الموضوع: تعمل ايه لو حد شد معاك؟هتشد معاه ولا تقوله اللي يسامحك؟

بصراحه متزعلوش مني ..بس لما بيقابلني حاجه زي كده...بعامل الأنسان ده ان عنده عقده نقص وضعف وعايز يشد علشان يثبت لنفسه انه قوي ومحدش قده..

وده اللي بيتميز بيه اغلبية سواقين الميكروباصات والتاكسيات ..حاسين بالقهر من المجتمع... .. فبيطلع غله في السواقه..



غير كده..تخيل انك ممكن تيجي يوم القيامه وتلاقي نفسك جيالك سيئات من حيث لا تعلم والسبب هو انك بسرعتك الزياده ديه بتأذي الناس ..انت ممكن متبقاش واخد بالك ..او بنسبالك لو حد عدا جنبك بسرعه مش هتفرق معاك في حاجه ..بس فيه غيرك من هم كبار في السن او مرضا او واحد جديد في السواقه ..دول ممكن تكون سرعتك سبب في الأذي ليهم




ده جزء من خطبة بيتكلم عن اذيه المسلمين او غير المسلمين
.وإذا كانت أذية الذمي (غير المسلم) منهياً عنها في شريعة الإسلام، فما الظن بأذية المسلم لأخيه في الإسلام؟!.

"من آذى ذمياً فأنا خصمه يوم القيامة".

أما أذية المؤمن فقد عظّم الله أمرها، ورتّب العقوبة عليها فقال تعالى: (وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثْماً مُبِيناً)

مع احترامى لجميع المصوتين لخيار اشد لكن مش هاشد طبعا واندم حيث لا ينفع الندم لو اثناء نوبة الغضب دى خبطت حد ولا حتى عربية من كل مستقبلك يتغير وتيتبدل ولا لاقدر الله يحصل شىء غير متوقع بسبب شخص تافه مريض نفسيا استفزك والقوى عندنا فى الاسلام هو اللى يملك نفسه عند الغضب مش اللى يسبق مريض نفسيا على كوبرى ولا شارع وربنا يهدى الجميع للخير

خد بالك الموضوع اخطر من كدة بكتير
مش موضوع شد اوغيرة
المفروض انك ماشي في الطريق ملكش دعوة باي حد غير نفسك سواء شد او مشدش انت اية دخلك انت رايح مشوار ولا داخل سباق مع الاخريين
ممكن ونت حطة في دماغك ودة مش كويس تعمل لاقدر الله حدثة وتعمل مشاكل انت في غنا عنها
انا شايف انة موضوع الشد دة موضوع مش كويس لانك بتربط نفسك بحاجة ملكش فيها وشخص متعرفهوش لمجرد انة ماشي بسرعة في الطريق
وحضرتك خدتك الحماسة وحبيت تعمل زية ودة مش كويس بالمرة
لو عايز تجري بالعربية اجري محدش الك متجريش
بس عشان تجري لمجرد انك شفت واحد بيجري بالعربية ؟
تفكير غير منطقي وغير مبرر
:k26::k26::k26::k26: