لو تقصد مصانع حلوان (8س360)يبقى دوس على طول بيعيش العمر كله وامان عالى والصيانة بتاعته سهلة وكل شركات الصيانة بتعملها و قطع غياره رخيصة والتسخين فوق الرائع وعن تجربة شخصية شغال فوق ال15 سنة مقلش اى خالص :verygood: وكفايه انه مصانع حربية.
عرض للطباعة
أنا عندي سخان يونيفرسال شاريه من 2005 وشغال زي الفل
ومميزاته
- بيشتغل على الميه الضعيفه ( ومعروف طبعا ان سخانات الغاز لازم تكون الميه قويه)
- الشعله بتشتغل اوتوماتيكيا لما تفتح الميه وبتطفي لما تقفل الميه ( بيتركبله حجرين طورش)
- لو حصل اي تسريب غاز السخان بيفصل اوتوماتيك
وطبعا سعره معقول جدا حوالي 650 10 لتر
انا بفكر اغير لسخان بالغاز وشيفاكم بتشكروا في يونيفرسال
وانا معنديش فكرة عن سخانات الغاز خالص
هل ال 10 لتر كفاية لاستخدامه في المطبخ والحمام لان الكهربائي اللي عندي 50 لتر
ولا اللي يفتح هنا سخن يسحب الميه السخنة من المكان التاني
سخان المصانع س 8 تجربة مريرة معاه على مدى 8 سنين قرفنى على الاخر
لازم ضغط المياه يكون عالى
الشعلة الدائمة تستهلك (انبوبة الغاز) ماعنديش غاز طبيعى وغيرت 20 مرة (الفونية) ومافيش فايدة
كل شهرين 3 محتاجة تركيب (رداخ) الجزء اللى بيشغل الغاز مع فتح المياه
التقفيل والمنظر اى كلام
المصانع كاااااااااان زماااااااان وجبر
جبت بدلا منه أوليمبك 10 لترالجديد ممتاز جدا بالنسبة لسعره
به 3 وحدات اشعال ذاتى لمنع الاشعال بصوت - يعمل على ضغط ماء منخفض
شاشة ديجتال تبين درجة حرارة الماء - عدم وجود شعلة دائمة وفر (الانبوبة ) جدا + أمان اعلى - 3 سنسور لتحسس حرارة الماء - عدم وجود ماء -تسرب الغاز (امان معقول)
به ميزة صيف / شتاء لتقليل استهلاك الغاز + امكانية التحكم فى مستوى الماء - استهلاك الغاز - درجة الحرارة
التقفيل جيدا جدا - المنظر عصرى (فضى - أبيض)
ضمان 5 سنين - التركيب مجانا غير الاكرامية
فى كارفور بـ 650 جنيه جبته من ش عبد العزيز بـ 600 جنيه
نصيحة شافية و وافيه اهه - انا مش شغال فى أوليمبك على فكرة :)
سخانات الغاز مش بتتقاس زى سخانات الكهرباء، رقم ال 50 او 60 او 80 لتر لسخانات الكهرباء هو سعة الحلة، اما سخان الغاز فبيتقاس بكمية المية اللى بيقدر يسخنها فى الدقيقة لأن هو مالوش حلة وانما سربنتينة، عموما السخان ال10 لتر الغاز يكفى حمام ومطبخ مفتوحين مع بعض فى نفس الوقت وغير محدود بكمية مية معينة زى سخان الكهرباء، يعنى لو فضل شغال 10 ساعات هيفضل ينزل مية سخنة طول العشر ساعات
بالنسبة للماركات فلا انصح اطلاقا بسخان المصانع، هو كان له ايام وراحت لحالها، زيه زى العربية ال 128 والتلاجة الإيديال، لكن هو لم يعد مناسب لعصرنا الحالى بتقفيله المتواضع واستهلاكه العالى ومشاكله التى لا تنتهى من تغيير رداخ كل كام يوم الى تسليك السربنتينة الخ الخ
بالنسبة للتصنيع المحلى يونيفيرسال كويس جدا، وبالنسبة للمستورد فى سخان اسمه يونيكرز ألمانى، ده رائع بس مش عارف بيتباع فين حاليا