http://www.nilemotors.net/Nile/showthread.php?t=69860
هوس المقارنه
عربيتى ولا عربيتك
ماتورى ولا ماتورك
الفل احلى ولا الياسمين
مفيش يا جماعة حاجة أسمها شد عاقل و شد مش عاقل
الطريق ملكية عامة للجميع وو الطريق للإستخدام العادي فقط و ليس للشد و السباقات و اظهار قدرات السيارات .
و بعدين أحنا كلنا راكبين عربيات عادية ............ عربيات صالون للإستخدام العادي
مش راكبين فيراري و لوتس و لمبورجيني
و مش بنسوق على حلبات سباق ............... لله ............ لله ............. لله يا جماعة أتقوا الله فينا و في مستخدمي الطريق
اللي عايز يشد ........... و يظهر أمكانيات عربيته ( اللي أحنا أخرنا كلنا و أغلبنا راكب من 1000 إلى 1600 سي سي ) و القليل 2000 سي سي
يروح يشوف طريق فاضي ........... و معليهوش بني آدمين ................ و يروح يشد و يسابق زي ما هو عايز .
إنما طول ما أحنا ماشيين على طرق عامة .............بلاش الشد و الجري و السباقات يا أخوانا . حفاظا على أرواحكم و أرواحنا و ممتلكاتكم و ممتلكاتنا .................
مرة تانية ............. لازم تتعظوا من الحوادث اللي بنشوفها كل يوم و بنشوف فيها أموات و عربيات معجونة ............ و محدش بجد يرد و يوقلي أنا عارف أمكانياتي و أمكانيات عربيتي ........
لأنه أي خرم في الكاوتش أو شوية زيت على الأرض ...... أو ميكروبا ظ يكسر عليك ......... أو تاكسي يكسر عليك ......... أو نقل يكسر عليك
هاتبقى في شربة مية ........... و في خبر كان .
لذلك .......................... أتقوا الله فينا و في أنفسكم و في أهلكم و زوجاتكم أو أمهاتكم و أبائكم الذين ينترونا و ينترونكم للوصول آمنيين سالمين إلى بيوتكم و بيوتنا .
يجب أن نتعلم مما يحدث لغيرنا بسبب الشد و الجري و الغرز .
و لا أملك إلا أن أدعي لكم و لي بالهداية .......... و أقول حسبي الله و نعم الوكيل
نصيحة يا جماعة لوجة الله بلاش موضوع الشد دة عشان مخاطرة كبيرة اوى اوى لانى فيوم من الايام كنت ماشى فالطريق الدائرى واتنين بيشدو مع بعض طبعا بالنسبالهم هى دى الروشنة وفرد العضلات وكل واحد فيهم عاملى فيها فان دام وكانت النتيجة ان عربية منهم لطشت فالتانية واتقلبت على الطريق على عمود كهربا ادعو للى كان فيها بالرحمة ..ربنا يستر طريقنا ويكفينا شر البلاوى ..بلاش يا جماعة الشد دة عشان مش دى الروشنة ومتخليش حد يستفذك وخصوصا وانت سايق
انا بصراحه بسخن جدا لما بشوف عربيه تجري وبتغرس .. انا قبل البونتو كان معايا أكسنت والله العظيم كان عليها موتور لا يوصف والله العظيم كنت بسبق اي حد معايا علي الطريق وكانت ثابته جدا لانها كانت متسقطه مع العلم ان موتورها كان 1300cc ..... وأجمل حاجه بقي بحب أعملها وتخليني أفطس علي روحي من الضحك ... لما بكون ماشي ومستعجل وبعدين أجي ورا عربيه شديده زي البي أم وغيره وهو ماشي براحته علي الأخر (طبعا مفيش اي وجه مقارنه) وأأقوم مديله رعاش علي أساس انه يعديني او يسرع شويه .....في لحظه اللي قدامي ده ألاقيه داس دوسه جامده وصوت الموتور علي وفي لحظه الاقيه هنااااااااااااااااك ....ههههههههههههههههههههههه ههههههههه
