الموضوع: شركه اتصالات خنقتنى طلب مساعده

السلام عليكم

انا شغال في اتصالات يا جماعة ...... للاسف مش في قسم خدمة العملاء

و لكن اسمحوا لي اني اجاوب على استفساراتكم و احاول اساعدكم في مشاكلكم

و لكن هذا سيكون [OVERLINE]بشكل غير رسمي حيث انني لست من موظفي خدمة العملاء و لا يحق لي التعامل مباشرة مع الجمهور[/OVERLINE]

يعني محدش يروح للشركة و يقول انا كلمت احمد و قال لي هاعمل لك كذا او عمل لي كذا

انا بس ممكن اتابع الشكوى داخل الشركة كانك واحد صاحبي

و ارد على استفساراتكم بخصوص اللوائح و ال Policies بتاعة الشركة


--------------------------------------------

نبتدي بالاخ او الاخوة اللي ما استعملش الخط و لقاه اتوقف


مبدئيا دي سياسة في الثلاث شركات المشغلة لخدمات المحمول في مصر

تسالني ليه اقول لك انا ليه

لو انت في النادي مثلا و مأجر Locker

ينفع تقعد سنتين ما بتجددش الاشتراك و اسيبه محجوز مع ان فيه واحد تاني محتاجه و ممكن يكسبني فلوس؟؟


الموضوع باختصار ...... عميل ما دفعش مليم للشركة لمدة 90 يوم

و مكلفني اني حاجز له الرقم

و مكلفني اني حاجز له مكان عالشبكة (بدون دخول في تفاصيل فنية فيه Systems كتير بيبقى فيها بيانات الخط عشان يشتغل و دي ليها سعة و اما تتملي لازم نشتري زيادة ليها)

زمان اصلا لو تفتكروا الشركتين الاخريين كان لازم تشحن كارت ب 115 كل اربع شهور !!!

الشركة محتاجة عالاقل مكالمة مدفوعة (مش مكالمة مجانية لسماع الرصيد ) او رسالة نصية او صوتية او اي حاجة منك كل 90 يوم (خلوا بالكم هي 90 يوم مش تلات شهور)


اعتقد لو المكالمة في اغلى نظام ب 40 قرش يعني 40 قرش كل 90 يوم عشان تحافظ على رقمك مش كتير


بالنسبة للاخ اللي ليه فلوس ابعت لي عالخاص رقمك و قول لي سبب الفلوس و استردادها ايه و انا اشوف لك ليه ما جاتش

بالنسبة للاخ اللي كلموه و قالوا له هنبعت لك الخط عالبيت بعد اذنك ابعت لي بيانات المكالمة (انت اللي كلمتهم و لا العكس و امتى تقريبا و كده)


اخيرا و ليس اخرا ..... و دي نصيحة عامة للتعامل مع اي شركة سواء اتصالات او شركة محمول اخرى او حتى شركة غير شركات المحمول ...... اما تكلم خدمة العملاء و ما توصلش لحل يريحك اطلب انك تتكلم مع المشرف و لو مش عاجبك اطلب انك تتكلم مع ادارة الشكاوى ......


ارحب باستفساراتكم على الخاص او على المنتدى العام ......

أحمد