الحمد الله لاقيت ياجماعة الزجاج الخلفى بتاع السيريون يعنى اللى فى الشنطة
بس لسة الراجل مقليش بكام بس بحاول انة يكون رخيص انشاء الله
ادعولى بس:ask:
عرض للطباعة
الحمد الله لاقيت ياجماعة الزجاج الخلفى بتاع السيريون يعنى اللى فى الشنطة
بس لسة الراجل مقليش بكام بس بحاول انة يكون رخيص انشاء الله
ادعولى بس:ask:
أبشر يا دكتور .. خير إن شاء الله
هوة الراجل قالى هيجى يوم الاربعاء ومكانة فى الاسماعيلية
بس لو حضرتك تب نيجبهولك فى القاهرة تحت امرك ههههههه
لالالالالالالالالالالالال الالالالالالالا
كنت بهزر هههههههههههههههههههه:victory:
سالت شركة ازاز فى اكتوبر ولقيت عنده الاسعار الاتية للسيريون عايز اخد رايكم فيها :
زجاج خلفى يابانى 950
زجاج خلفى فنلندى 550
زجاج امامى يابانى 1200
زجاج امامى فنلندى 700
وحد عنده فكرة عن الفنلندى ده وهل بنفس جودة اليابانى ؟
i dont now
بس ملمرة اسال بتاع الزجاج دة نوعة اية
أعتقد الأسعار دي غالية يا دكتور و مقاربة لسعر التوكيل .. انا رأيي تشوف دكتور جريش المصنع اللي في العاشر من رمضان و ده بتبقي أسعاره حلوة و أقل لو هتجيب من المصنع بناء علي تجربة معاذ مع البولو .
على فكرة يا جماعة انا رجعت لبتاع الازاز النهاردة اتأكد منه عن الازاز اليابانى اللى ب 950 للخلفى وسالته اذا كان حيجيب نفس النوع اللى راكب فى السيريون وعليه نفس اللوجو بتاع الشركة فقالى لأ مش حيكون عليه نفس البادج او اللوجو ده
المهم لما زنقته وضيقت الخناق عليه قلتله من الاخر يعنى هو مش يابانى بالظبط لكن فى نفس الجودة ؟...فقالى ايوه !
وده معناه انه حيبقى مختلف عن اللى فى التوكيل
وكده فاضل اننا نسأل عند الموزعين المعتمدين ونشوف الدنيا عندهم ايه
وفقك الله
ده حضرتك الزجاج التقليد....و بيتعمل في مصانع إستثمارية في مصر....و بيخلوه شبه بتاع بره بالظبط مع إختلاف الخامات طبعاً....
انا مركبه عندي قدام...هو كويس و و تريبلكس و مافهوش أي مشاكل....بس كان ب 270 جنيه :8954[1]:
يبقي السعر اللي بيقوللك عليه ده نصب علني...
طيب يا نادر باشا ماتقولنا المكان الي إنت شاري منه وممكن نسأله على الزجاج الخلفي للسيريون
بص هو كانوا تبع التأمين....الجريش كان ب 300 و الإستثماري ده كان ب 270
اللي انا فاكره انك تخش يمين من عند مجلس الشورى....لكن بعد كده مش فاكر أي حاجة لأنه من شهر 6 اللي فات
الأفضل هو السؤال عند كذا واحد بتاع زجاج...و التأكيد علي موضوع وجود الإستثماري من عدمه للسيريون الخلفي...لأن ممكن الزجاج اللي بتتكلموا عليه يطلع مستورد فعلاً
دي الأسعار من عندنا في المنصورة
زجاج تريبلكس
زجاج أمامي تيريوس تصنيع مصري جريش بــــ 420 جنيه
زجاج أمامي تيريوس تصنيع إستثماري بــــ 520جنيه
زجاج أمامي تيريوس باللوجو الأصلي بتاعها بــــ 620جنيه
زجاج خلفي تيريوس اخضر بالسخان بفتحة المساحة 360 جنيه
زجاج خلفي تيريوس اخضر بالسخان بدون بفتحة المساحة 340جنيه
زجاج خلفي تيريوس أسود بالسخان بفتحة المساحة 450 جنيه
زجاج خلفي تيريوس أسودبالسخان بدون بفتحة المساحة 430 جنيه
زجاج سيريون أمامي 550 جنيه
زجاج خلفي سيريون 450 جنيه
زجاج ماتيريا أمامي 660 جنيه
زجاج ماتيريا خلفي 600 جنيه
المحل اسمه زجاج سيارات الزاوي
موبايل محمد الزاوي 0108170131 --- 0100750045
مكانه خلف منصور شيفروليه ش عبدالسلام عارف
كدة الامور بدأت توضح يا دكتور
يبقى الزجاج موجود منه مصري ومستورد .....لكن مش عند كل الناس ..... وزي ما قلتلك ده زجاج خلفي .... يعني لو مش اصلي مش ح تفرق ....