بحب اوي أعمل كده ... أجنن الناس الجامده واللي شايفه نفسها
انا شخصيا مش بتاع شد مع حد لكن احيانا بجيب سرعات عاليه واسلوب سواقتي سريع شويه لكن مش متهور ....داخل البلد والحمد لله بسوق بعقل ورزانه واحد عنده 50 سنه بشهاده كل الي يركب معايا والحمد والشكر لله غيرت 7 عربيات ماخدشتش واحده فيهم لاني سواق بمعنى الكلمه الاصلي اللي الناس نسيته واتغير دلوقت وبقى (معناه الشد والغرز ) ...لاني براعي ربنا في مالي وحياتي وحياة الاخرين ...اما على الطرق السريعه (ماعدا الدائري )لما الطرق بتبقى فاضيه بجيب سرعات عاليه ...يعني يوم الخميس اللي فات كنت على الطريق الصحراوي وكنت ماشي على 160 وعديت من جنب عربيه بوينتر متفيمه ومتجنطه وفيرنا كانوا بيشدوا مع بعض ...اول ماعديت من جنبهم اتجننوا وعدوني وقعدو يعملو غرز ...قمت شديت انا لحد 195 (اول مره في حياتي ) وعديت من جنبهم وبعد كده سبتهم وهديت ومارضيتش اكمل معاهم لاني حسيت ان اخرتها هتبقى وحشه وركنت 10 دقايق وبعد لما كملت لقيتهم مقفوشين رادار عند الكارته ( الساعه كانت حوالي 8 بالليل )
أنا في الغالب بمشي عادي لكن لما لاقي حد شايف نفسة بشد معاه وفي الغالب بيجيبني لأن أنا معايا الوحش الكاسر ميني زوبة (( بيتل )) لكن أحيان تانية بتطلع أصيلة و أدام عربيات جامدة بس طبعا الطريق بيساعد
الناس دى مش بعمل لهم اى اعتبار وبسيبهم يمشو بعيد عنى وبتجنبهم
دول من الاخر بيسوقو غلط فى غلط يبقى انا اجاريهم فى الغلط ليه
وايه اللى هيعود عليا من كده غير انى ممكن اكون خسران
ولو عديته هكسب ايه ربنا يهديهم
انا علي حسب بس مش بشد غير لما واحد يستفزني ويعمل فيها ناصح شويتين
طيب انا لسه امبارح شادد مع نيو النترا في صلاح سالم والحمد لله علمته الأدب هو طبعا كان بيطلع مني بسبب قوه موتوره
بس في الغرز والتفكير والتسقيط كنت بخليه يتجنن
لأن هو كان بيجري بس غشيم يعني ممكن يجري ويزنق علي حد او يزنق نفسه
وانا بقي كنت عامله زي الدوده
وفي الاخر طلع مني في اخر صلاح سالم عند كوبري اكتوبر بس هو كمل وانا طلعت الكوبري
بمناسبة الشد حصلي شئ ظريف جداً ، انا وصديقي كنا نازلين من الكويت بعربيتي وكان
ساعتها معايا مرسيدس E220 Amg وبعدين انتو عارفين نوبيع والجمرك والزهق الي يخلي الواحد يكره نفسه المهم خلصت وخت النمر بتاعت الجمرك ورمتهم في العربيه
عاوز اشوف اولادي وانا في الطريق تقريبا طريق السويس واذا بسياره هيونداي اكسنت والله لسه فاكر لونها سماوي، انا معايا شنط والسيارة محمله بس من الداخل مفيش شبك حتي الكرسي الخلفي مليان وبتاع الهيونداي عمال يجي قدامي واسيبه ويغرز واسيبه وبعدين خت الشمال لقيته جه امامي وهدي السرعه لحد متخنقت وقلبت نور وبدات الشد وساعتها حلفت لصاحبي انه مش هيشوف حتي شنطة العربية وفعلا بدات اوفر دريف والسياره رجت غيار وهاتك يا سرعه ببص لقيت عربيته بتترعش علي الارض ، ومن ساعتها مشدتش مع حد .
