السيراتو وتركيب جهاز انذار الـ SPY 2 Way Car Alarm

بسم الله الرحمن الرحيم


قبل ان ابدء فى هذا الموضوع احب ان اتقدم بالشكر للصديق العزيز محمد الشنورى

الذى بعثت له رسالة على الخاص اسئله عن وصفة لمحل سعيد نصار


بالاسكندرية علشان كان فيه صديق لى رايح اسكندرية علشان يشترلى


الجهازمن هناك وبعتلى وصفة محترمة للمحل وسبلى رقم موبيله علشان اديه


للراجل واول مايوصل للاسكندرية يكلمه ويروح معاه كمان ..... وبعديها بيوم


لاقيت موبيلى بيرن طلع محمد الشنورى بيطمن الراجل مكلموش ليه ؟ وانه


مستنيه... فطبعا شكرته على اهتمامه الجامد , وان الراجل لسه هيروح يوم الخميس



فطبعا بأتوجه بكل الشكر لهذا الاسكندرانى الجدع اوى :k10:



نرجع بقى لموضوعنا....



صديقى لي كان رايح الاسكندراية يوم الخميس 2/4/2009 فوصيته يشترلى


الجهاز من هناك لانى مش لاقيه فى القاهرة واديته وصفة الشنورى باشا


علشان يعرف يوصل... والكلام ده كان يوم التلات... ,لقيته يوم الاربع


الصبح بيقولى ماتيجى معايا نقضى اليوم هناك وبالمرة نجبلك الجهاز,

بينى وبينكم فكرت فى الموضوع ولقيته ظريف ...., وقد كان انطلاقنا الى


عروس البحر (الاحمر) المتوسط على راى ام حميدة فى فيلم ابن حميدو ...هاهاهاهاها


http://i297.photobucket.com/albums/m...u/DSC04425.jpg



ووصلنا بسلامة الله وقضينا المأمورية بتاعة صاحبى وكله تمام .... بقوله فين


الوصفة اللى ادتهالك ..؟؟؟؟ !!!!! علشان فيها نمرة الشنورى نكلمه ونروح نعدى


ونسلم عليه.... قعدنا ندور على الورقة مافيش فايدة ...., ادور فى الديلد لست


بتاعت الموبيل ...برضه مافيش ..... شغلنا اللابتوب وحطينا الفودافون ستيك


حلف براس ابوه فودافون الكبير مايفتح المنتدى ولا عرفت اخش عليه علشان


أجيب نمرة الراجل (معلش ياشنورى ) مالناش نصيب نتقابل...



طولت عليكم طبعا بس مش مهم .... :shine[1]:



رحنا على ماتبقى من الوصفة فى الذاكرة ووصلنا لمحل سعيد نصار بعد


كثيرا من اللف (الغريب اعمى ولو كان بصير) واختلاف

المقاصد الاسكندرنية بيقولو على النفق كوبرى


وده خلانا نغلط كام مرة لحد ماوصلنا لسعيد باشا نصار


http://i297.photobucket.com/albums/m...u/DSC04479.jpg

(مش عارف الهدوم المنشورة دى تبع نصار ولا لاء .... شكلنا هننضرب )




المهم لاقينا الجهاز واسمه هناك "انذار غريب" بكام ياعم.... بـ 375 جندى ليه ... ومش ليه وفيه ناس جيباه من هنا بـ350 ...الخ ,مش ممكن ابدا أخره 370 علشان خطرك

سيبناه ولفينا كل المحلات المحيطة كلهم 380 ومحدش رضى ينزله شلن – رجعنا لسعيد نصار اشتريته بـ 370 جندى

واتكلنا على الله ... اتغدينا عند بلبع فى الدون تاون وده موضوع تانى شرحه يطووووول ...

وبعدين قعدنا فى دوار جحا وشربت احلى شيشة عنب فاخر ممكن تشوفها


حتى الان وكاس الفروت سلاد اللى مالوش حل ....


http://i297.photobucket.com/albums/m...u/DSC04513.jpg

http://i297.photobucket.com/albums/m...u/DSC04514.jpg

العنب الفاخر


http://i297.photobucket.com/albums/m...u/DSC04515.jpg

الفروت سلاد بالايس كريم ...تحفههههههه ...وطبعا المعلقة متر وعشرين سم


علشان تقد تتعامل مع طول الكاس ....!!!!

http://i297.photobucket.com/albums/m...u/DSC04523.jpg

طبعا شكل الكاس بعد الهجوم التتارى الساحق الماحق بقيادتى انا



المهم اليوم الجميل ده ختم بمكالمة زى الزفت بوظتلى اليوم الجميل ده على


مشكلة كبيرة اوى ولسه حتى الان انا فى هم كبير :T_thum1[1]:

(ادعولى ربنا يفرجه عنى – امين يارب)

تابع ......

