذج. تتابع وصول بعض الموظفين حتى فتحت الشبابيك و بدأت المعركة. يحصل البطل على نموذج51 و نموذج فحص عادم و 3نماذج ترخيص = 14 جنيه
    البطل للعسكري: رايح أجيب وصل طفاية
    العسكري: ما تجيبش اسمع الكلام بس روح خد البصمة و تعالى
    كانت سيارة البطل ثاني سيارة لليوم يتم رفع بصمتها على نموذج الفحص و لم يقم البطل هذه المرة بغمز رافع البصمة بأي جنيه (عمل عبيط)
    يقوم العسكري بغمز البطل للذهاب مباشرة إلى مكتب المهندس لتوقيع نموذج الفحص و اختبار العادم (مع الاعتذار للبيئة) كله تمام




    في هذه الأثناء طار حضرة الضابط في حملة متخفياً في سيارة ميكروباص أجرة، و ضيع على بطلنا فرصة الفرح بتأشيرته. اضطر البطل للانتظار و الانتظار
    في هذه الأثناء قام البطل بمراجعة الأوراق و تجهيز الطفاية اللي معاه من سنة 2000!!!!! ثم اشترى استمارة و مش عارف إيه ليقوم الموظف بحساب الضريبة المستحقة عليها و خلافه (رسم استعمال راديو!!! رسم استيكر غير متوفر عندهم)
    يقوم البطل بتوريد المعلوم للخزينة



    مرت ساعتان حتى عاد النقيب و أخذ موضعه في الساحة لاعتماد الأوراق الخاصة بالفحص. حاول البطل مع العسكري إياه التحايل على الضابط في موضوع الطفاية. لكن الضابط أتعب نفسه و قام بالتمقيق في تاريخ الطفاية ليفاجأ أنها من سنة 2000!!!! للعلم قام البطل بترخيص السيارة طوال مدة 9 سنوات باستخدام نفس الطفاية هههههههههه و الطفاية تعمل على فكرة
    المهم اضطر البطل لشراء طفاية جديدة 1ك = 121 جنيه بالإيصال و عليه سيريال الطفاية و عاد للضابط و حصل على التأشيرة و طار للموظفة
    يطل البطل على مقر عمله لحين انتهاء إصدار الرخصة ثم يعود لاستلامها أخيراً
    يفاجأ البطل أنه يتسلم الرخصة فقط دون الاستيكر
    البطل: فين الاستيكر بتاع الإزاز؟
    الموظفة: مافيش دلوقتي
    البطل: يعني أمشي من غير استيكر. طيب
    مع أن البطل دافع 6 جنيه ثمن الاستيكر!! تفتكروا لو رفع قضية يكسبها؟


    الترخيص 3 سنوات لسيارة 504 موديل 1977 ملاكي انتهى كله كله 1350 جنيه





  2. #2

    الصورة الرمزية kareem_Ashmawy

    رقم العضوية : 58

    تاريخ التسجيل : 18Apr2007

    المشاركات : 835

    النوع : ذكر

    الاقامة : Giza

    السيارة: ..........

    السيارة[2]: Peugeot 405 prestige

    الحالة : kareem_Ashmawy غير متواجد حالياً

    افتراضي -

    حلوة طريقة سيناريوهات الافلام دى
    ياراجل دا انا تعبت من القراءة بس

    الله يكون فى عونك
    بس اهوه الحمد لله هتستريح منهم تلات سنين
    مبروك الترخيص


  3. #3

    الصورة الرمزية Abdo_Eldesokey

    رقم العضوية : 9965

    تاريخ التسجيل : 02May2008

    المشاركات : 1,867

    النوع : ذكر

    الاقامة : 6 October

    السيارة: non

    السيارة[2]: Toyota Corolla 2003 1300cc A/T

    دراجة بخارية: non

    الحالة : Abdo_Eldesokey غير متواجد حالياً

    افتراضي -

    جاااااااااااااااااااامد جدا ً الموضوع ده ...