:d دع الخلق للخالق:k45:
ربنا يستر طريقنا وطريقكم ياشباب
أولآ عمليها لشد دي بتبقي ستر من ربنا بمعني ان ربنا بيسترها والغرز فيها حبت حظ وده كلام عن خبره
ثانيا لو حد عايز يشد معايا هعمل ايه ؟ لو غورز هيتفرم:beatdeadhorse5: هيتفرم بأذن الله لأني ليه قصة من زمان مع الغورز لو موتير بيبقي علي حسب الموتور القدامي علشان محرجش نفسي :shyy:
في ساعات ببقي ماشي عادي وفجأه الاقي حد شايف نفسو عدا من جنبي وحسيت انو ناوي يلعب:3mla: في لحظه بكون مسقت غيار وحرق عليه فيفاجأ الشاب التوتو الشايف نفسه اني أنقديت عليه وبقلب نور حتي يعلم انو في وحوش مستنيه فريسه وبعمل الفيه الآسمه والنصيب وساعات صودفه ببوص في المرايا فأجد حد بيلعب بلقي نففسى اوتوماتيكي فاتح الآنتظار وباكل غورز قاتله علشان اعقدو بس في الآول وأللآخر حرصي علي المشاه واني اعدي من العربيات من غير مارمي علي حد او افذعو لآني بالذق في الآقدمي حتي تفتح الغورزة وأكلها وطبعآ اكل الغورزه بيبقي خبره بمعني اني باكل الغرزه بحيثو محديش يكولها بعدي وده انا بعتبرو فن ويشهد علي كلامي شارع الهرم الأني ساكن في اخرو وكونت زمان انا وصحابي بنطلع علي شارع الهرم بليل وبصراحه مشوفتش حد عمل الجنان العملنا وخلاص ادمنت الموضوع والله يرحم ايام شارع جامعة الدول بأمانه شوفت فيه محترفين
بس صدقوني ان التسقيت والحرق المفاجأده بيفروم الموتور وأسطونه الدبرياش وانا عن نفسي مبلعبش الآ لما تكون العربيه علي الشعره علشان العمر مش بعزقه :funny34d:
el shad dah 3o2ad n2ss nas
انا ساعات مثلآ اكون ماشى على المحور على 90 و الآقى واحد بيرعش نور علشان اعديه اقوم انا بمنتهى البساطة مهدى السرعة على 60 و اطنشوا خالص و احرق دمه و كمان لو سايب جزء من الشمال مفتوح بقفله عليه
أنا بصراحة مش بقدر أمسك نفسي خالص خصوصا إني بمشي على المحور يوميا وإنتوا عارفين طريق مغري للشد والواحد بيقى سخن خلقه فما بالك أما تشوف حد بيجري قدامك
بس إلى الآن محدش علم عليا وعلى طول بحط أي حد في الشكمان مهما كان نوع عربيته لإني للأسف الشديد أما بسخن باديها غرز إنتحارية طول الطريق
بيحصل معايا الموقف ده أكون ماشي على الشمال وأرعش للي قدامي ميرضاش يعديني ساعتها بكون ماشي على 150 ومبهديش خالص لحد أما آجي بسرعتي وراه ويبصلي في المراية ويتخض وساعتها بيوسعلي على طوولاقتباس:
انا ساعات مثلآ اكون ماشى على المحور على 90 و الآقى واحد بيرعش نور علشان اعديه اقوم انا بمنتهى البساطة مهدى السرعة على 60 و اطنشوا خالص و احرق دمه و كمان لو سايب جزء من الشمال مفتوح بقفله عليه
بس نصيحتي ياجماعة إياكو والشد في الطرق إللي فيها ناس بتعدي الشارع لإن دول لايمكن أبدا تنبؤهم مهما كانت مهارتك في القيادة وربنا يسلم طريقنا
انا بتحط فى مواقف بتنرفز جدا يعنى مثلا بيبقى فى عربيه ماشيه بطى قدامى (بطئ بمعنى بطئ مش عشان انا بجرى بسرعه مثلا ومعتبرها بطئ) ولما اجى ادى اشاره عشان اعديه
