ألف تحية لشرطة النجدة(تفتكروا ممكن؟)

السلام عليكم..طبعا الموضوع مش بالظبط زي العنوان وهتعرفوا ليه
الليلة كان في خنافة بمعنى خناقة عندنا:k40:
ناس من بيتنا بيتخانقوا مع ناس من البيت اللي قدامنا ودول جابوا ناس ودول جابوا ناس وبقت خناقة بالسكاكين والسنج والقزايز والفازات والأطباق وكل ما تتخيلوه ماعدا الأسلحة النارية!
المهم مربط موضوعنا بقى
إتصلت من موبايلي ب 112 طوارئ:B4_564: وقلت له إديلي النجدة قال لي خير قلت له كذا كذا..
وأنا باديله العنوان الدنيا سخنت برة والضرب والزعيق صوته عالي فالراجل قال لي هات العنوان بسرعة(شايفين الإهتمام؟)والإسم وإديتهم له
البوليس جه مشكورا ولم الناس على القسم
طبعا كله بيهمهم وبيقول الواد العبيط دة ماله؟إيه المشكلة يعني؟
المشكلة يا إخواني إني مبلغ الساعة العاشرة والربع(مش بتاعة موجة كوميدي)
البوليس جه إمتى؟
مع العلم بأن:
1-قسم شرطة عين شمس يبعد 15 دقيقة إن لم يكن أقل
2-نقطة شرطة زهراء عين شمس تبعد 6 دقايق(مشي)يعني بتاع دقيقة أو أقل بالسيارة
تخيلوا بقى إن الشرطة(مشكورة)جت الساعة الوااااااااحدة و ثلث؟؟؟[1]:
وكل دة والله والخناقة شغالة وعمالة تكبر أكتر وناس تتعور وبلاوي:36_1_31:
وأنا قافل على نفسي الباب الحديد بتاع المحل ومش عارف أخرج
هل دة يعقل؟:dontudear:
يا جماااااااااعة دي إسمهاااااااا نجججججدةةةة:B4_048:
يانهار إثود!
النجدة تنجد الناس بعد ما يتنجدوا(زي المراتب):khd:
وأنا اللي فرحت لما لقيت الراجل مهتم أوي وقلت يادوب هاقفل السكة ألاقيهم قدامي(فينك يافوزية ويافؤاد يا مهندس؟)
وقلت ماهي النجدة حلوة أهي أومال الناس بتشتكي ليه؟:B4_592:
دلوقتي بس عرفت ليه!
طب نعمل إيه ونقول لمين؟
دورت على تقديم الشكاوي على موقع وزارة الداخلية مالقتش!:3_3_102[1]:
لازم بجد الدنيا دي تتغير!:rfds:
ومتهيألي مش هتتغير غير بينا!
صح ولا أنا مش غلط؟:11:

الفكرة ان انت عملت اللى عليك و لم تأخذ موقف سلبى ، اما الباقى فهو فى مسئولية وزارة الداخلية و لا يكلف الله نفس الا وسعها ، و ياريت كل الناس تتصرف بهذا الشكل ، اما تصرف النجدة فهو موضوع صعب حله نظرا لانه يحكمها عديد من العوامل
بس فى النهاية التفصير فى التدخل فى هذه المواضيع من ناحية الشرطة امر مستهجن و حيزود حالة اللبلطجة و اخد حقى بدراعى اللى مليانة فى المجتمع المصرى

اقتباس:

---

المشاركة الأصلية كتبت بواسطة KarimAbulEla

الفكرة ان انت عملت اللى عليك و لم تأخذ موقف سلبى ، اما الباقى فهو فى مسئولية وزارة الداخلية و لا يكلف الله نفس الا وسعها ، و ياريت كل الناس تتصرف بهذا الشكل ، اما تصرف النجدة فهو موضوع صعب حله نظرا لانه يحكمها عديد من العوامل
بس فى النهاية التفصير فى التدخل فى هذه المواضيع من ناحية الشرطة امر مستهجن و حيزود حالة اللبلطجة و اخد حقى بدراعى اللى مليانة فى المجتمع المصرى

