ايه الاستفزاز ده

**Drift_Lover** · 13-04-2009 02:29 PM

المشاركة الأصلية كتبت بواسطة Haytham1212

من الاخر دلوقتى الحياة بقت شبة الغابة يعنى يا تجيب حقك بدراعك يا تستنى الحكومة

وطبعا الحكومة فى حالة زى دى ابقى قابلنى يعنى كويس ان الظابط وقفلك

.........

+111111111111111111

انا حصل معايا موقف لن انساه طوال حياتي...
كنت ماشي علي طريق سندوب الزقازيق.
وفوجئت بعربيه أكسنت من غير لوحات ومفيمه كلها... فيها 5 شباب زي الطياره من يميني مع اني واخد اليمين. (من علي اليمين ونزل علي التراب )...
وكان في عربيه مرسيدس فيها عريس وعروسه ماشيه قدامي.
لاقيت الشباب دول بيزنقوا عليهم بشكل غبي.
ضارب النور العالي. ويعديه من علي التراب. ولما يعديه بيزنق عليه... وبيعمل حركات هيستيريه علي الطريق. ويا عيني سواق المرسيدس لاحول له ولا قوه ومش عارف يروح ولا يمين ولا شمال... والشباب شكلهم شاربين طينة... وواحد طلع راسه من الشباك وبيشارو له يرك.
( آخر ماكان يخطر في بالي إنها تكون زفه )
وخصوصآ انه ماكانش في عربيات عل الطريق الا ال عربيتي والعربيتين عربيات دول. عربيتي وعربيتهم وعربية العريس والعروسه.
طبعآ اللي توقعته انهم مجموعة شباب بيعاكسوهم في ليلة العمر.

أخدتني الشهامه... و NEED4SPEED ضربت في دماغي.
قمت مسقط التالت ومشبع الغيار. وعاتيها الرابع في الخامس علشان اعدي. واللي استغربته اني لاقيته بيزنق عليا انا كمان. (كان معايا 132 1800 ) المهم عديته. وقمت مشارو لبتاع المرسيدس يعدي... ولما عدي قمت مصدرها للزبون بتاع الاكسنت. قام لابس فيا من ورا. سمعت صوت قزاز بيتكسر جاتلي الجنونة.
وقفت العربيه في نص الطريق ونزلت بصيت علي عربيتي. لاقيت استوب الفرامل اللي تحت الاكصدام مكسور والاكصدام معووج حاجه بسيطه لا تذكر.
عربيته بقي هي اللي إتدمرت
شبكة - اكصدام - كبوت - رفرف يمين - فانوس يمين. ده غير اللي ممكن يكون حصل في الماكينة.

لاقيته نازل وحيقل أدبه. وال 4 اللي معاه نازلين.
وبيقوللي انت ايه اللي عملته ده.
قلت له وانت ايه اللي بتعمله ده. دي منظر سواقه.
قاللي احنا في زفه يا بني آدم.
قلت له طبعآ بني آدي يا حي... (انا طبعآ لوهله حسيت اني انا غلطان بس لما استرجعت طريقة سواقته ولو حتي في زفه وازاي عداني من علي اليمين وكمان لما بدأ يقل أدبه. قلت مابدهاش)
قاللي انت مش عارف انا مين. انا حاوريك.
دي عربية المستشار فلان الفلاني.
قلت له دي لو فعلا عربية انسان محترم ماكانش يشيل النمر. ومايسمحلكش انك تسوق بالطريقه دي...
وبعدين لو انت شايف نفسك في السواقه ماتلبسش في عربيه قدامك.
وبعدين دي لو حتي كانت عربية الوزير. انا وانت واقفين لحد ما حد ييجي يعاين العربيتين ونروح سوا القسم.
هو سمع الكلمتين دول ولاقيته بيتنطط علي الكبوت وعاوز يضربني (ماتخافوش علي اخوكم. معاه الحزام الاسود في الكراتيه. و 3أساليب كونج فو... وعلي فكره انا جسمي مش ضخم خالص ... اقل من العادي وجايز اللي يشوفني يقول نحيف ).
كل ده وانا في قمة الهدوء.
حاول يضربني في وشي قمت ماسكه من ذراع وشاده. قام مفروت علي الأرض.
ومديت أيدي في العربيه اجيب الموبايل علشان اتصل بالشرطه...
(اللي معاه ولا كانوا بيهشوا ولا ينشوا)
ولما لقوا الموضوع حيكبر لموا الليله. وخلاص يا استاذ اتفضل.

أكدب عليكم لو قلت لكم اني دايمآ إيجابي (وإلا حامشي اخانق في خلق الله)
لكن في مواقف بتستفزني لدرجة إني مابافكرش في العواقب. طالما انا حاسس اني صح.

