شوية تعديلات فى بيجو 305 يا ترى هتكلف كام ؟؟؟

**AMA** · 13-04-2009 01:04 AM

بسم الله الرحمن الرحيم
السلام عليكم و رحمة الله و بركاتة

كنت بس عايز أعمل شوية تعديلات على بيجو 305 بتاعة واحد تبعى يعنى يا جماعة
فكنت عايز أعرف يا ترى الحاجات دى هتتكلف كام

1- 4 جنوط يكون شكلهم كويس شبابى يعنى
2- 4 فرد كاوتش تيوبلس
3- جاكمان كامل بقى هنغيرة كله و نجيب واحد إلى بيبقى تخين دة
4- بالنسبة للمرايتين فبجد خنقة اوى فكنا برضة عايزين نغيرهم
5- الفوانيس برضة عايزين نغيرهم و نجيب حاجة شبابية خاااالص
6- الفرش و الكراسى أكيد هتبقى برضة شبابى يعنى

فعايز أعرف سعر كل حاجة فى دول أية يا جماعة
عشان نعرف الأولوية لتغيير أنهى حاجة الأول
يعنى مثلا الجنوط سعرها من كذا لكذا و الكاوتش من كذا لكذا يعنى كل حاجة لوحدها بسعرها

و أسف فى الأطالة

**Fadi Ezzat** · 13-04-2009 01:47 AM

1- الجنوط لو هتجنط 16 يبقى تعملها بتاع 3500 او 3000 مثلا
2-هتجبهم بريدجستيرون 205/55/16 الفردة الواحدة ب 350
3-لو جبتة play & plug يعنى الاصلى بتاع العربية يخشلو فى الف جنية ودة طبعا يستحسن
4- المرايات هتجيب مرايات بتاعة 207 وتركبهم وهيبقو مظرهم حلو اوى وشيك اوى بس مش عارف سعرهم
5-الفوانيس الى قدام والى ورا انت هتعمللهم كريستال او تكربنهم وتركب رينجات قيهم وهيبقو تمام اوى ماتلعبش فيهم تانى السعر حوالى 450 جنية
6-الفرش الجلد الرياضى وكدة حوالى 1350 جنية

**kzizo** · 13-04-2009 05:08 AM

يا باشا لازم الاول تعرف هتغير في نظام العربيه وتركبلها جنوط 4 او 5 مسامير ولا علي الأصل بتاعها 3مسامير لو 3 مفيش غير مقاس 14 في الجنوط فققققققققققققققققط والجنوط بتعملها في حدود ال 1300 إندونيسي اما لو هتعدل إنت وراحتك ميزانيه الجنوط تبقي حاجه في إيدك انا جايب طقم كاوتش FEDERAL تايواني مقاس 195\60 \R14 متكلفين 1200