الموضوع: توكيل العباسية - حسبي الله ونعم الوكيل

توكيل تويوتا اللي في العباسية يا جماعة دول شوية ناس مش فاهمين حاجة وبياخدوا فلوس وخلاص انا روحت عشان كان عندي مشكلة في عربيتي لمبة الاير باج نورت وبصراحة من قبلها بيومين كانت العربية مش مظبوطة معايا فروحت التوكيل اللي هما المفروض يكونوا اكتر ناس بيفهموا وطلبت منهم الاتي 1- علاج لمبة الاير باج 2 - عمل فحص فني شامل على العربية ميكانيا وكهرباء وبعد انتظار ساعة ونص فقط لقيت المهندس بينده عليا عشان الفاتورة فسألته قولت له تمام قاللي كله تمام وقولت له لمبة الاير باج خلاص قاللي اوك قولت له طيب التقرير الفني بيقول أيه قاللي العربية ما فيهاش أي حاجة كله تمام هي بس عايزة سيرفيس يعني زيوت وفلاتر قولت له فلاتر ؟!!! انا لسه مغير الفلاتر والزيوت من اقل من 2000 كم قاللي فلتر البنزين ما نقدرش نشوفه لكن فلتر الهوا لقيوه اسود سألته بس ازاي العربية تمام انا بحس برعشة قاللي اه العربية عايزة طقم دبرياج قولت له هي تمام والا عايزة طقم دبرياج والا ايه بالضبط انتوا فحصتوها والا لأ ..... وطبعا اتغميت وروحت عشان استلم العربية وكانت المفاجئة اول ما دورت لقيت لمبة الايرباج منورة بقول للفني انتوا ما صلحتوهاش قاللي ما حدش قاللنا عليها فتحت صوة التقرير لقيه مكتوب ضمن بنود الاصلاح فبدأت اتنرفز قولت له تعالى نجرب العربية وطلعنا بيها قاللي ياباشا العربية زيي الفل قولت له في رعشة قاللي تبقى طقم دبرياج وشوية وقاللي بس انا مش شايف رعشة العربية ما فيهاش حاجة قولت له انت على أي اساس بتحدد هو مش فيه اجهزة بتكشف بيها فضحك بسخرية وقاللي الأجهزة ما تعرفش الكلام ده قولت له طيب ايه حكاية السيرفيس اللي العربية عايزة تعمله انا لسه مغير زيوت وفلاتر قاللي واحنا هنعرف منين طالما ما غيرتهاش عندنا انا أغير سيرفيس الاول وبعدين احكم على العربية قولت له يعني تدفعني 1600 ج عشان انت ما تعرفش ؟!! وفي الاخر دخلت العربية مرة تانية عشان يصلحوا لمبة الاير باج بعد ما فشلت في أقناعهم ان الميكانيكا مش مظبوطة لقيته في أقل من عشر دقائق خارج يقوللي في كابل مقطوع هو ده اللي عامل المشكلة ومع أني غير مقتنع قولت له طيب اعمله قاللي وكأنه فوجئ بطلبي ده غالي فوق الـ 1000 ج وبعدين استنى اشوفهولك موجود والا لأ قولت له انا كده كده مش هعمله وبعدين انا مش واثق فيكوا اصلاً قاللي أوك اتفضل حضرتك ادفع الفاتورة ودفعت الفاتورة ومشيت من غير ما حد يحميني يعني ضحكوا عليا بأي كلام وبرضه خدي مني فلوس
حسبي الله ونعم الوكيل

فين بس مراكز الخدمة دي عايزين عناوين