---

ماهو دة كان رأيي..قلت يا جدعان بتلوموا الناس ليه؟ماهو إحنا اللي بنطنش ونقول إحنا مالنا
فقلت ما اطنشش
قاموا هم طنشوني..
إن شاء الله الدنيا هتبقى أحلى..أنا عندي أمل حتى ولو طفيف بدة(بس يا رب أعيش وأشوف اليوم دة)

علي فكره انت فهمت اهتمام اللي بيكلمك غلط
اهتمام الشرطه من عدمه هي تيجي او متجيش all or non
يعني لو كان اخد العنوان منك بدون اهتمام او عادي كنت تعرف من نفسك ان محدش هيعبرك و ييجي اما علشان حتته الاهتمام دي يبقي هييجي ....امتي بقي دي حاجه ترجعله
و بعدين هو قال يتأخر شويه يمكن الناس تتصافي مع بعض و ييجي يعمل محضر صلح وخلاص و ميلمش ناس كتير في البوكس و دوشه بقي ...........
هي دي عقليه رجل الشرطه من كتر اللي بيشوفه

هما مش بييجوا على طول عشان ميتعوروش في الخناقة ...

بيستنوا لما كل الناس تكون على الأرض والدنيا مدغدغة وييجوا هما يلموا الي فاضل

عمرك سمعت عن أمين شرطة أو ظابط أصيب في خناقة ؟؟؟ نادرا ً طبعا ً وغالبيتهم بيكونوا ملازم أول مش فاهم الدنيا لسه ماشية ازاي

لكن مع الخبرة بيعرف إنه المفروض ميروحش الخناقة الا لما تخلص

اقتباس:

---

المشاركة الأصلية كتبت بواسطة Abdo_Eldesokey

هما مش بييجوا على طول عشان ميتعوروش في الخناقة ...

عمرك سمعت عن أمين شرطة أو ظابط أصيب في خناقة ؟؟؟ نادرا ً طبعا ً وغالبيتهم بيكونوا ملازم أول مش فاهم الدنيا لسه ماشية ازاي

لكن مع الخبرة بيعرف إنه المفروض ميروحش الخناقة الا لما تخلص

---

كلامك مظبوط

موقف حقيقى حصل معانا من حوالى 8 أو 9 سنين
خناقة جامده جدا بين واحد زباله ساكن عندنا فى الشارع وبين شوية بلطجية
المهم ان البلطجية قراروا انهم يربوا الواد ده
لموا كل اللى يعرفوهم وجم عندنا فى الشارع
بدون مبالغة عددهم كان لايقل عن 100 واحد والعدد ده لايستهان بيه
كل العربيات اللى فى الشارع اتكسرت - الابواب - الشبابيك- اللمبات - بالاضافة لجرح (10 غرز) فى دماغ واحده جارتنا كانت واقفه فى البلكونة
الاتصال بالشرطة بدأ الساعة 5:0 العصر - البهوات شرفوا على الساعة 8:30
الغريب انهم مجوش لغاية لما اتأكدوا ان الخناقة خلصت
الاغرب انى والدتى لما اتصلت قالوا لها باللفظ يا حاجة فيه لغاية دلوقتى اكتر من اربعين بلاغ واحنا هانتصرف حااااااااالا
حسبى الله ونعم الوكيل

والله يا Tam مشكور حصلت قبل كده كان في ناس عاوزين يفتحو بابا بتاع شقه جارنا واختي لوحدها في البيتاتصلت بنجده قالو ليها 10 دقايق ونبقي عنديك واتصلو بعديها بساعه الاربع يوقلو الناس مشيت ولا لسه بيحاولو يفتحو الباب
هو ده قسم عين شمس مش فلحين غير في كده
هو انت يا Tam ساكن فين في عين شمس عشان انا ساكن في منشيه التحرير

اقتباس:

---

المشاركة الأصلية كتبت بواسطة hamedo0

والله يا Tam مشكور حصلت قبل كده كان في ناس عاوزين يفتحو بابا بتاع شقه جارنا واختي لوحدها في البيتاتصلت بنجده قالو ليها 10 دقايق ونبقي عنديك واتصلو بعديها بساعه الاربع يوقلو الناس مشيت ولا لسه بيحاولو يفتحو الباب
هو ده قسم عين شمس مش فلحين غير في كده
هو انت يا Tam ساكن فين في عين شمس عشان انا ساكن في منشيه التحرير

