الشوارع مش ملك لحد بعينه، الشوارع ملك الناس كلها.... ذنبهم ايه الناس اللى حوالين اللى بيشدوا مع بعض يتم ترويعهم بالغرز و الشد؟ و يحصل ايه لو حد حصلت له مشكله بسبب الحركات دى؟ و مين هيعوضه بسبب الاستهتار ده؟
الشد و الكلام ده مكانه حلبات السباق، مش الشوارع اللى ملك خلق الله كلهم، الناس الطبيعية العادية اللى بتستخدم العربية و الطريق فى الغرض اللى اتعملوا علشانه، مجرد انه يوصلهم من مكان لمكان بسلام....
انا كنت النهاردة ماشى على المحور، و الطريق فاضى بس انا ملتزم بالسرعة القانونية، لقيت واحد جه شمالى و لزق بسوا عربيتى، كانه بيقولى انت مبتجريش ليه ما الطريق فاضى، ولما لاقانى حتى مبصتلوش، راح ماشى....
تقبلوا رأيى المتواضع و ارجو ميكونش فيه حاجة تضايق حد....
المفضلات