تجربة تسارع الإلنترا 2008 أوتوماتيك ( 211 كم/ ساعة )

**bishoy02010** · 12-04-2009 11:42 PM

يا جماعة انا بحب العربية ديه جدا فقلت اجرب عربية واحد صاحبى لسة مشترينها وكانت الساعة 2 الصبح والطريق كان الاوتوستراد والحمدلله العربية كما توقعت أثبتت كفاءة عالية وثبات عالى ده فى حالة انها مكنتش وهمانى بإحساس الثبات ده وفرامل رائعة :) المهم يا جماعة محدش يحكم ان ده اخر تجميع للعربية لأنى عديت على ملفين فى الطريق وعديت ترلة وغرزت بين عربيتين فمكنتش جايب اخر التسارع بتاعها يعنى هتلاقوا السرعة ثبتت كتير فى ل 150 ده عشان الملف والتريلة وهكذا :) وعند ال 170 هتلاقيها كانت بتزيد سنة سنة انا مكنتش مزود عشان كنت داخل على ملف تانى ... واخر الكليب ده 211 ومكملتش عشان الطريق مسمحش والله اعلم هتجيب بعد كدة ولا لأ :) قريب هيكون فيه كليب تانى بس يكون فى طريق نضيف ونحكم اخرها كام ( ملحوظة العربية اوتوماتيك وعاملة 3250 كيلو وبحالة المصنع ) الرابط :-

http://www.youtube.com/watch?v=UM6129pw4K4

معلش يا جماعة اللى عندة تعليق بايخ ياريت يحتفظ بيه لنفسة زى
( متعملش كدة تانى وإية اللى يمشيك بسرعة والسرعة هتموتك الف شكر على التعيقات ديه محدش يقلها ياريت )
واللى كان ناوى يقلها ياخد بالة انى بقول تجربة تسارع العربية والساعة 2 الصبح عشان الناس اللى مبتاخدش بالها :)

**M.Mekawy** · 13-04-2009 12:06 AM

طب انا مش هقولك تعليق ( بايخ ) على حد قولك , مش المفروض ان العربية دى جديدة بشوكها , يعنى المفروض اخرك 100 كم , يبقى انت كده ب**** العربية , والا ايه ؟

**bassam nagy** · 13-04-2009 12:13 AM

الموتور بتاعها سحبة عالى جدا وكمان وزن العربية خفيف فا بيساعد على تقفيل العداد
والموتور دة موجود فى I30 والنيو سيراتو والسيراتو

**bishoy02010** · 13-04-2009 12:15 AM

المشاركة الأصلية كتبت بواسطة mekawybeeh

طب انا مش هقولك تعليق ( بايخ ) على حد قولك , مش المفروض ان العربية دى جديدة بشوكها , يعنى المفروض اخرك 100 كم , يبقى انت كده ب**** العربية , والا ايه ؟

3250 كيلو يعنى حضرتك خلصت فترة التلين ... مع انى مش فاهم اللشفرة اللى حضرتك كاتبها ديه بتاعت ب**** العربية بس انا هريحك لو يريحك تكون الإجابة ايوة فأيوة :) بس لو العربية الجديده هتمشى على 100 امال القديمة هتمشى على كام ولا هتقف خالص ؟؟؟

**bishoy02010** · 13-04-2009 12:18 AM

المشاركة الأصلية كتبت بواسطة bassam nagy

الموتور بتاعها سحبة عالى جدا وكمان وزن العربية خفيف فا بيساعد على تقفيل العداد
والموتور دة موجود فى I30 والنيو سيراتو والسيراتو

عندك حق الموتور فعلا سحبة كويس قوى وعلى أى سرعة حتى لو كانت فوق ال 100 بس معندكش فكرة السيراتوا بنفس التسارع ده ولا لأ ؟؟؟

**bassam nagy** · 13-04-2009 12:21 AM

اعتقد السيراتو الشكل القديم 2008 اخف من الانترا هاتبقى اسرع

**amrsabet** · 13-04-2009 12:48 AM

ماشاء الله ربنا يبارك لك فيها وتسارعها ممتاز بالنسبة لعربية اتوماتيك

**bishoy02010** · 13-04-2009 12:51 AM

المشاركة الأصلية كتبت بواسطة amrsabet

ماشاء الله ربنا يبارك لك فيها وتسارعها ممتاز بالنسبة لعربية اتوماتيك

الف شكر على شعورك الطيب :) وفعلا عندك حق الأوتوماتيك بتاعها جيد جدااا

**ahmad--ezzat** · 13-04-2009 05:53 AM

الاسرع من كل دول \الفيرنا والجيتس
(هو ازاى صحبك سابك تجيب السرعو دى على العربية
دى حتى المفروض واحدة واحدة عليها لانها بورقها)

**bishoy02010** · 13-04-2009 11:21 AM

المشاركة الأصلية كتبت بواسطة Ahmed20_08nubira

الاسرع من كل دول \الفيرنا والجيتس
(هو ازاى صحبك سابك تجيب السرعو دى على العربية
دى حتى المفروض واحدة واحدة عليها لانها بورقها)

ياريت تكون الفيرنا اسرع بس متهيقلى عدادها 200 صح ؟؟؟ :) موضوع إزاى صاحبى سابنى يعنى تقدر تعتبرها عربيتى ( موضوع واحدة واحدة عليها هيا لسة بورقها مهوة عشان هيا لسة بورقها بنجربها دلوقتى ضمان ومتأمن عليها لو معملناش كده وعيا فى احسن حالتها نعمل كدة امتة ؟؟؟ ) وعلى فكرة ودية رابع مرة نطلع نجرب نفتح الموتور :) واول مرة حلف ميكسر 180 وتانى مرة حلف ميكسر 193 وتالت مرة جاب 210 بالعافية ورابع مرة جاب 211 بمنتهى السهولى اللى هيا قدامك وانشاءالله خامس مرة هيكون 220 :)