**maka** · 14-04-2009 05:13 AM

المشاركة الأصلية كتبت بواسطة kingtefa

انا لسه راجع من مشوار و للاسف شفت موقف فى منتهى الببواخة" انا اسف على هذه الكلمة "
مشروع خابط عربية ملاكى فيها اب و ام و طفلين و الاب من نوع الناس الطيبين
اللى من الصعب نلاقيهم اليومين دول
سواق المشروع نازل و عاوز يضرب الراجل مع العلم ان سواق المشروع هو اللى غلطان و العربية بتاعته اتحكت حكة بسيطة و عربية الراجل اتبهدلت
نزل سواق المشروع و عاوز يضرب الراجل و عمال يشتم الراجل باهله شتايم وحشة
و الله الدمعة كانت حتفر من عين الراجل و هو بيتهزء ادام عياله و مراته مستحيل حد يتخيلها
الموضوع استفزنى انا و صاحبى فركنت و رحت عشان اخلص الموضوع و للاسف السواق قل ادبه عليا و من حسن الحظ عربية شرطة كانت معدية و للاسف وقفتها انا بالعافية "البيه الظابط مكنش عاوز يقف " و خلص الموضوع بصراحة انا سمعت كلمة شكر من الراجل و دعوة فرحتنى بجد
انا اسف عشان طولت بس المهم بقى ليه احنا بقينا كده الناس شايفة الراجل بيضرب و ساكته و واقفين بيتفرجوا ليه بجد فين شهامة المصرى و رجولته

طالما وصلت لسب الاهل انا لو منك انت وصحبك كنتوا كلتوه علقة صح علشان يعرف ان الله حق

**badblood** · 14-04-2009 05:43 AM

المشاركة الأصلية كتبت بواسطة MoToRiZeR

سلبية الناس هي اللي خلت "أسف في اللفظ" كلاب السكك عايزين يبقوا أسود .

يعني الواحد دلوقت بيبقي مطمن إنه حتي لو عمل إييييييه في الشارع محدش هيكلمه .. مشي عكس .. ضرب واحد .. كهربه .. موته .. خبطه و جري .. قلبله عربيته عالطريق و جري .. أي نوع من أنواع الجرائم .. محدش هيقوله بتعمل إيه .. و يعني اللي بينحرر نفسه أوي بيقول "لااااااا حول ولا قوة إلا بالله!!!" أكنه بيشوف الخبر في التليفزيون .

الحل في المواقف اللي زي دي .. إن رجالة الشارع اللي زي حضرتك ما عملت كدة يروحوا يوقفوا البني أدم ده عند حده عشان الراجل يعرف يرفع وشه في وش مراته و ولاده تاني من غير ما تكون عينه مكسورة و يحس إن لسة فيه خير في الدنيا .. و مهما ساء الموقف مش هيكون أسوأ من لو متدخلش حد .. عالأقل لو متدخلتش هتروح بيتك و إنت قلبك مقبوض و بتسأل نفسك يا تري هيحصل إيه اما ييجي عليك الدور و يحصلك إنت الموقف ده.

متسيبش نفسك للسلبية عشان لو حصلك حاجة ربنا يوقفلك اللي يقف جنبك من غير ما يكون يعرفك

و أخيراَ أحييك علي موقفك النبيل .. ربنا يكتر من أمثالك .

معاك حق بس مش السلبية بس هي المشكلة
المشكلة ان مفيش عقاب رادع يخلي كلب زي ده يحترم بني ادم
ودي قصة بسيطة كده على سواق ميكروباص
المهم السواق خبط واحد في شارع الهرم وكسر الاكصدام الوراني للعربية
نزل يشتم ويزعق والراكب العربية كان لابس لبس عادي وكان بارد لدرجة اني اتسغربت من رد فعله
فجأة نزل واحد بجد (جثة) وشايل ظبجه وقال كلمة واحد بس للسواق انت بتشتمني بأمي
وعينك ماتشوف الا النور مسك السواق كله علقة اقل خسايرها 3 او 4 سنان وش كده
لدرجة انه باس رجله عشان يسسبه

**kingtefa** · 14-04-2009 09:08 AM

المشاركة الأصلية كتبت بواسطة maka

طالما وصلت لسب الاهل انا لو منك انت وصحبك كنتوا كلتوه علقة صح علشان يعرف ان الله حق