المهم روحت البيت ودى تفاصيل الجهاز





http://i297.photobucket.com/albums/m...u/DSC04525.jpg



http://i297.photobucket.com/albums/m...u/DSC04526.jpg


http://i297.photobucket.com/albums/m...u/DSC04529.jpg


http://i297.photobucket.com/albums/m...u/DSC04530.jpg


http://i297.photobucket.com/albums/m...u/DSC04532.jpg


http://i297.photobucket.com/albums/m...u/DSC04547.jpg


http://i297.photobucket.com/albums/m...u/DSC04537.jpg


http://i297.photobucket.com/albums/m...u/DSC04541.jpg




http://i297.photobucket.com/albums/m...u/DSC04544.jpg

تابع....

http://i297.photobucket.com/albums/m...u/DSC04545.jpg




الجهاز صناعته نظيفة والكوليتى حلو الريموت نظيف ويعبيه انه واحد فقط والريموت التانى مالوش لازمة


حتى البرنتد سيركت بتاعة الوحدة الرئيسىة نظيفة جدا كجودة وتصنيع


http://i297.photobucket.com/albums/m...u/DSC04549.jpg

طبعا فتحتها علشان اتفرج عليها ...!!!!! اوع حد يستغرب

وعلبة الجهاز جميلة وجيدة الصنع ومزودة بمغمطيس :shine[1]: (ممغنطيس) علشان القفل والفتح.




قمت بتركيبه عند ادريان الهرم وكلفنى 70 جنيه


http://i297.photobucket.com/albums/m...u/DSC04552.jpg


http://i297.photobucket.com/albums/m...u/DSC04551.jpg



http://i297.photobucket.com/albums/m...u/DSC04553.jpg


http://i297.photobucket.com/albums/m...u/DSC04555.jpg


نفس الفنى اللى ركب الانذار فى عربية اخويا السيراتو ( الموضوع هنا ) شغله كويس وسريع

بس لازم تبقى واقف على دماغه والا......

http://i297.photobucket.com/albums/m...u/DSC04554.jpg


العربية كانت صعبانة عليا اوى - نصيحة لو مش محتاج جهاز الانذار ياريت ماتركبوش


الجهاز بعد التجربة حلو جدا مش بطال بس طبعا انه 5000 متر ده هجص كبير جدا


الجهاز جايب بالعافية حوالى 500 متر فى الاوبن الاريا وتقريبا 200 متر فى وجود حوائط



يعيبه برضه صوت السرينة تعبان زى اغلب اجهزة الانذار اليومن دول



لاى استفسار انا فى الخدمة ...... :36_3_10[1]:

الف مبروك يا باشا , ممكن توصف مميزات الجهاز و ما الفرق بينة وبين الأجهزة الأخرى المنتشرة فى السوق؟

why u didnt do it in the twkeel


and why this brand

wolf isnt good or foma or symphony

but any way mabrook

i need to know the usage of the gaz

how many liter per 100 km

استاذ احمد،انا اشتريت سيراتو Lx ‎2009 مانيوال الشكل القديم!! من اسبوعين(تقريبا آخر عربية في مصر) وعاوز اسأل حضرتك هوا تركيب الانذار بره التوكيل ممكن يخرج من الضمان لو تسبب في مشكلة?انا اتصلت بكيا ومهندسة الصيانة قالتلي الكلام ده ونصحتني اركبه في التوكيل ب 450 جنيه شاملة كل حاجة.ياتري ايه رأيك?ولا الشغل عند ادريان معتمد من التوكيل?
سؤال تاني معلش هاطول عليك, غطاء بطانة الكبوت مش عارف اركبها ولا لأ اصلها تقريبا ب 350 جنيه وانا مش عارف اهميتها ايه بالظبط وتستاهل الفلوس دي ولا كتير بس انا متغاظ عشان اخويا لسة شاري اوبترا وصاحبي شاري ماتركس والعربيتين فيهم

اقتباس:

