فى مصر اماكن كتير جميلة

بدل ما ندور عالوحش بس فى مصر وندور عالجمال والتقدم برة مصر....

فى حين انهم كمان زى ما عندهم تقدم وتحضر ونظام عندهم شوارع مهملة وقذرة ومشردين ومتسولين ومجرمين يمكن اكتر من عندنا بس هم بيعرفوا ازاى يرسموا صورة حلوة لبلادهم ويخبوا الوحش.

يلا بينا نشوف الجمال فى بلدنا وكل واحد فينا يحط صورة لمكان جميل او مكان بيحبه فى محافظته فى مدينته فى قريته فى اى مكان فى مصر. مش شرط يكون المكان تصميمه الهندسى رائع او مختلف ومالوش زى.. المهم يكون جميل من وجهه نظره يشاركنا نظرته واحساسه بالجمال ده.

اعتبروها دعوة للتفاؤل وتعالوا نستعرض الحلو فى بلدنا

ده طبعا كوبرى ستانلى

من اكتر الاماكن اللى انا بعشقها بالليل فى اسكندرية








ودى طبعا المنتزة وانا شخصيا بعشق المكان ده بالذات ا خصوصا وقت الغروب بجد بيكون تحفة انا الصيف اللى فات اخدت ناس اقاربى هناك بجد بجد مكانوش عاوزين يمشوا وقالولى ياريتنا جينا من بدرى اللى منكم مرحش هناك يروح وهيعرف ان عندنا اماكن كتير اجمل من النافورة






على فكرة المكان ده مرتفع عن الارض لفوق شوية ودى صورة للمكان تحت لو احنا فوق هنا




ده مشهد الغروب من فوق برده( معلش الصورة غامقة شوية )