    كنت المفروض خدت معاك حد رخص قبل كده في القانون الجديد ... بدل اللف ده كله

    ألف مبروك على الـ 3 سنين ... وإن شاء الله المرة الجاية ترخص المرسيدس

    الي مدخلش QNET .. مدخلش دنيا
    http://www.nilemotors.net/Nile/244377-a.html


  4. #4

    الصورة الرمزية Nour_Peugeot

    رقم العضوية : 19167

    تاريخ التسجيل : 16Sep2008

    المشاركات : 2,227

    النوع : ذكر

    الاقامة : nasr city

    السيارة: peugeot 407 2.2

    السيارة[2]: peugeot 306 2.0 gti6

    دراجة بخارية: no

    الحالة : Nour_Peugeot غير متواجد حالياً

    افتراضي -

    الف مبرووك يا باشا الحمد لله انك خلصت

    و هتحس براحه و تقول اخيرا ههههههههه

    my peugeot 306 gti6
    [aldl]http://i59.tinypic.com/a1sod0.jpg[/aldl]


  5. #5

    الصورة الرمزية harphosh

    رقم العضوية : 10522

    تاريخ التسجيل : 12May2008

    المشاركات : 516

    النوع : ذكر

    الاقامة : حلوان

    السيارة: أوبل فيكترا 1600 سىسى 98

    السيارة[2]: بيجو 405 1600cc موديل 95

    دراجة بخارية: لا يوجد

    الحالة : harphosh غير متواجد حالياً

    افتراضي -

    بجد بجد سيناريو جميل جداً
    وألف مبروك على انتصار البطل على الأشرار فى نهاية السيناريو

    ( اللهم ارفع مقتك وغضبك عنا) آمين


  6. #6

    الصورة الرمزية ahmedelzeeny

    رقم العضوية : 3923

    تاريخ التسجيل : 01Jan2008

    المشاركات : 492

    النوع : ذكر

    الاقامة : masoura

    السيارة: لا يوجد

    السيارة[2]: 127 سوبر فيورا

    دراجة بخارية: لا يوجد

    الحالة : ahmedelzeeny غير متواجد حالياً

    افتراضي -

    احب احييك على اسلوبك وكويس ان القصه كانت نهايتها سعيده وكل مرة وانت طيب


  7. #7

    bee

    الصورة الرمزية bee

    رقم العضوية : 1595

    تاريخ التسجيل : 27Jul2007

    المشاركات : 1,682

    النوع : ذكر

    الاقامة : egypt

    السيارة: peugeot 205

    السيارة[2]: peugeot 205

    دراجة بخارية: None

    الحالة : bee غير متواجد حالياً

    افتراضي -

    موضوع اكثر من رائع وشكراً على المعلومات الي هتفيد اي حد بيرخص

    [rmade]http://www6.0zz0.com/2009/07/09/11/723881507.jpg[/rmade]

    [justify]...
    [/justify]


  8. #8

    الصورة الرمزية abo_hosni

    رقم العضوية : 13185

    تاريخ التسجيل : 18Jun2008

    المشاركات : 875

    النوع : ذكر

    الاقامة : Minia El-Kamh

    السيارة: Cellphone: Samsung G810

    السيارة[2]: Peugeot 504 GL 1977

    دراجة بخارية: none

    الحالة : abo_hosni غير متواجد حالياً

    افتراضي -

    اقتباس المشاركة الأصلية كتبت بواسطة kareem_Ashmawy مشاهدة المشاركة
    حلوة طريقة سيناريوهات الافلام دى
    ياراجل دا انا تعبت من القراءة بس

    الله يكون فى عونك
    بس اهوه الحمد لله هتستريح منهم تلات سنين
    مبروك الترخيص
    شكراً على تعبك، حاولت أزود في التفاصيل شوية لعل و عسى حد يطلع منها بحاجة

    اقتباس المشاركة الأصلية كتبت بواسطة Abdo_Eldesokey مشاهدة المشاركة
    جاااااااااااااااااااامد جدا ً الموضوع ده ...

    كنت المفروض خدت معاك حد رخص قبل كده في القانون الجديد ... بدل اللف ده كله

    ألف مبروك على الـ 3 سنين ... وإن شاء الله المرة الجاية ترخص المرسيدس
    لو خدت مين معايا في عدد ساعات عطلة و وقف حال لازم هيحصل بأي حال. المرة الجاية شكلها كده هأرخص 504 برضه ما هو اللي معاه العربية دي حالياً في مصر يبقى لبسها لأجل غير مسمى.