---

فعلا يعني الدنيا كدة؟
أنا يا سيدي عند فندق السلام..بس أصلا أصلا بيت العيلة على ناصية منشية التحرير وجسر السويس..
جيران يعني:36_3_10[1]:

اقتباس:

---

المشاركة الأصلية كتبت بواسطة Abdo_Eldesokey

هما مش بييجوا على طول عشان ميتعوروش في الخناقة ...

بيستنوا لما كل الناس تكون على الأرض والدنيا مدغدغة وييجوا هما يلموا الي فاضل

عمرك سمعت عن أمين شرطة أو ظابط أصيب في خناقة ؟؟؟ نادرا ً طبعا ً وغالبيتهم بيكونوا ملازم أول مش فاهم الدنيا لسه ماشية ازاي

لكن مع الخبرة بيعرف إنه المفروض ميروحش الخناقة الا لما تخلص

---

اقتباس:

---

المشاركة الأصلية كتبت بواسطة msobhy

موقف حقيقى حصل معانا من حوالى 8 أو 9 سنين
خناقة جامده جدا بين واحد زباله ساكن عندنا فى الشارع وبين شوية بلطجية
المهم ان البلطجية قراروا انهم يربوا الواد ده
لموا كل اللى يعرفوهم وجم عندنا فى الشارع
بدون مبالغة عددهم كان لايقل عن 100 واحد والعدد ده لايستهان بيه
كل العربيات اللى فى الشارع اتكسرت - الابواب - الشبابيك- اللمبات - بالاضافة لجرح (10 غرز) فى دماغ واحده جارتنا كانت واقفه فى البلكونة
الاتصال بالشرطة بدأ الساعة 5:0 العصر - البهوات شرفوا على الساعة 8:30
الغريب انهم مجوش لغاية لما اتأكدوا ان الخناقة خلصت
الاغرب انى والدتى لما اتصلت قالوا لها باللفظ يا حاجة فيه لغاية دلوقتى اكتر من اربعين بلاغ واحنا هانتصرف حااااااااالا
حسبى الله ونعم الوكيل

---

طب كدة بقى نغير الشعار وتبقى الشرطة في خدمة البلطجية

الشعب فى خدمه الشرطه

مصر بلد الامان

انا هحكى على حاجه لاتصدق حصلت معايا فجر الجمعه

انا عندى محل فى شارع معقول مش جانبى وممنوع فيه انتظار السيارات والعربيات بتعدى منه طول الليل

المحل جنب جامع

المسافه بين باب المحل وباب الجامع اقل من نص متر

فجر الجمعه الشيخ اللى بيفتح الجامع شاف عربيه واقفه قدام المحل و2 شباب قدام المحل الفجر

طبعا كسروا الاقفال وكسروا الباب الصاج بتاع المحل وخلعوه علشان يفتح

بعد اقامه الصلاه واحد جارى راجل سنه كبير نازل يصلى لقى الباب مكسور زعق ونادى ابنه وقال حرامى طبعا ركبوا العربيه وجريوا

النجده جت لان اللى بلغ قال ان الحراميه جوه المحل وتعالوا بسرعه امسكوهم

بينى وبين القسم حوالى 400 متر يعنى دقيقه او دقيقتين مشى

طبعا النجده جت بعد نص ساعه بعد الحراميه ما هربوا والناس خلصت صلاه الفجر وروحت

المشكله ان الجامع كان فيه اكتر من 10 بيصلوا وكلهم دخلوا من الباب ده

وكلهم عدوا على الحراميه وهما بيكسروا الباب واكيد قالولهم سلامو عليكم

وطبعا كلهم بينكروا انهم شافوا اى حاجه مع ان مفيش باب تانى يدخلوا منه الجامع

يعنى لو واحد بس طلع فوق وقال للناس فى الجامع انا شايف حراميه بيسرقوا المحل اكيد كانوا مسكوهم