---

المشاركة الأصلية كتبت بواسطة Ahmed82

استاذ احمد،انا اشتريت سيراتو Lx ‎2009 مانيوال الشكل القديم!! من اسبوعين(تقريبا آخر عربية في مصر) وعاوز اسأل حضرتك هوا تركيب الانذار بره التوكيل ممكن يخرج من الضمان لو تسبب في مشكلة?انا اتصلت بكيا ومهندسة الصيانة قالتلي الكلام ده ونصحتني اركبه في التوكيل ب 450 جنيه شاملة كل حاجة.ياتري ايه رأيك?ولا الشغل عند ادريان معتمد من التوكيل?
سؤال تاني معلش هاطول عليك, غطاء بطانة الكبوت مش عارف اركبها ولا لأ اصلها تقريبا ب 350 جنيه وانا مش عارف اهميتها ايه بالظبط وتستاهل الفلوس دي ولا كتير بس انا متغاظ عشان اخويا لسة شاري اوبترا وصاحبي شاري ماتركس والعربيتين فيهم

---

مفيش اى مشكلة من تركيب الأنذار خارج التوكيل , انا مركبة عند ادريان و كنت انهاردة عند التوكيل بعمل الصيانة و محصلش اى مشكلة نهائى , واصلا التوكيل بدا فى تركيب الأنذار من شهرين بس وقبل الشهرين دول كان التوكيل بيوصى بتركيبة خارج التوكيل عند ادريان او كلاريون.
بالنسبة للبطانة راى الشخصى ان ملهاش لازمة فى السيراتو لأن عزلها ممتاز بس بصراحة انا لم اركب سيراتو متركب فيها هذة البطانة حتى احكم على الفرق , وعلى فكرة النيو سيراتو متركب فيها البطانة دية وانا شوفتها النهاردة.

اقتباس:

---

المشاركة الأصلية كتبت بواسطة shady05

مفيش اى مشكلة من تركيب الأنذار خارج التوكيل , انا مركبة عند ادريان و كنت انهاردة عند التوكيل بعمل الصيانة و محصلش اى مشكلة نهائى , واصلا التوكيل بدا فى تركيب الأنذار من شهرين بس وقبل الشهرين دول كان التوكيل بيوصى بتركيبة خارج التوكيل عند ادريان او كلاريون.
بالنسبة للبطانة راى الشخصى ان ملهاش لازمة فى السيراتو لأن عزلها ممتاز بس بصراحة انا لم اركب سيراتو متركب فيها هذة البطانة حتى احكم على الفرق , وعلى فكرة النيو سيراتو متركب فيها البطانة دية وانا شوفتها النهاردة.

---

شكرا لمرورك يا استاذ شادي,ياريت تحكي عن الصيانة عملت ايه ودفعت كام وكانت صيانة كام وفين وموديل عربيتك
انا شكلي هركبه في التوكيل مع صيانة ال1000 خاصة انه تقريبا نفس سعر بره وأهو يبقي في وشوهم

اقتباس:

---

المشاركة الأصلية كتبت بواسطة Ahmed82

شكرا لمرورك يا استاذ شادي,ياريت تحكي عن الصيانة عملت ايه ودفعت كام وكانت صيانة كام وفين وموديل عربيتك
انا شكلي هركبه في التوكيل مع صيانة ال1000 خاصة انه تقريبا نفس سعر بره وأهو يبقي في وشوهم

---

ياباشا الف مليون مبروك العربية وربنا يباركلك فيها
وعلى فكرة مافيش صيانة 1000 اول صيانة هية 5000

المهم اليوم الجميل ده ختم بمكالمة زى الزفت بوظتلى اليوم الجميل ده على
[/B][/COLOR][/SIZE]

مشكلة كبيرة اوى ولسه حتى الان انا فى هم كبير :T_thum1[1]:

(ادعولى ربنا يفرجه عنى – امين يارب)



ربنا يطمنك ويفرج عنك همك وياريت تطمنا ان شاء الله
بس الموضوع اللى عاملة جامد جدا زى مانت معودنا دايما بالتميز وألف مبروك تركيب الانذار

اقتباس:

---

المشاركة الأصلية كتبت بواسطة Abohmaid

ياباشا الف مليون مبروك العربية وربنا يباركلك فيها
وعلى فكرة مافيش صيانة 1000 اول صيانة هية 5000

---

الله يبارك فيك ياأبوحميد بس علي فكرة في صيانة 1000 انا سألت التوكيل وقالوا فيها تغير زيت 10000 وفلتر ب270جنيه ومفيش مصنعية
وسألت علي الانذار نوعه كوبرا صيني ب 460 وده انذار وفتح شنطة بس.وقالوا لو ركبت انذار برة وعملك مشكلة في الكهربا هتطلع الكهربا من الضمان
ومينفعش اجيب انا الانذار وهما يركبوه

ألف مبروك على الإنذار ياباشا
وربنا يفرج همك ويبعد عنك الهم والكرب والحزن

ياريت يا باشا تقولنا على باقي مميزات الجهاز اللي انت جربتها مش اللي مكتوبه على الجهاز من تدوير العربيه والتنبيهات لسرقة العربيه وغيرها

الف مبروك ياباشا علي الجهاز
والوصف الجميل لكل حاجة
وعلي الصور كمان

المهم ياباشا الجهاز ده غالي علشان فيو امكانيه انه يدور العربية علشان يسخنهالك قبل ماتركبها
ياتري انت مستخدم الامكانية دية ولا لأ
لو اه ياريت تشرح
لو لأ اي جهاز انذار تاني ارخص منه النص كان هيوفي الغرض

والف مبرك عليك تاني يا باشا

الشاشة الخاصة بالريموت بتوضح اذا العربية اتخبطت عن طريق شاكوش

بيخبط على العربية الموجودة فى الشاشة + صفارة +فيبرشن +فلاشر + الاضأءة بتبقى خضراء

ولما الباب يتفتح يبان على الرسم وكذلك الشنطة + صفارة +فيبرشن + فلاشر + الاضأءة بتبقى صفراء

واذا العربية دارات بيبان على الرسم شكل عادم بيخرج من شكمان العربية المرسومة
على الشاشة+ صفارة +فيبرشن + فلاشر + الاضأءة بتبقى حمراء

دى الامكانيات الموجودة فيه فقط ...الباقى عبارة عن سنسورز بتقدر تضفها على الوحدة الرئيسية
ومكنها موجود بس طبعا مش جاية معاه وهى امكانية تشغيل العربية - تشغيل التكيف - معرفة قدرة البطارية - ودرجة الحرارة داخل السيارة - ميكرويف سنسور علشان لو فيه حد جنب السيارة اكتر من 30 ثانية ينطلق جهاز الانذار

ألف مبروك ياأحمد على الأنذار الجديد وربنا ييسرلك ومتحتجوش

وربنا يفرج همك.

توكيل غريب في التوفيقية تليفون 25755666

على فكرة عايز أقوللك على حاجة

الموضوع ده جامد جدا .... بغض النظر عن الإنذار ربنا يباركلك فيه

ههههههههه

واضح ان الكلام اللى مكتوب على العلبة غير المواصفات اللى الاخ احمد جربها العلبة مكتوب عليها ان ممكن بواسطة الجهاز دة انك تقيس درجة الحرارة و الفولت و تبدأ كمان تشغيل الموتور بالريموت ومش بس كدة دة ممكن تشغل العربية فى توقيت معين دة اللى قدرت افهمة من الكلام اللى مكتوب على العلبة المعروضة فى الصورة المرفوعة ولا اية ؟

[QUOTE=ahmed_su;784439]

الشاشة الخاصة بالريموت بتوضح اذا العربية اتخبطت عن طريق شاكوش

بيخبط على العربية الموجودة فى الشاشة + صفارة +فيبرشن +فلاشر + الاضأءة بتبقى خضراء

ولما الباب يتفتح يبان على الرسم وكذلك الشنطة + صفارة +فيبرشن + فلاشر + الاضأءة بتبقى صفراء

واذا العربية دارات بيبان على الرسم شكل عادم بيخرج من شكمان العربية المرسومة
على الشاشة+ صفارة +فيبرشن + فلاشر + الاضأءة بتبقى حمراء

دى الامكانيات الموجودة فيه فقط ...الباقى عبارة عن سنسورز بتقدر تضفها على الوحدة الرئيسية
ومكنها موجود بس طبعا مش جاية معاه وهى امكانية تشغيل العربية - تشغيل التكيف - معرفة قدرة البطارية - ودرجة الحرارة داخل السيارة - ميكرويف سنسور علشان لو فيه حد جنب السيارة اكتر من 30 ثانية ينطلق جهاز الانذار

[/Q

الف مبروك على الجهاز ويارب يباركلك فيه انا شارى نفس الجهاز من سبير كار ولركبته برضه فى نفس المكان على عربيتى السيراتو الخليجى .... لكن الغريب ان معظم امكانياته مش شغاله وعندى نور واحد بس اللى بينور هو الاخضر عند فتح الابواب او الخبط فلو ممكن تدلنى على الكهربائى بتاعك يمكن يقدر يشغلى باقى الخواص اكون شاكر لان الجهاز فيه امكانيات رائعه ولكن غير مستخدمه
وشكرا لك

الف مبروك على الانذار