كيف يتم ضبط الزوايا بحيث أن لا تؤثر في اتجاه الدريكسيون
كل ماروح عند حد علشان الزوايا يقول إنه لازم يفك الطارة
والمشكلة إن الطارة مش بتتطلع بأي طريقة وفي الآخر العجل عدل والطارة عوجة
فما الحل ؟
كيف يتم ضبط الزوايا بحيث أن لا تؤثر في اتجاه الدريكسيون
كل ماروح عند حد علشان الزوايا يقول إنه لازم يفك الطارة
والمشكلة إن الطارة مش بتتطلع بأي طريقة وفي الآخر العجل عدل والطارة عوجة
فما الحل ؟
فى زرجينة مخصوص بتفك الطارة المفروض اى بتاع زوايا عاقل تكون عندة و لو الموضوع صعب اوى او علشا اير باج ممكن يعدلة من الصلبة بتاعة البار
روح لواحد بتاع زوايا يكون بيفهم
فك الطارة و تغيير وضعها غلط
MMamdouh
ما المشكلة إني جربت كل بتوع الزوايا ومحدش عارف يعدل الطارة من غير فك
والمشكلة إني مش عارف أمشي خالص لو الطارة عوجة مش باعرف ارجع لورا وساعات بانسى وباعدلها وأنا ماشي سريع والعربية بتحدف جامد
ولو خلاها عدلة مش باعرف أسيطر على الحركة يمين وشمال أبدااااااااااااااااااا مهما مشيت هادي
عندى نفس المشكلة وروحت لموبيل الى فالهرم وكذا مره يفك الدريكسيون ويعديه بس بترجع تانى
يعنى لو العدلة كانت يمين بتبقى شمال او العكس :s
للأسف أنا مش ساكن في القاهرة
علشان كده عايز أعرف اللي المفروض يتعمل
وكنت هاغير البارات والحاجات دي يمكن تتظبط بس الراجل قاللي ملهاش علاقة وممكن الطارة تتعوج زيادة أو تيجي العكس
دي الزوايا المظبوطة نعمة كبيرة ميحسش بيها إلا اللي مش موجودة عنده
أنا مش عارف أمشي أصلا ولا اجي يمين أو شمال وكل العربيات بتسابقني وبيزنقوا عليا علشان فاكرين اني باقفل عليهم ومش عارفين ان الزوايا معفرتاني
ايه ياجماعه انتوا بتتكلموا على عربيه فيات ؟؟؟؟؟؟؟؟؟؟؟؟؟؟؟؟؟؟؟؟
العربيات القديمه بس اللى ممكن الواحد يجازف ويفك الطاره
مع احترامى لاراء الجميع مافيش بنزينه على مستوى جمهورية مصر العربيه بيظبط زوايا العربيه
اولا ظبط الزوايا بيختلف من نوع السياره لاخر
لان كل عربيه ليها ابعاد ومقاسات محدداها الشركه
نرجع من اول ما اشتريت العربيه وبداءت فى تظبيط الزوايا الظبط بيتم من خلال جهاز كمبيوتر مخصص لظبط الزوايا ومدعم بجميع مقاسات انواع السيارات بجميع موديلتها
وبيتم تحديث الجهاز من برامج للسيارات التى يتم طرحها فى الاسواق من خلال الشركه المنتجه للسياره
مثال عربيه لانسر 2007
اول حاجه بيركب اجهزه ظبط الزوايا على العجلتين الاماميتين
وبيرجع لجهاز الكمبيوتر ويحدد الموديل ويحدد قطر الجنط
تلقائى الجهاز بيوضحله المقاسات الحاليه للعربيه وبيتم ظبط الزوايا يدوى من خلال تحريك الطاره الى اليمين ويتوقف عند كلمه ok
ومره اخرى جهة اليسار حتى كلمه ok
بعدها يعود بالجهاز ليجد فرق الظبط الحالى من ظبط الفابريقه لابد ان يجده مختلف مليميترات وده بسبب ان الكاوتش حالته اكيد مختلفه