ولو جارى اللى زعق كان سكت او كان اتأخر شويه كان المحل اتسرق كله

اللى حصل ده حصل بين وقت فتح الجامع والاذان واقامه الصلاه والناس كلها معديه وشايفاهم وطنشت وكلهم جيرانى ومعارفى وزباين عندى

قلت لهم شكرا

لو شفت واحد فيكم بيتسرق او بيتقتل فى الشارع ولا هعبره

فعلا مصر بلد الامن والامان

اقتباس:

---

المشاركة الأصلية كتبت بواسطة Abdo_Eldesokey

هما مش بييجوا على طول عشان ميتعوروش في الخناقة ...

بيستنوا لما كل الناس تكون على الأرض والدنيا مدغدغة وييجوا هما يلموا الي فاضل

عمرك سمعت عن أمين شرطة أو ظابط أصيب في خناقة ؟؟؟ نادرا ً طبعا ً وغالبيتهم بيكونوا ملازم أول مش فاهم الدنيا لسه ماشية ازاي

لكن مع الخبرة بيعرف إنه المفروض ميروحش الخناقة الا لما تخلص

---

كلام سليم 100% دة من اسسيات النجدة متجيش الا بعد النا لما يموتوا بعض

حصل معايا موقف زي كده من فتره طويله
و برضه عربية الشرطة ماشرفتش غير بعد ما المولد إنفض و الناس كلها مشيوا

و أنا كنت فاكرهم حايعملوا زي الأفلام الأمريكاني يدوب تطلب 911 قبل ما تقفل السكة تكون سمعت سارينة البوليس و العساكر محاوطة المنطقة :70[1]:

ابتسم انت في مصر

انا بجد نفسى اسيب البلد والله والله والله
حاجة قرف وتخلف
وسلملى على مصر

يبقي انته اكيد في مصر

اقتباس:

---

المشاركة الأصلية كتبت بواسطة nazaryia

علي فكره انت فهمت اهتمام اللي بيكلمك غلط
اهتمام الشرطه من عدمه هي تيجي او متجيش all or non
يعني لو كان اخد العنوان منك بدون اهتمام او عادي كنت تعرف من نفسك ان محدش هيعبرك و ييجي اما علشان حتته الاهتمام دي يبقي هييجي ....امتي بقي دي حاجه ترجعله
و بعدين هو قال يتأخر شويه يمكن الناس تتصافي مع بعض و ييجي يعمل محضر صلح وخلاص و ميلمش ناس كتير في البوكس و دوشه بقي ...........
هي دي عقليه رجل الشرطه من كتر اللي بيشوفه

---

للعلم all or none يعتبر أمر مشروط

اقتباس:

---

المشاركة الأصلية كتبت بواسطة homme49

للعلم all or none يعتبر أمر مشروط

---

انا فاهم قصدي يا هييجوا يا مش هييجوا

يسعادة المواطن المحترم
دول مش نجدة دول نيمين في مية البطيخ
اتصلت التلهم فية حدثة علي الاوتوستوراد والدنيا خربانة وكل 10 دقائق اكلمهم جم بعد حوالي 3-4 ساعات

تبسم انت في مصر:pointi~2[2]::pointi~2[2]::pointi~2[2]::pointi~2[2]:

انت مستني يجولك علي طول
انت بتحلم
ميموتو بعض ولا ادنيا تخرب هيحصل اية يعني
دة تفكلرهم هما مش انا طبعا
عشان كدة الواحد بيكبر دماغوا خالص
:36_1_58[1]::36_1_58[1]::36_1_58[1]:

كده يبقى بدل ما نقول ان الشرطة في خدمة الشعب

لا نقول احسن الشرطة خايفة من الشعب

هما أكيد بيخافو على فكرة
لأن احيانا بيحصل عندنا خناقات بين مناطق معينة ومناطق اخرى

كل اللى بيعملوة انهم ييجو يقفو بعيييييييييد ويضربو نار فى الهوا

طب والله ما حد هيصدق الى هاقوله
ماشى لاقيت حريقة اتصلت بالنجدة قالى....................مش شغلنا اتصل بالمطافى
اتصلت ......................زجت بعد ماالحريقة الناس طفتها

