مطلوب مساعدة من المهندسين

**mido_osman** · 13-04-2009 12:46 AM

السلام عليكم يا بشمهندسين

انا طالب هندسة ميكاترونكس في الفصل الدراسي السادس

و كنت عايز اعرف من حضراتكم لو كان في حد فيكم اخد تدريب في مصانع قبل كده

ايه هيا المصانع / الشركات المناسبة و ايه الورق الي بيتطلبوه .... الخ

و انا عارف ان تلت تربع المنتدي بشمهندسين و مش هيخزلوني و شكرا مقدما

**kemo0o** · 13-04-2009 02:37 AM

أنت في مصر ؟؟ وايه حكاية الفصل السادس دي ؟؟؟
على فكرة انا برضه طالب ميكاترونكس
بالنسبة للتدريب كل المطلوب منك ورقه من المكان اللي بتدرس فيه بيخاطبوا فيها المكان اللي عاوز تتدرب فيه بالسماح ليك بالتدريب وفيه مصانع كتير جدا واماكن كتير

**mido_osman** · 13-04-2009 11:17 AM

شكرا علي الاهتمام و الرد يا باشا

انا في مصر في برنامج ميكاترونات و روبوتات الهدف منه التخصص من اول دخولك كليه هندسه في الميكاترونكس وده موجود في جامعة اسيوط

موضوع الورقة سهل لكن ايه المصانع المناسبة الي ممكن اقدملها ؟

**زهير فكري** · 13-04-2009 09:26 PM

اللي انا اعرفه ان تخصص ( الميكاترونكس) تخصص شبه نادر في مصر و اساسا التخصص ده اصله المانيا و ذلك عندما استدعت الضروره لوجود مهندسين اكفاء ليكونوا علي درايه كبيره بعلوم الميكانيكا و الالكترونيات و ذلك ليكونوا جبهه دعم فني قويه للمصانع المتقدمه تكنلوجيا و التي تعتمد علي ماكينات cne ( تقريبا علي ما اذكر) . معلوماتي صحيحه ؟
علي العموم حاول تشوف المصانع المتطوره زي مصانع السيارات في 6 اكتوبر و مصانع الاجهزه المنزليه ( ثلاجات -غسالات ..الخ) , و ممكن مصانع حديد عز , السويدي للكابلات , توشيبا العربي . يعني تحاول تبحث عن كل ما له علاقه بالماكينات العملاقه المتطوره و يا ريت تشوف حد يدخلك مصانع الانتاج الحربي . و خد بالك ان المصانع ( المحترمه) اللي انت ممكن تستفيد منها هتطلب منك فلوس شهريا ( تقريبا من حوالي 8 سنوات كانت 150 جنيه شهريا )طوال مده التدريب اللي انت عاوزها و المفروض يعطوا لك شهاده اتمام تدريب . الموضوع مش صعب بس عاوز شويه بحث . و ربنا معاك

**Casio2000** · 13-04-2009 10:38 PM

انا اعرف ان ال I.T.I بيدي منحة في الموضوع دا و لو مطابق المواصفات و نجحت في الامتحان التأهيلي بناخدها ببلاش (حتى علي ايامنا كان فيه زي مكافأه شهرية)

ال I.T.I دا اللي هو تبع مجلس الوزرا "مركز دعم القرار"

و بيدوا منح تانية كتير زي Network و Development و كدا

**kemo0o** · 13-04-2009 10:57 PM

بص انا عاوز اقول لك حاجة من الاخر أولا اي مصنع هتروح تتدرب فيه هتشتغل عامل .... من الاخر هتشتغل عامل والله انا رحت اتدربت في شركات كتير اخرهم يونيون اير اللي في 6 أكتوبر والله العظيم كنت شغال عامل على خط الانتاج وبيعاملوني على اني عامل بالضبط يعني مفيش فرق بينك وبين اللي شغال على الخط وكمان الناس الفنيين عمالين يودوك ويجيبوك كانك ولامؤاخذة في التعبير " بليـــــه" أنا بس حبيت أوضح لك الموضوع هيمشي ازاي علشان ماتتفاجئش بس ده مايمنعش ان فيه شركات محترمة جدا بتحطك مع مهندس ويمشيك على الخط كاملا ويقعد يشرحلك كل حاجة ... وكمان عندك شركات البترول لو ليك حد فيها يبقى 100 ميه دي بقى جياة تانية انا رحت اتدربت في شركة بترول في شقير اذا كنتوا عارفينها هو كانت الحياة قحط وحياة جافة بس بجد كان شهر من أحلى شهور حياتي

عندك شركة مرسيدس بنز - المجموعة البافاريه - جنرال موتورز كل دول في 6 أكتوبر ممكن تروح تقدم معاهم وفيه مصانع كتير

** أسعد اوقات تدريبي كانت في شركة الجميح ( مصانع البيبسي في السعودية ) و 10 أيام في سابك و 4 أيام في أرامكو و ان شاء الله السنة دي في Schneider Electric في الرياض ده غير اني منتظر فرصة لو ربنا أكرمني وجات لي هتكون فرصة الحظ ليا والله أعلم

-- لو محتاج حاجة أقدر أعملها لك انا تحت أمرك بس ياريت تسرع في الموضوع ده لان بعد شهر 4 صعب جدا جدا انك تقدر تقدم في اي شركة

**mido_osman** · 14-04-2009 12:16 PM

معلش يا باشا تاعبك معايا بس ممكن تدلني علي اسماء شركات البترول الكبيرة

انا هبعت لجنرال موتورز و مرسيدس و بي ام دبليو

و شكرا علي تعبك معايا

الموضوع: مطلوب مساعدة من المهندسين

LinkBack

أدوات الموضوع

عرض

مطلوب مساعدة من المهندسين - انشر الموضوع فى :

-

-

-

-

-

المواضيع المتشابهه

مساعدة من الاخوة المهندسين

استفسار هام للسادة المهندسين في المنتدي و اللي مش المهندسين برضه عادي يعني :)

مطلوب مكتب للإيجار في الدقي أو العجوزة أو المهندسين

محتاج مساعدة من أهل الإسكندرية وخصوصا المهندسين

الكلمات الدلالية لهذا الموضوع

المفضلات

المفضلات

ضوابط المشاركة