وأنا فى مرحله التخطى فبزود فى السرعه فبلاقى نفسى بزود عشان اعرف اعديه وبنفضل ماشيين كده على الحال دا لغايه معديه
طب طالما انت ماشى بطئ مفقتش ليه الا لما اجى اعديك
وياريت كده وتلاقيه بيشد معال وكانك لو عديته مش حيبقى راجل
مش عارف ايه ثقافه النوع دا من البشر
المهم من ساعتها اللى بلاقيه بيعمل كدا وحيبتدى يشد بسيبه خالص طالما هو عمل اللى انا عاوزه وزود من سرعته
أنا أبويا قالهالى حكمه
قالى يابنى متجيبش لنفسك القرف والعصبى لان الطريق فيه اللى مكفيه
ولاهي أنا مش عارف أسمي دي قلة ذوق ولا تناحة ولا إيه:I_angr1[1]:
أنا مرة عمي كلمني بيقولي ألحق إبن عمك عمل حادثة جامدة أوي في شارع الهرم وأنا كنت في أكتوبر وأنا راجع كنت بجري في طريق مصر اسكندرية في أخره كدا قبل مطلع في الهرم وأنا ماشي بسرعة وادمي واحد ماشي على ٦٠-٧٠ بالكتير وماشي في نص الحارتين أرعشلو نور مفيش فايدة والاسخف أن أول ماعرف أني عايز أعدي منو بقى يطوح في الحارتين عشان معديش منو خالص اعدنا على كدا ٥ دقائق المهم بعد مااخيراً عديت منه السخيف دة قلت أنا مش حسبيبه ولبسته في عربية ربع نقل وبعد كدا وقفت بالعربية ورحت ضربته الصراحة بعد كدا ضميري انبني أوي أني عملت كدا بلات لم رحت ضربت وهو معرفش ليه حتى محولش يدافع عن نفسه كنت أنا وسواق الربع نقل عليه بس معرفتش أمسك نفسي سعتها وحموت وأعرف هو ليه كان بيرخم عليا كدا
شكرآ على ذوقك ثانيآ لما المحور لما تكون السرعة القصوى بتاعته 90 و هو عايزنى اكسر السرعة القصوى يبقى ياخد على دماغة و يسكت و لما يبقى الطريق كله فاضى و عايز يعدى من حارتى ديه متبقاش تناحة ثانيآ مش شطارة ان واحد يجرى مجرد نا سمع ان قريبة او والده عمل حادثة ممكن انتا كمان بجريك تحصلهم ثانيآ الموقف اللى انتا حكيت عليه دل ميدلش على شهامة او شطارة انك تدخل واحد فى عربية نقل و بعد كده تضربه انا لو مكان الراجل والله لكنت بالشيروكى اكلتلك نص القايم او نزلت بالكوريك و اختلك الأزاز كله و مكنش هيفرق معايا ان كنت راكب جاجوار او حتى اس500
ولاهي أنا مكنش قصدي أني أبقى قليل الذوق وبعتذر لكن أنا أول ما قريت الكلام دة افتكرت الموقف اللي حصلي يعني لو حضرتك مش عايز تعديه حقك طبعاً بس ليه تاخد الحارتين عشان متعدهوش خلي بال حضرتك من حاجة كمان أن ممكن يكون البيجري دة مش قصده أن يجري بسرعة و خلاص ممكن يكون متوتر سمع خبر وحش مش لازم يكون أي شاب متهور يعني وفي الحالة دي أنت هتعرض نفسك معاه للخطر سيبه يعدي وريح دماغك
و بعتذر تاني على أسلوبي السخيف
و على فكرة أنا مكنتش قصدي في الاول أني ألبسه أنا جيت جمبو في الاخر وكنا بنتخانق وفهو كان باصصلي ولبس في اللي أدامه
ولا الهوا انا بشد مع نفسي انا واثق في عربيتي
ولما هشد يبقا لازم اكسب
ود ا الي بيحصل دايما
بس قليل
وفي التاني السلامة
سلام
انا بردو بعتذر لو تعصبت على حضرتك معلش اصل الواحد بيتغاظ لما يشوف واحد معاه فيرنا و فاكر نفسه فى حلبة سباق و بيشد و بياخد غرس و فى الآخر العربية تعوم منه و تخبط واحد ملوش ذنب مش معنى كده انى انا بردو ملاك مكنتش بجرى انا بردو كنت بمشى 170 و 190 و مع ذلك العربية ثابتة بس بعد ما شوفت الحوادث اللى فى المنتدى بقيت آخرى 100 او 120 و فى المدينة 50 و اكرر اسفى الشديد
احب اشكور العضو ahmed82 علي التعليق النبيه :Lighten:و في نفس الوقت احب اوضح شي في كلامي بالنسبه للشد لايمنع اطلاقآ اني أقول وأنا بشد مع حد ببقي في نفس الوقت حريصآ علي الناس لآن مش ضروري ان كل البيشدو يكونو مستهترين بالأخرين:dontudear: وبانسبه لللأخطاء الحضرتك بتتكلم عنها ومع أحترمي لجميع الأعضاء لوحضرتك متابع هتلقي ان معظم الكلام والعبارات وصيغ وتعبيرات فيها أخطأ و إملائيه غير صحيحه إطلاقآ ولو كلامي غلط قولي:g:اقتباس:
كلامك ياابني كله متناقض
بس فيه تعجوب بسيط حضرتك سايب المنتدي كله وجيلي انا مخصوص
وبالنسبه لستخدامك لفظ يا ابني شكرآ على ذوقك حضرتك
أستاذي الفاضل mando_07 متزعلش أنك عملت كده لأن الناس دي مينفعش معاها غير كده
الناس دي بتتسم بالامبالاه ... في ناس كتير لما بتبقي بترعش ومستعجله كده بيبقي فعلا وراه حاجه وعايز يلحقها ...مش جدعنه ان أأقفل عل حد او معديهوش محدش يعرف ظروف اللي بيجري ده إيه وبعدين مثل السواقه بيقول ياتهدي ... ياتعدي
ولا تعبره اصلا
امشى على مهلك وربنا يسترها معانا
ولا تعبرة ووطنش تماااما ..
وربنااا يستر.
وجهة نظر صحيحه 100%اقتباس:
ماهوا ده اللي أنا كنت أقصده أن ممكن يكون السايق ده مستعجل أو في أي حاجة مخلياه يجري فانا مش شايف أن في سبب يخلي أي حد يقفل على أي حد بيجري
وربنا يسترلنا شر الطريق جميعاً وشكراً لمشاركتك
انا حاسس ان حضرتك مبتعرفش تكتب عربى خالص ممكن حضرتك تستعين بصديقاقتباس:
احب اشكور العضو ahmed82 علي التعليق النبيه :Lighten:و في نفس الوقت احب اوضح شي في كلامي بالنسبه للشد لايمنع اطلاقآ اني أقول وأنا بشد مع حد ببقي في نفس الوقت حريصآ علي الناس لآن مش ضروري ان كل البيشدو يكونو مستهترين بالأخرين:dontudear: وبانسبه لللأخطاء الحضرتك بتتكلم عنها ومع أحترمي لجميع الأعضاء لوحضرتك متابع هتلقي ان معظم الكلام والعبارات وصيغ وتعبيرات فيها أخطأ و إملائيه غير صحيحه إطلاقآ ولو كلامي غلط قولي:g:
بس فيه تعجوب بسيط حضرتك سايب المنتدي كله وجيلي انا مخصوص
وبالنسبه لستخدامك لفظ يا ابني شكرآ على ذوقك حضرتك
__________________
:I_angr1[1]:
ههههههههههههههههههههههههه ههههههههههههههههههههههههه هههه
مش ظريف
هو انا شارى العربية عشان اشد بيها ولا عشان اقضى بيها مشاويرى انا وعيلتى
طبعا ولا حعبره انا المهم عندى اوصل بالسلامة وبعدين افرض انى سبقته حاخد نيشان يعنى
متشكرين يا باشااقتباس:
ههههههههههههههههههههههههه ههههههههههههههههههههههههه هههه
مش ظريف
برضه يا جماعة لسة الناس مش فاهمة يعني أيه طريق عام .
