مشكلة الطنابير فى النيو النترا

**mecho_392** · 13-04-2009 09:25 PM

المشاركة الأصلية كتبت بواسطة Ahmed20_08nubira

مش موضوع سواقة يا جماعة
الموضوع ان مش كل عربية زى التانية بالظبط تختلف الصناعة بنسب قليلة جدا لاننا مهما كان الغلط بيبقى وارد ..بتبقى حجات كلها بسيطة
مش عيب فى العربية لقدر الله

ما انا يا باشا قلت انهم ممكن يكونوا بيستهبلوا و مغيروش الطنابير و بيقولوا غيروها و هما يكونوا خرطوا فيها جزء او زودوا نعومة السطح..

**bishoy02010** · 13-04-2009 10:16 PM

متهيقلى فعلا لو بتغسل العربية والطنابير سخنة من اكتر الأسباب اللى بتبوظها

**HamadaMOMO** · 14-04-2009 01:22 AM

المشاركة الأصلية كتبت بواسطة eng_abdou

السلام عليكم ,,,,
عربتى الانترا 2008 عاملة 25,000 وبلغتهم فى صيانة ال 20,000 على نفس المشكلة بتاعة الطنابير قالولى الاتى :
1- اما هنحاول نخرطة ونغير التيل شرط خرط الطنابير علينا والتيل عليك.
2- او لو الطنابير متنفعش تتخرط , هنغيرة على الضمان وبردة هنغير التيل على حسابك.
بس حضرتك ممكن تمشى بالعربية لحد 30,000 لو مش مزعلاك ونغيرهالك علشان التيل غالى وانت ورحتك , فقررت اغيرها فى ال30,000

طب السبب .... انا بنسبالى مش عارف, بس فى ناس بتقولى عشان انا بغسل العربية كتير وممكن اكون غسلتها وهى الطنابير سخنة .. ودة احتمال عشان انا مدمن نظافة ... وميفضلش ان الطنابير يجى عليها مياة وهى سخنة... دة الكلام الى سمعتة.

بالنسبة للاستاذ HamadaMOMO فاحتمال حاجة من الاثتين :
1- احتمال يكون خرطة الطنابير ورجعت تانى.
2- او غيروها وانت بتعمل حاجة بتخلى الطنابير تعمل نفس المشكلة.

ملحوظة :
العربية ما شاء الله اكتر من ممتازة ومحدش بيشتكى منها تفريباز
والسلام عليكم

والله يا مان غيروهالى اول مرة واتاكدت بنفسى وغيرت تيل الفرامل معاها بس انا بصراحة بجرى اقل سرعة ليا 140كم - س بس لما بمسك فرامل برضوا بمسك بهدواء يعنى مبخليش الطانبورة تتعرض لحرارة عالية واغلب خروجى بيها سفر وبيكون ليلا !
وباكد مبغسلش العربية وهيا سخنة علشان حتى البوية بتتاثر لو اتغسلت وهيا سخنة ونفس الحالة الطنابير
وبحس بيهم جدا لما بيكون فى الكرسى الخلفى معايا شخصين بحس ان فى زى الغربلة وعلى فكرة العربية فيها حدفة بسيطة شمال ؟

**eng_abdou** · 15-04-2009 04:16 PM

كلامك مظبوط
وانا كمان بحس بيهم جدا لما بيكون فى الكرسى الخلفى معايا شخصين بحس ان فى زى الغربلة ودة فعلا من الطنابير.

**HamadaMOMO** · 17-04-2009 03:45 AM

انا النهاردة ظبطت زوايا وترصيص عند برجستون عباس العقاد وجربت العربية بغباوة ورحت التوكيل قالولى علشان عندك Abs هيا دى لما بتفرمل بيبدء ميخليش العجل يتزحلق
بس الى انا متاكد منة ان Abs بيشتغل لما امسك فرامل بقوة لكن لو بهدى تهدية جامدة شوية بحس بصوت زى الغربلة بس مفيش غربلة فى الدركسيون!
فهل هما صح ولا انا صح ؟

**bishoy02010** · 17-04-2009 10:06 AM

المشاركة الأصلية كتبت بواسطة HamadaMOMO

انا النهاردة ظبطت زوايا وترصيص عند برجستون عباس العقاد وجربت العربية بغباوة ورحت التوكيل قالولى علشان عندك Abs هيا دى لما بتفرمل بيبدء ميخليش العجل يتزحلق
بس الى انا متاكد منة ان Abs بيشتغل لما امسك فرامل بقوة لكن لو بهدى تهدية جامدة شوية بحس بصوت زى الغربلة بس مفيش غربلة فى الدركسيون!
فهل هما صح ولا انا صح ؟

أعتقد كلامك انتة اللى صح لآن اللى اعرفة ان ال ABS فعلا مش هيشتغل غير لما تمسك فرامل على الأخر ومتهيقلى لمبة ال ABS اللى فى الطابلوة بتنور !!! مش متأكد بس فيه عربيات اللمبة بتنور لما بيشتغل