اصل انا عربيتي موديل 95 وعمري مافكرت انظف الفلتر او اغيره بس التكييف زي الفل الحمد لله هل لو عملتله صيانه اداؤه يبقي احسن ولا دوره ايه الفلتر ده
وشكرا مقدما للردود
عرض للطباعة
اصل انا عربيتي موديل 95 وعمري مافكرت انظف الفلتر او اغيره بس التكييف زي الفل الحمد لله هل لو عملتله صيانه اداؤه يبقي احسن ولا دوره ايه الفلتر ده
وشكرا مقدما للردود
نصيحة عن تجربة لو شغال كويس بلاش تلعب فية
لو التكييف كويس بمعنى انى في يوم حر جداً الساعه اتنين الضهر بيديك هواء ساقع كويس كالعادة و أداؤة مش اقل كتير يبقى سيبة
لكن لو تبريدة بيقل قوي الضهر في الحر يبقى الاول شوف الفريون لو كان ناقص
هو مفروض يبقى 35 بار ممكن يبقى ناقص شوية لغاية 28 بار مثلا و محتاج يتزود
ولو عاوز تجددة أغسل دورة الفريون و غير الفلتر (الدراير) و الأكسبنشن و أشحن تاني أكيد حاتلاقي التكييف فاق قوي عن الأول الموضوع دة مش حايكلفك غير 200 جنية
و بعدها إتعود انك ماتسيبش تكييف العربية مفصول كتير حتى لو في عز الشتا شغلة و لو لمدة 5 دقايق كل عشر أيام او اسبوعين علشان تحافظ علية
لو سيبتة مركون شهور الشتا و جيت تشغلة أول الصيف حاتلاقية فاضي و محتاج يتشحن او يتزود عالأقل
تنظيف فلتر هواء البنزين شيء هام جدا ولا يصح تركه بدون تنظيف لفترات طويله
وموضوع تنظيف فلتر هواء التكييف مسألة بسيطه جدا من الممكن أن تقوم بنفسك بعملها ولا خوف أطلاقا من عملية التنظيف هذه فهي تجعل عملية مرور الهواء عمليه سهلة دون عوائق أو شوائب وكذلك تعمل على أعطاء رائحة جيده لصالون السياره
وكما قال صديقنا "أدهم" أنه يجب تشغيل التكييف ولو مرة كل شهر على الأقل للحفاظ عليه ولا يترك دون عمل لمدد طويله
انا كان عندى التكيف شغال كويس بس لما فكيت الفلتر و نضفته بالهواء حسيت ان التكيف بقى حاجة تانية خالص و الاداء بتاعه بقى احسن كتير
PAYOO & hic
اعتقد انكم تتكلمون عن تنظيف كويل التكييف و ليس فلتر (دراير) التكييف
فية فرق كبير بين الاتنين
فلتر (دراير) التكييف هو الكوز المعدني الذي ينقي الفريون و يجففه من الرطوبة و هو لا يمكن تنظيفة (في الاحوال العادية)
أما كويل التكييف فهو الثلاجة الداخلية بداخل الصالون و التي يمر عليها الهواء من مروحه التكييف و هذا ينصح بتنظيفة فقط عند صيانة التكييف لمنع الاتربة و الانسداد و تكثيف الثلج علية (ممكن غسيلة بالماء و الهواء خارج السيارة, مغع مراعان ان لو دخلة ماء سيسبب مشكلة كبيرة لذا يلزم تطبيطبة) ويمكن ايضا يعطيرة ببخة من اي عطر مما يجعل الهواء المنبعث من التكييف رائحتة حلوة لفترة
وكل ع8ام و انتم بخير
شكرا جزيلا لردود جميع الاعضاء بس أحب أسأل بايوهو زي ما قالياريت لو تدلني الفلتر ده موجود فين أصلا وهل فكه صعب ولا سهل وأنظفه أزاي ومعلش لو باتقل عليك يا باشااقتباس:
وموضوع تنظيف فلتر هواء التكييف مسألة بسيطه جدا من الممكن أن تقوم بنفسك بعملها ولا خوف أطلاقا من عملية التنظيف هذه فهي تجعل عملية مرور الهواء عمليه سهلة دون عوائق أو شوائب وكذلك تعمل على أعطاء رائحة جيده لصالون السياره
غالبا بيكون بعد الدرج اللي قدام جنب السواق :mrgreen: :mrgreen:
بيفكوا الدرج دا و يطلع الفلتر عادي و ينضفوا بهوا و يدخلوا تاني