وطالما الطاره ماتفكتش قبل كده الطاره بتتعدل فى ساعتها
وعلى فكره الزوايا عمرها مابتتظبط الا لما تكون مكونات العفشه كلها سليمه
بمعنى ان الطاره لو اتوعجت يبقا اكيد فى قطه فى العفشه مش سليمه ولو ظبط زوايا الطاره هاتكون معوجه
انما لو غيرت القطعه وظبط زوايا الطاره هاتكون فى الوضع الطبيعى
ويارب اكون قدرت اوضح المعلومه
واللى ساكن فى المهندسين او قريب منها فى واحد اسمه الحاج عاشور (عاشور سنتر) تخصص زوايا وعفشه وزراجين للعفشه
بعد كوبرى احمد عرابى شمال
باركولي يا جماعة الزوايا اتظبطت من غير فك الطارة
رحت عند واحد وبعد ما ظبط وكانت الطارة معووجة راح بدأ يزود مسافة التيش من ناحية ويقصره من التانية لغاية لما رجعت لوضعها الأصلي ومن غير ما تخلف في الزوايا نهائي
بس عايز حد يفهمني ليه محدش غيره عمل كده ؟
وهل في مشكلة في الحكاية دي ولا لأ ؟
الف مبروك يا باشا
عشان الناس التانية.....
http://www.satromaranch.com/donkeys2.JPG
MMamdouh
مبروك يا باشا.
دا العكس هو اللى بيحصل
اصلا الطارة بتبقى فى نص مشوار علبة الدركسيون او السكترة بالضبط... و مع فك الطارة و تركيبها لعلاج الميل بتاع الطارة بتختلف مسافة يمين عن شمال و دة السبب فى ان موضوع فك الطارة غلط
العلاج من التيش ملوش اى دخل بوضعية الطارة فى منتصف السكترة و بالتالى حتفضل الطارة فى النص تماما بالطريقة دى
MMamdouh
طب انا البوب فك الطارة و غير فيها و بعدن ماتظبتتشى غير من تحت و بعدين عدد اللفات أتغير فك الطارة تانى و دلوقتى الطارة فيها ميل شوية ناحية اليمين بس العربية مابتحدفشى.المفروض انا اعمل اية اشوف حد تانى يظبطها ولا مافيش فايدة؟ياريت لو تعرف حد كويس قولى علية انا ساكن فى عين شمس
انت عايز تضبط حاجتين...
اولا تتاكد ان الطارة فى نص مشوارعلبة الدركسيون او السكترة... لف الدركسيون من اولة لاخرة و شوفة كام لفة ... لازم الطارة تبقى عدلة بعد نص عدد اللفات بالتمام و الكمال... لو مضبطتش يبقى تفكها و توسطنها
ثانيا تشوف العربية لما بتمشى فى خط مستقيم بتبقى الطارة فى النص تماما ولا لا... لو مش مضبوطة يبقى تتظبط من تحت فقط
اعتقد اقرب حد ليك هو مركز درش اللى عند حديقة بدر... انا مجربتوش بس فيه ناس شكرت فيه... و عندك fit & fix اللى فى محطة كالتكس ناصية عباس العقاد و النحاس
MMamdouh
نفس المشكله عندي وفكيت الطارة وعدلتها كذا مره وبترجع لواحدها تاني الكاوتش بيكون مظبوط وانا واقف وافك الطارة اظبطها فالنص واول لما امشي ترجع تاني مش مظبوطه
اصلا في عربيات الطارة بتركب في عمود الدركسيون بعدلة واحدة
الصح ان الفنى بيثبت الطارة الاول في الوضع المظبوط ويربط عليها بعمود معين كدة عنده في دواسة الفرامل بحيث ما تتحركش مع لف العجل
بعد كدة يعيش حياته بقى مع البارات والجهاز ففي الاخر العربية تظبط زوايا والطارة كانت متثبتة ع الوضع العدل من جوة قبل اي حاجة