    اقتباس المشاركة الأصلية كتبت بواسطة Nour_Peugeot مشاهدة المشاركة
    الف مبرووك يا باشا الحمد لله انك خلصت

    و هتحس براحه و تقول اخيرا ههههههههه
    شكراً و أخيراً اتجددت. الواحد بيبقى شايل هم المشاوير الحكومية دي

    اقتباس المشاركة الأصلية كتبت بواسطة harphosh مشاهدة المشاركة
    بجد بجد سيناريو جميل جداً
    وألف مبروك على انتصار البطل على الأشرار فى نهاية السيناريو
    أشكرك و بيقولوا في الأفلام الخير دايماً بينتصر مش كده


    اقتباس المشاركة الأصلية كتبت بواسطة ahmedelzeeny مشاهدة المشاركة
    احب احييك على اسلوبك وكويس ان القصه كانت نهايتها سعيده وكل مرة وانت طيب
    شكراً مع أني لم أحصل على الاستكر. لكن تعرف أن ليها جانب إيجابي. أقول لك ليه لأني حصلت على الرخصة سليمة بدون ثقوب الدباسة التي كانت ستستخدم لإرفاق الاستكر بالرخصة :POINTI~2[2]:

    اقتباس المشاركة الأصلية كتبت بواسطة bee مشاهدة المشاركة
    موضوع اكثر من رائع وشكراً على المعلومات الي هتفيد اي حد بيرخص
    عايزين بقى حد يستخرج الدروس المستفادة بعدين الموضوع مش هيستمر مفيد إلا لفترة قصيرة لأنه غالباً كل حاجة هتتغير تاني (مكان استخراج براءة الذمة، دفع الضريبة ممكن يرجع في البريد، قيمة الضريبة إلخ...) بس أنا كتبته كنوع من التأريخ ممكن نرجع له بعد سنين. و إن شاء الله أرجع بعد 3 سنين ألاقي عليا 3 ورقات بـ 3مخالفات تاني


  9. #9

    الصورة الرمزية powerofhelll

    رقم العضوية : 30677

    تاريخ التسجيل : 21Jan2009

    المشاركات : 3,496

    النوع : ذكر

    الاقامة : alex

    السيارة: proton saga 1.3

    السيارة[2]: BMW E36

    دراجة بخارية: no

    الحالة : powerofhelll غير متواجد حالياً

    افتراضي -

    ممكن ينزل في السينما الصيف الجاي

    [mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
    http://www.mp3quran.net/basit_mjwd.html
    القران الكريم بصوت الشيخ عبد الباسط عبد الصمد

    143


  10. #10

    الصورة الرمزية EslaM_NagY

    رقم العضوية : 13619

    تاريخ التسجيل : 26Jun2008

    المشاركات : 2,709

    النوع : ذكر

    الاقامة : Nasr City

    السيارة: Verna 2014 AT

    السيارة[2]: Verna 1.6 2007

    الحالة : EslaM_NagY غير متواجد حالياً

    افتراضي -

    hasad">

    موضوع روعة فى الاداء

    مبروك الترخيص.

    سبحان الله وبحمده سبحان الله العظيم
    لا تظلمن إذا ما كنت مقتدرا --------- فالظلم يرجع عقباه الى الندم
    تنام عينك والمظلوم منتبه --------- يدعو عليك وعين الله لم تنم



 
صفحة 1 من 3 1 2 3 الأخيرةالأخيرة

المواضيع المتشابهه

  1. مافيش اخبار عن افضل موضوع لشهر مايو
    بواسطة alaamousa في المنتدى هيــونــداى
    مشاركات: 3
    آخر مشاركة: 15-06-2012, 11:46 PM
  2. تجديد ترخيص العربية 3 سنوات و اليكم التفاصيل
    بواسطة Bishoy.Girgis في المنتدى نيـــــــــسان
    مشاركات: 37
    آخر مشاركة: 19-01-2012, 04:30 PM
  3. مشاركات: 53
    آخر مشاركة: 22-05-2010, 05:44 AM
  4. قائمة أفضل مواضيع لشهر مايو 2009
    بواسطة الإداره في المنتدى ::: أهـــم مـوضـوعــات القســـم :::
    مشاركات: 29
    آخر مشاركة: 29-06-2009, 12:46 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2