صوت تزييق من العفشة و رعشة مع الفرامل

**aymoonoo** · 11-04-2009 08:52 PM

مفيش حد بيفهم وكلو شغال افته وخلاص
انا عندي مشكلتين في صوت تزييق او صوت طقطقه سموها زي منتو عايزين والعربيه ماشيه بتيجي وبتروح زي ملاحظت العفشجي بختصار بعد زيارات كتير خلاني اغير المقصات بعدين قالي انه مكنش عارف اني اقصد على الصوت فقالي انه بارات ديركسيون وغيرتهم ولسا صوت مراحش بس هوا خف بنسبة 85 فالميه بس مرررررررررححححححححش ودي المصيبه وهوا بقا بقلي مفيش صوت يركب فعلا مفيش امشي من عندو يطلعلي ارجعلو يروح هيجنينينيني
ايه سببو
والحاجه التانيه رجه عند الفرامل قيل لي اغير الطارات غيرناهم والتيل جديد مع انه القديم لسا فيه التيل القديم ياباني الجديد كوري الرعشه دلوقتي اكتر من اول :'( مع انه المفروض تروح اعمل ايه وبقا في صوت عند الفرمله قالي الميكانيكي انه التيل ده نوعه وحش شكلي هجرب القديم واشوف بس ايه ممكن يكون السبب ممكن حد يفييييد عشان انا زهقت من المشكلتين دول

**HeMa_LanCeR** · 11-04-2009 08:58 PM

نوع العربيه ؟
اخبار علبه الدركسيون ايه ؟ وهل عاده ام باور ؟

**MotorX** · 11-04-2009 09:51 PM

ارجو تعديل لفظ الجلالة في العنوان.

تحياتي.

**m_s_h_a** · 11-04-2009 09:55 PM

الرجه عند الفرمله دى لو مع السرعات يبقى الطنابير بنسبة90%

**M.Mostafa80** · 11-04-2009 10:04 PM

هل التخبيط بتحس بيه فى أيدك وانت ماسك الدريكسيون

**aymoonoo** · 12-04-2009 01:41 PM

المشاركة الأصلية كتبت بواسطة HeMa_LanCeR

نوع العربيه ؟
اخبار علبه الدركسيون ايه ؟ وهل عاده ام باور ؟

العربيه سويف93
علبة الديركسيون اكيد مفيهاش اي جه عشان انا قلت للعفشجي اكتر من مره يشيك عليها وبرضو لو فيها حاجه كان بتاع الزوايه افتا وقال انها بايظه

**aymoonoo** · 12-04-2009 01:45 PM

المشاركة الأصلية كتبت بواسطة m_s_h_a

الرجه عند الفرمله دى لو مع السرعات يبقى الطنابير بنسبة90%

الطنابير لسا مغيرها اول امبارح والتيل جبت واحد جديد بس بالغلط جبت الكوري بس وحش بقا يطلع صوت والهزه زادت فرجعت رجعت القديم عشان لسا في اكتر من نصه وجربتها النهرده الهزه لما اكون على 120 واضرب فرامل فجأه بقوه ترعش لحد ال60 تقريبا وبعد كده تمام الفرامل تمسك ومترعش اقل من 60 او 50 بس اكتر من كده في رعشه بسيطه ولو 120 رعشه جمده والرعشه دي بتفرق قوتها مع دوستي عالفرامل لو دست جامد بترعش بقوه لو خفيف بتكون خفيفه بس موجوده

**aymoonoo** · 12-04-2009 01:49 PM

المشاركة الأصلية كتبت بواسطة momomero

هل التخبيط بتحس بيه فى أيدك وانت ماسك الدريكسيون

اه في فالدريكسيون بس مش تخبيط هوا انتا عارف لما يكون عندك زي حاجه مصديه وتحركها مش بتسمع زي صوت تزييقه وهيا بتتحرك بس بخشونه وصوت هوا ده الصوت الي بيططلع والمصيبه انه مش سابت فترات بيطلع صوت عالي ممكن تسمعه لو انتا عادي جمب العربيه وهيا ماشيه وفترات مش بيتسمع غير بتحس فسه ويكون صوته خفيف وساعات بيروح خاااالص بس ده نادرا وقليل والله هجن انا الصراحه مش عارف من ايه المساعدين اتغيرو من شهرين المقصات اتغيرو بارات ديريكسيون اتغيرو مفيش حاجه الا اتغيرت تيل وطنابير اتغيرو ايه كمان ناقص بس البودي بتغير والعربيه تبقا كلها جديده

**aymoonoo** · 12-04-2009 02:00 PM

وعلى فكره انا غيرت سير الدينامو بس الصوت لسا بيطلع لما بدور العربيه وبرضو فترات وانا ماشي بس هوا مبقاش يصفر كتير زي زمان بس لسا بيصفر
ايه حلو ده

**M.Mostafa80** · 12-04-2009 02:16 PM

كدا موضوع التخبيط دا محصور فى سؤال ليك
هل بتحس ان بدال الفرامل بيعلى ويوطى تحت رجلك
السؤال الثانى هل حضرتك مجنط العربيه
ولو مجنط راكب فيها رنجات ولا لأ
أما موضوع التزيقه الى بتقول عليها دى فابيتوقف على هل عند باور فى العربيه ولا لأ
لو عندك يبقى كده للأسف الطلمبه بدأت تغنى قالى الوداع ولو دا موجود يبقى العلبه أكيد أكيد أتأثرت
ممكن تجاوبنى على الأسئله دى بعد أذنك