لو بقيت رئيس دولة هتعمل اية؟

**Haytham1212** · 13-04-2009 01:38 AM

ببساطة شديدة الموضوع خارج عن اطار السياسة

وهو عبارة عن مناقشة (كلام مش اكتر )

كتيير مننا بتعرض لمواقف بيكون نفسوا يغيرها بنفسة

مثلا اجراء روتينى و قانون مطبق او الخ الخ الخ.............

انتا بقا لو بقيت رئيس الدولة دى اية اول حاجة هتعملها

حاجة واحدة بس ويا ريت ما يبقاش فية تكرار فى القرار

المشاركة للولاد والبنات والكبار والصغار كلوا يخوش يقول بقا عن اللى
فى قلبة فضفض وارتاح

منتظر مشاركاتكم على احر من الجمر

**TIMODAX** · 13-04-2009 01:43 AM

أول حاجه هأتجوز بصراحه
ههههههههههههههههههههههههه هههههههههههههههههههههه

عشان أتفرغ بعد شهر العسل لمهام الحكم ههيهيهيهييييييييييييييييي يييييهههههههههههههه

**Dr.A.Nabil** · 13-04-2009 02:28 AM

هاسمح بتعدد الاحزاب وحرية تكوينها
هالغي الحوار الفاشل اللي اسمه 50% عمال وفلاحين
حرية اطلاق الصحف
مش هازور انتخابات
حريه دينيه
هالغي قناة ميلودي ومزيكا

**أحمد سالم** · 13-04-2009 02:40 AM

اولا اعمل بطاقات انتخاب لكل البلد بالكمبيوتر
واخلى اختيار المحافظين والوزراء ورساء الجامعات بالانتخاب الجماهيرى
وهدى كل السلطات لرئيس الوزراء وهلغى كل المواكب اللى بتتعمل للكبار
لازم كل موظفلى الدوله يركبو المواصلات العامه
لانهم مش هيعرفو يعالجو سلبيات البلد من غير مايعيشوها وهلغى سلطة الدوله على الاعلام وبالاخص الجرائد
وهفعل العمل الحزبى
واهم حاجه عهملها هلغى تبعية ادارات المرور لوزارة الداخليه
وهخلى تصحيح امتحانات الشهادات العامه كلها بالكمبيوتر
التصحييح بالكمبيوتر يعنى الامتحان يبقى على الكمبيوتر وتعرف درجاتك قبل ماتخرج من امتحان الماده
طبعا دى اول حاجه هعملها
اما فى حاجات كثير بعد كده هتتعمل
دى بس البداية
لانى لازم اخلى المواطن المصرى محبوب فى كل دول العالم وكرامته هى كرامة البلد
ولازم كمان يبقى قسم الشرطة والنيابة الخاصة بمنطقه معينه فى مبنى واحد
علشان كل حاجه تبقى واضحه امام النيابة
لو فتحت الصفحات مش هتكفى
فكفاية لحد كده
وربنا يستر بقى
اه وحاجة كمان مهمة
هخلى الحفر فى الطرق مرة واحده لكل المرافق
علشان الاسفلت يبقى مرة واحده مش 30 مرة نحفر ونسفلت
كمان همنع الضرائب على الخدمات لمواطنيين البلد
هتبقى ضرائب على الدخل فقط
ومش هيبقى فى ابره بتتباع بدون فاتورة
وطبعا لازم هشيل كل المحلات التجاريه من وسط البلد
يعنى مايبقاش شارع الازهر وعبد العزيز وميدان الاوبرا هما شريان المدينه واحط فيهم كل اللى فيهم دلوقتى
وهطلع كل المصالح الحكوميه بره المدينه
مش قلتلكم مش هخلص
كفاية كدا مؤقتا