بص يا استاذ maka انا اساسا حاطط والدى و والدتى فى منزلة خاصة محدش يقدر يعديها و ياما بهدلت ناس اتجرئت عليا بس بتبقى ناس ممكن لما تهزئها و تفهمها انه ميشتمش بالاهل حيسكت لكن واحد زى السواق ده لو قعدت تضرب فيه لغاية ما يبنلو اصحاب حيفضل يشتم فكده انا حستفاد ايه بقى غير الشتيمة ........
ححكيلك على موقف تانى حصل معايا كنت ماشى انا و والدى و كنا ماشيين تحت الرصيف و نلاقى ميكروباص غبى راح خابط كتف والدى و مكتفاش بكده ده شتمه و جرى بس من سوء حظه انه وقف و عينك ما تشوف الى النور اخد علقة منى انا وولاد خالى لاننا كنا طالعين من صلاة الجمعة و المسجد قريب من البيت و الباشا وقف تحت البيت شوفه بقى حظه .... و ولاد خالى اول ما شافو الموقف راحو جيين يضربوه معايا و كل الناس اللى كانو طالعين من الصلاة اجبروه انه يتأسف لبابا
النتيجة :-
اخدت تهزيء من بابا لما طلعنا :POINTI~2[2]: بس انا بصراحة حسيت براحة نفسية لانى اخدت حقه

**bassem.naguib** · 14-04-2009 11:59 AM

يا جماعة الحكاية مش مجرد مواقف بتحصل لأي حد مننا .. ولا سلبيات وسلوكيات الناس في مصر .. المشكلة أكبر من كده بكتير ..

أيه اللي خلى الناس توصل للمستوى الأخلاقي ده وتعامل بعضها بالشكل ده

كل يوم عن التاني بتزيد الظاهرة دي في الشارع المصري يعني الناس زمان كانت محترمة جداً وبتحترم بعضها .. دلوقتي كل يوم مبقاش في حد طايق حد .. وكله عاوز يدوس على التاني .. كأن فيه طوفان جاي

يا ترى ايه المتغيرات اللي خلت الناس توصل لهذا المستوى من الانحدار الأخلاقي .. وحسبي الله ونعم الوكيل

**ehab** · 14-04-2009 03:31 PM

الصراحة تصرف في غاية الروعة و الاحترام من حضرتك .

**evoo90** · 14-04-2009 04:17 PM

هى دى بلدنا وهى دى ناسها والسؤال؟؟
هل نكون طيبين ومؤدبين على طول؟؟؟
ولا نبقى بوشين عشان نعرف نعامل كل واحد المعامله اللى يستحقها....
انا ليا واحد صاحبى مؤدب جدا وغلباااااااااان جدا والله تشوفوه تخافوا تقولوا اى كلمه تجرحه ولو كانت بسيطه جدا
بس تعالوا اتفرجوا عليه لما حد سورى فى اللفظ (يبلطج ويتفرد عليه)
الكتكوت بيتحول لاسد حتى انا بخاف منه ساعه مايتحول وبجد انا بحاول اكون زيه لان دى بلدى ودى حياتى مااقدرش اعدل فيها ولازم اعيشها بحلوها ومرها
وفى الاخر انا عندى مقوله هقولها

Sometimes We must use the darkness to Generate the Light

**kingtefa** · 14-04-2009 09:33 PM

المشاركة الأصلية كتبت بواسطة evoo90

هى دى بلدنا وهى دى ناسها والسؤال؟؟
هل نكون طيبين ومؤدبين على طول؟؟؟
ولا نبقى بوشين عشان نعرف نعامل كل واحد المعامله اللى يستحقها....
انا ليا واحد صاحبى مؤدب جدا وغلباااااااااان جدا والله تشوفوه تخافوا تقولوا اى كلمه تجرحه ولو كانت بسيطه جدا
بس تعالوا اتفرجوا عليه لما حد سورى فى اللفظ (يبلطج ويتفرد عليه)
الكتكوت بيتحول لاسد حتى انا بخاف منه ساعه مايتحول وبجد انا بحاول اكون زيه لان دى بلدى ودى حياتى مااقدرش اعدل فيها ولازم اعيشها بحلوها ومرها
وفى الاخر انا عندى مقوله هقولها

Sometimes We must use the darkness to Generate the Light

اللى صحبك بيعمله هو الصح ...... المفروض تكون طيب بس يكون جواك اسد
الاسد ده تطلعه وقت اللزوم و على فكرة هو ده الصح

الموضوع: ايه الاستفزاز ده

LinkBack

أدوات الموضوع

عرض

-

-

-

-

-

-

المواضيع المتشابهه

الاستفزاز الى اين يقود اصحابه...

ما زال الاستفزاز مستمر

عن الاستفزاز وماجنوتن.. وأشياء من هذا القبيل

الاستفزاز في المطار

الكلمات الدلالية لهذا الموضوع

المفضلات

المفضلات

ضوابط المشاركة