الموضوع فقط محتاج شوية صبر و بحث لكن واضح انه ح يكون ارخص من التوكيل مش اقل من 1000 جنيه فرق ....وانت اولى بيهم طبعا
ربنا يوفقك
لقيت محل فى المهندسين اسمه
زجاج سيارات إبراهيم صادق عرابى
عنده الزجاج الخلفى للسيريون ب 350 ج مستورد بتاع شركة XYG
واكدولى انه نفس الكواليتى بالسخان والفيش بتاعته ونفس اللون طبعا الفيميه الاخضر.
انا بفكر جديا اجيب النوع ده
ايه رايكم يا جماعة الخير ؟
والله المصري كويس .... وممكن يكون افضل من المستورد لو المستورد مش من شركة مضمونة
وزي ما قتلك .... الزجاج الخلفي مش عرضة للضغط والرياح والزلط وتشويش الرؤيا مثل الامامي .... انا رأيي شوف الارخص فيهم ... بس يكون بنفس المواصفات .... والأهم هو نظافة التركيب ... هي مربط الفرس
أنا نسيت أقولك حاجة يا د.محمد
بص على لوح الإزاز من بعيد ( كأنه وراك في العربية ) وشوف جودة الرؤية بين خطوط السخان.....لو لقيت تعريج في وضوح الصورة يبقى الإزاز ده نوعه مش كويس
بعد البحث...
XYG هي أكبر مُصنع لزجاج السيارات في الصين...و منتجاتها موجودة في أكبر الدول زي أمريكا و أوروبا...و المفروض ان جودتها محترمة لأنه قدرت تخش الأسواق دي...و تعدي إختبارات الكواليتي هناك
بالسعر ده و و خصوصاً انه زجاج خلفي يعني.....ركبه و إن شاء الله يطلع كويس
طب يا دكتور لو لقيت عنده الأمامي يا ريت تقولي سعره .
و ممكن يا دكتور نمرة د.جريش عشان أعرف منهم سعر الأمامي
دى ارقام د.جريش :
Sales Department
10th of Ramadan City - 3rd Industrial Zone A1
Tel:015 410003-4-5
Fax:015 410001 or 2
تسلم إيدك يا دكتور
الله يخليك
بس انا قريت وبحثت عن اراء ناس فى امريكا واوروبا جربوا الازاز الصينى ماركة XYG والحقيقة اراءهم قلقتنى مع ملاحظة ان الفرز اللى بيروح امريكا احسن مائة مرة من اللى بيروح الشرق الاوسط خاصة مصر .
وبصراحة بعد تفكير انا قررت اركب الاصلى بتاع التوكيل واريح دماغى
لانى بصراحة زهقت من تباين الاسعار الرهيب ده كمان لعب وغش التجار فظيع لا تتخيلوه وفى الاخر واخد حاجة مش متاكد من مدى مطابقتها للمواصفات ومعايير الامان .
وانا الحقيقة متعود طول عمرى استعمل قطع غيار اصلية والحقيقة حاولت الاقى الاصلى بره التوكيل ملقتش ولقيت نفسى حدخل فى دوامة غش التجار وكدبهم
فقررت اخد الاصلى من التوكيل
عموما نقاشنا ده اكيد حيستفيد بيه ناس كتير كانت عايزة تعرف انواع او اسعار وفى النهاية كل واحد له قناعته الخاصة بيه .
تقبلوا تحياتى
قبل ما تجيب الأصلي تعال نفكر في كلامك شوية
انت خايف من معايير الأمان ليه؟
الزجاج الخلفي أصلاً مش تريبلكس...هي طبقة واحدة سيكيوريت بتفتت في حالة انه اتكسر...و بعيد عن تعرضه للأخطار أساساً...يعني زي ما أخونا أحمد قال...لا ضغط ولا رياح ولا زلط و رمل ولا أي حاجة هاتخبط فيه....عكس الأمامي اللي مكون من 3 طبقات و لازم يكون بالقوة الكافية انه يفضل متماسك و ماينطرش الزجاج عليك في حالة بعد الشر حادث أو زلطة أو أي حاجة
انا رأيي روح اتفرج عليه و شوف نظافة تقفيله و خامته....و بعدين أحكم عليه....لكن ماتخدش قرار تركيب في التوكيل و بالسعر الهلامي ده و علي مكَون مش بذات الأهمية في رأيي الشخصي
أنا أيضاً مؤيد رأي نادر بشدة.....والله الموضوع مش مستاهل كل القلق ده يا د.محمد
اشكركم جميعا اخوانى الاعزاء شكرا جزيلا والحقيقة كل واحد فيكم كان بينصحنى من قلبه ولقيت فيكم نعم الاخوة والصداقة وربنا يديم المعروف بيننا وربنا يحفظكم جميعا من اى مكروه .
اليكم اخر التطورات :
كنت قد قررت تغيير الزجاج الخلفى فى التوكيل والزجاج جر معاه الشنطة كلها وقلت خلينى اغيرها كلها بواحدة جديدة بالازاز واخلص واريح دماغى رغم تكلفتها العالية .
وكنت انوى الاستفادة بالشنطة القديمة وكنت انوى تصليحها عند سمكرى بره واجيبلها برده الازاز المستورد بعيد عن التوكيل واركبه واما احتفظ بيها للطوارىء او اعرضها للبيع وطبعا كانت حتتباع بسهولة .
بعدين فكرت وقلت طيب ليه اضيع على نفسى فرصة الاستفادة بالشنطة دى بما انى كده كده حصرف عليها واجيبلها ازاز فقررت اخيرا اشوف شكلها النهائى على العربية بعد تصليحها وتركيب الازاز ...والله عجبتنى يبقى خير وبركة حسيت انى مش مرتاح من النتيجة يبقى حفك القديمة واركب واحدة جديدة .
على هذا الاساس انا اشتريت بالفعل الازاز الخلفى ( بيسموه النظارة) من المهندسين بمبلغ 350 ج .
وباذن الله حمشى فى سكة تظبيط الشنطة وعلاجها بره التوكيل وسوف اخبركم بالنتيجة باذن الله .
على هامش الموضوع :
-وانا بشترى الازاز اخدت بنصيحة اخويا عمرو عمارة وبصيت على الازاز من بعيد وكانت الرؤية من خلاله ومن خلال خطوط الحرارى ممتازة جدا ولم اجد اى عيوب.
-لما سألت على سعر الازاز اول ما وصلت المحل قالولى ب 450 ج ولما قلتلهم انى اتصلت والاخ قالى ب 350 ج فكلمته على التليفون فقالى حضرتك مقلتش الشكل القديم ولا الجديد قلتله انت سالتنى على موديل السنة وقلتلك 2009 المهم قالى مفيش مشاكل نحسبه ب 400 بالتركيب قلتله انا لسة عندى شغل سمكرة المهم اخدته ب 350 ج حسب الاتفاق.
-الاخ ابوعبدالله الله يكرمه كان منزل اسعار محل بالمنصورة وكان كاتب ان السعر للازاز للخلفى 450ج ولما اتصلت بالرقم المكتوب قالى ب 420 ج .
-وانا كنت سالت فى محل فى اكتوبر وقالى فيلم هندى كده وفنلندى ب 600 ومش عارف ايه.
-وكنت كلمت محل بالهرم قالى مفيش اسعار على التليفون قلتله واجيلك على اى اساس ؟...قالى شرفنى واللى انت عايزه ! قلتله لا طبعا مش حشرفك والمحلات كتير.
الخلاصة ان ابو 600 هو ابو 450 هو ابو 420 هو ابو 350 والمحلات بتبيع بمزاجها وحسب شكل الزبون وده معناه انك لازم تسال فى اكتر من مكان.
تقبلوا تحياتى وشكرا لكم مرة اخرى على روحكم الطيبة ربنا يجازيكم كل خير
التفكير ده عين العقل يا د.محمد
كان الله في عونك
وفقك الله
مبارك عليك ان شاء الله
وفعلا هما واضح ان كل واحد بيسعر بمزاجه وحسب شكل الزبون
على فكره انا بحس ان اسعار الزجاج لكل الأنواع ولكل الموديلات واحد
ولكن هما اللي بيسعروا بمزاجهم
انا حاسس كده فعلاً يا أبو عبد الله...
و أكيد بيحطوا في إعتبارهم انها عربية ياباني...فا أكيد قطع غيارها مرتفعة نسبيا...يقولوا إشمعنا إحنا؟! نزود السعر عليهم...
و لو فكرت فيها...هتلاقي ان الفرق بين الأنواع هو مساحة الزجاج...و ملهاش أي علاقة بالنوع...يعني مثلاً بتاع الدايو لانوس هتلاقيه أكبر من بتاع السيريون و رغم كده هتلاقي فرق شاسع في الفلوس....ليه ماتفهمش!!!!