ممكن نخلى الشعار الشرطه فى خدمة نهاية الشكله

مهو عشان عين شمس يا باشا
تفتكر لو حتى ارقى كانت النجدة اتاخرت كدة

اقتباس:

---

المشاركة الأصلية كتبت بواسطة شريف

مهو عشان عين شمس يا باشا
تفتكر لو حتى ارقى كانت النجدة اتاخرت كدة

---

دة كان نفس تفكيري!
قلت أكيد خافوا ييجوا لما سمعموا عين شمس!
بس بعد الناس ماردت وكله نفس الموضوع قلت أكيد مش كل الناس دي في عين شمس!
عمار يا مصر..بعد كدة الواحد يتصل يقول لهم كان في خناقة أول إمبارح لو حد عايز ييجي يشرف ويأانس
أه يا بلد..هتعملي إيه تاني فينا؟؟؟!!

انا مره كنت رايح لواحد صاحبى ساكن قريب منى المهم فى على الشارع عندنا مبنى دور واحد بتاع محولات كهرباء وكده لقيت عربيه ربع نقل واقفه قدامه واتنين عمالين يحملوا فى ابواب حديد وكابلات من جوه شكيت فيهم سجلت رقم العربيه ورفعت التليفون وبطلب مأمور القسم (ساكن جنبى) لقيت بوكس جاى فى وشى شاورتله على العربيه وقلتله بيسرقوا الكابلات
طبعا سواق النقل شاف البوكس طلع يجرى تخيلوا البوكس مافكرش يجرى وراه حتى والله المسافه بينهم قبل مايتحرك بتاع الربع نقل حوالى 3 .. 4 متر ولا حتى فكر يكسر عليه او يقف قدامه المهم ضربت كف على كف وقلت حسبى الله ونعم الوكيل
ورحت لصاحبى قعدت عنده حوالى ساعه ونص او ساعتين
وانا راجع لقيت ميكروباص واقف قدام المبنى بتاع الكهرباء رحت اشوف مين اللى جه لقيت اتنين امناء خارجين من جوه وماسكين السلاح فى ايديهم سلمت وقلتلهم انت جايين عشان كذا كذا قالولى اه انت شوفتهم وشويه اسأله المهم اديتلهم اوصاف العربيه والنمره
طبعا كان زمانهم باعوا اللى خدوه خلاص
حسبى الله ونعم الوكيل

دة لو ماكانوش باعوا العربية أصلا!

اقتباس:

---

المشاركة الأصلية كتبت بواسطة Tam

دة لو ماكانوش باعوا العربية أصلا!

---

جايز والله ليه لا.

الله يفضحك بسبب لبة تفضحنى على النت انا كونت موجود فى المشكلة دة وانت كونت قافل على نفسك

اقتباس:

---

المشاركة الأصلية كتبت بواسطة islamellooz

الله يفضحك بسبب لبة تفضحنى على النت انا كونت موجود فى المشكلة دة وانت كونت قافل على نفسك

---

دي سعادتك تسأل عليها كمال هو اللي حضر هذه الواقعة

:biggrin2:

لو الرقابة الادارية والفنية ماكانش دة حصل

انتوا مش عارفين كلمة السر
اقرا واعرف
فاكرين حادثة التحرش اللى حصلت فى جامعة الدول فى العيد
الناس برده اتصلت بالنجدة
ولا حد جه
عارفين جم امتى
اما واحد اتصل وقلهم فيه شباب ماسكين واحد سعودى ونازلين فيه ضرب
طيران جم
كلمة السر
فيه عربى
فيه اجنبى
بيضرب
بتتكسر عربيته
بيتحرشوا بمراته
اللى عاوزينه
بس يكون مش مصرى
تانى حاجة
ان الافندية فى القسم ساعات مش بيبقى معاهم عربيات
يعنى
الاول - بعد ما يقرروا يطلعوا -
يثبتوا ارقام الاسلحة اللى كل واحد طالع بيها فى دفتر
يخرجوا يدوروا على عربية ميكروباص تجيبهم

موتني من الضحك ....

تحية ليهم فعلاً