**nazaryia** · 13-04-2009 06:49 AM

المشاركة الأصلية كتبت بواسطة أحمد سالم

اولا اعمل بطاقات انتخاب لكل البلد بالكمبيوتر
واخلى اختيار المحافظين والوزراء ورساء الجامعات بالانتخاب الجماهيرى
وهدى كل السلطات لرئيس الوزراء وهلغى كل المواكب اللى بتتعمل للكبار
لازم كل موظفلى الدوله يركبو المواصلات العامه
لانهم مش هيعرفو يعالجو سلبيات البلد من غير مايعيشوها وهلغى سلطة الدوله على الاعلام وبالاخص الجرائد
وهفعل العمل الحزبى
واهم حاجه عهملها هلغى تبعية ادارات المرور لوزارة الداخليه
وهخلى تصحيح امتحانات الشهادات العامه كلها بالكمبيوتر
التصحييح بالكمبيوتر يعنى الامتحان يبقى على الكمبيوتر وتعرف درجاتك قبل ماتخرج من امتحان الماده
طبعا دى اول حاجه هعملها
اما فى حاجات كثير بعد كده هتتعمل
دى بس البداية
لانى لازم اخلى المواطن المصرى محبوب فى كل دول العالم وكرامته هى كرامة البلد
ولازم كمان يبقى قسم الشرطة والنيابة الخاصة بمنطقه معينه فى مبنى واحد
علشان كل حاجه تبقى واضحه امام النيابة
لو فتحت الصفحات مش هتكفى
فكفاية لحد كده
وربنا يستر بقى
اه وحاجة كمان مهمة
هخلى الحفر فى الطرق مرة واحده لكل المرافق
علشان الاسفلت يبقى مرة واحده مش 30 مرة نحفر ونسفلت
كمان همنع الضرائب على الخدمات لمواطنيين البلد
هتبقى ضرائب على الدخل فقط
ومش هيبقى فى ابره بتتباع بدون فاتورة
وطبعا لازم هشيل كل المحلات التجاريه من وسط البلد
يعنى مايبقاش شارع الازهر وعبد العزيز وميدان الاوبرا هما شريان المدينه واحط فيهم كل اللى فيهم دلوقتى
وهطلع كل المصالح الحكوميه بره المدينه
مش قلتلكم مش هخلص
كفاية كدا مؤقتا

كلامك حلو جدا
ضيف عليه
انك تحط المواصفات لكل وزير و يبقي كل وزير له خطه يقولها قبل ما يمسك الوزاره و يتحاسب عليها بعد ميخلص الوزاره و مفيش حاجه اسمها تجديد للوزراء يعني مده واحده بس تبقي 5 سنوات و هي نفس مده رئاسه الوزراء و رئاسه الجمهوريه
و قس علي هذا برضه المحافظين و رؤساء الجامعات و عمداء الكليات

و يبقي فيه قانون ان الوزير اللي عمل حاجه كويسه متتلغاش الا بقرار من مجلس الشعب اللي طبعا هيكون نزيه و فيه علماء و مفكرين مش عمال وفلاحين و شويه ارزقيه

هنفذ المشروع اللي تقدم بيه الدكتور فاروق الباز و هو اقامه نيل اخر موازي لنهر النيل او شريان اخر من اسوان الي مطروح و عمل مدن جديده موازيه للمدن القديمه و عمل شبكه مواصلات عرضيه بين المجريين و لامانع من اقامه ترع و قنوات عرضيه لتصل بين الاثنين و خط سكه حديد بطول النهر الجديد

هعمل لجنه اقتصاديه علي اعلي مستوي علشان نقيم المشاريع و الاستثمارات و الاتفاقيات التجاريه و اللي مش نافع للبلد نلغيه و نقدم افكار جديده للاستثمار ويا حبذا تكون برؤؤس اموال مصريه

وزير التعليم ما قبل الجامعي لازم يكون كان مدرس او مدير مدرسه علشان يكون حاسس بالعمليه التعليميه ..........و هفرض غرامه سنويه علي الاسر اللي بتهرب ابناها من التعليم الاساسي........