و مفيش حاجة أسمها أنا عارف أمكانيات عربيتي و أمكانياتي كسواق
يا جدعام لو شوية زيت على الأرض ........... و على سرعة 100
شوماخر هايتساوى مع واحد لسة متعلم جديد
كاوتش يترخم و يفرقع فجأة
على سرعة 80 غير سرعة 100 غير سرعة 150
و محدش يا جدعان يقول أن هاعرف أتعامل
شركة صناعة سيارات ألمانية الشهر الماضي
فقدت واحد من أهم السائقين لتجربة السيارات على الطرق الألمانية
الراجل فقد السيطرة على العربية و مات في الحال
و ده سائق متمرس ........ بيسوق عربيات سباقات و مرتفعة الأداء لمدة تزيد عن 30 سنة و فقد السيطرة على العربية و مات .
فبالله عليكم
يجب أن تعلم أن السيارة هي التي تقودك و أنت مجرد أداة لضغط البنزين .
فمتفرحش أوي بقوة الموتور .
لأن لو عملت حادثة و فقدت جزء من جسمك الغالي عليك ده لو طلعت حي من الحادثة
هاتعرف أن الشد و اللي بيشد و اللي عايز يسابق ........... يروحوا في ستين داهية لو عشت جزء من عمرك معوق بسبب الشد أو فقد حد عزيز عليك .
الطريق العام ليس للشد ........ و ليس ملك لأحد
يجب أن نتعلم مما نراه يوميا من الحوادث التي تحدث بسبب الأستعجال و الغباء في القيادة .
أنتوا لو في بلد فيها قانون .........
مكنش حد فيكم عمل كدا و لا قال شد و غرز و الكلام اللي بنشوفه ده .
و محدش يرد عليا و يقول برة بيعمللهم أماكن للسباق .
يعني علشان مفيش أماكن للسباق هنا .......... نموت بعض ؟؟؟؟؟؟؟؟؟؟؟؟
و على فكرة أماكن السباق برة تكلفة أيجارها غالية جدا و مش كل الناس بقتدر عليها
و اللي بيروح يأجر حلبة سباق
بيكون معاه لوتس أو لمبورجيني
يا جدعان مفيش حدا معاه عربية 1500 أو 1600 و بيروح يأجر حلبة سباق
أرجوكم .......... أرجوكم
الطريق للإستخدام العام و ليس الغرز و الشد و الجري
الله يخرب بيت سواقين الميكروباظ اللي خربوا شوارع مصر و علموا الشباب قلة الأدب
أحسنت قولاَ يا أستاذ توت مفيش كلام بعد كلامك
و المشكلة كل اللي بيشدوا لازم تلاقي علي لسانه جملة "انا عارف انا بعمل إيه"
أو "انا بشد بس مش بغشامة لأ انا فاهم اللي بعمله!"
أو " لا دنا بس بجرب العربية!"
أتمني إن محدش يعرف إن الطريق ملوش كبير عن طريق إنه ينضم للستة الوفيات اللي كانوا عارفين هما بيعملوا إيه ! و حتي يا سيدي لو عارف إنت بتعمل إيه .. يبقي في ملكك مش في الطريق العام .
و يا ريت محدش يزعل من كلامي و انا عامة مقرتش كل الردود لحسن حد يكون قال انا عارف انا بعمل إيه و يفتكرني بتريق عليه .
للمرة المليون هقولها ..
اللى شايف فى نفسه الموهبه من ( ال 80 مليون موهوب ) يتفضل يورينا نفسه فى الاوتو كروس ولما يكسب هنصفق له ومش هيبقي مضطر للشد لانه هيبقي معروف اساسا ..
لكن الشد ده بدعة اخترعها الشباب عموما لانه بيحس ان العربية شرفه مش وسيلة مواصلات ..
لو سبقتنى يبقى طعنتنى فى شرفي و كالعادة ( لاحياة لمن تنادى و كلامنا ده كلام ناس مش فاهمة حاجة ) ..
ربنا يهدى الناس كلها ..