ترخيص السياره يبقي مره واحده في العمر و دفع الغرامات سنويا .....و ايراد الغرامات يكرس لتطوير الطرق و تطوير هيئه و مكانه فرد المرور في الشارع

ايراد اي هيئه حكوميه يكون لها هي ولا يصب في خزانه وزاره الماليه .....ده هيؤدي ان كل الهيئات هتعمل علي تطوير نفسها لزياده ايرادها مما يعم علي العملين بها .......

هلغي حكايه اللجان الفنيه في مناقصات المستشفيات الجامعيه و يتم عمل لجنه فنيه واحده علي مستوي جميع المستشفيات

مفيش حاجه اسمها علاج في مستشفي جامعي كل علاج المرضي يكون في مستشفيات وزاره الصحه اللي هيتم تطويرها لتكون علي اعلي مستوي في جميع المجالات
اما المستشفيات الجامعيه فدي هتبقي للبحث العلمي فقط و التدريس للطلبه و المريض اللي هيتعالج فيها هيبقي عارف انه ممكن يكون ماده للبحث او التدريس للطلبه و ممكن ياخد فلوس علي كده ....زي جميع دول العالم

عندنا 29 محافظه في مصر رئيس الجمهوريه ورئيس الوزراء يزوروا محافظه محافظه كل واحد يوم يعني النهارده الرئيس في محافظه و رئيس الوزراء في محافظه تانيه و بكره الرئيس في محافظه تالته و رئيس الوزراء في محافظه رايعه يبقي لفينا المحافظات في نص الشهر و نحاسب المحافظين بقيت الشهر و نشوف نفذوا ايه و الزيارات تبقي مفاجئه يعني محدش هيعرف اي محافظه عليها الدور وفي اي مكان في المحافظه دون اي اعتبارات امنيه

نكمل بكره

**mahamedaraby** · 13-04-2009 07:13 AM

هنبدا ثوره اصلاح وهخلى المواطن هو اللى يبدا بنفسه عن طريق ان هو يحس بالاصلاح ده فى حياته اليوميه

وهتبع نهج تركيا وماليزيا فى الاصلاح الاقتصادى بالتحديد

وهحاول اخلى المشكله السكانيه دى احولها لثروه بشريه لتطوير البلد

وطبعا هخلى كل وزير يبقى مختص يعنى وزير التعليم يبقى كان فى الهئيه التعلميه وهكذا

وضع خطه لكل وزاره وحساب الوزير ادام الشعب لو لم تنفذ

اهم شئ ان الموطن العادى يحس بالاصلاح فى البلد علشان يشارك فيه

علشان لما هو هيحس بالاصلاح هيقول لا انا ادفع الضرائب علشان هتعود عليا ولمصلحتى

ده اللى هشتغل عليه

**pro_samir** · 13-04-2009 09:08 AM

هبوسك هههههههههههه

**أبو إياد** · 13-04-2009 10:19 AM

هاعمل حاجه واحده لكل حاجه انا شايفها غلط
بالنسبه للتقدم (هاعمل زى اليابان) حاقفل على نفسى لفتره زمنيه معينه الى ان الكبير والصغير يتعود انه يشنغل ويعتمد على نفسه ويتكون فيه من جديد حاجه افتقدناها (الانتماء)
وكل عالم مصرى ومخترع يرجع بلده ويعلم الاجيال القادمه علشان يبتكروا
من غير ما اطول
الناس لو اتلهت فى العمل هانقضى ع البلطجه ومش هايكون فى حوادث (قتل) ولا سرقه
واكيد لو الكل اشتغل بجد هايلاقى وهايكسب ومش هايشيل الهم
ومش هايكون فى ظلم لان الرقابه على النفس هى التى ستسود على المواطنون

الخطه بقا هى تنميه الصناعات والزراعه لان بلدنا جوها وطبيعتها زراعيه اساسا
اليوم هايتقسم الى 3 اجزاء لانهاء العمل وخلال 3 سنوات تخيلوا ايه هايكون حالنا ؟