حساس الحراره فى البولو

**M.Mostafa80** · 13-04-2009 02:35 AM

الحساس دا موجود فى حتى تسمى الشجره والشجره دى مكانها تحت الأسبيراتير بتاع العربيه هنلاقى أربع فيش فى المكان دا هى الفيشه الى على الشمال من فوق هنلاقى بلاستيكه سوداء تسمى قفل هنشيلها ونشد الفيشه من الحساس من خلال الضغط على الكلبس هيطلع معانا الحساس على طول بس نبقى مجهزين الجديد ( الجديد أنا جبتو من عند أشرف الشهابى الأصلى والله الأصلى ب 190 جنيه هتقولولى عرفت أزاى مايفرقش أى حاجه عن الى فى العربيه ونفس مكان الصناعه لكسمبرج ألمانيا وغير دا ودا من عند الشهابى )المهم أحنا قلنا هنبقى مجهزين الجديد فى أدينا ونحطه أول ما نشيل القديم على طول عشان لو حطين المياه الحمرا يبقى حرام ماتروحش على الأرض ركبنا الجديد نحط القفل تانى نركب الفيشه نتكل على الله وندور العربيه نزود المياه الى نقصت نلاحظ العربيه بقى العربيه بطلت ترعش لما تبقى بارده فى فرق فى سحب العربيه طبعا دا بلأضافه أنى دلعت العربيه وحطيتلها حبه بنزين 95 طبعا صباح الفل مش عايز أقولكو أنا سمعت الكلام أهو ياهندسه وركبتو طبعا كنت متأكد أن كلامك هيبقى فى محلو لأنو أكيد أكيد مش جاى من فراغ أنا دوشتوكو أنا عارف بس حبيت أفيدكو بالتجربه وبعمليه التركيب للحساس الى مش محتاجه الذهاب لميكانيكيه لأنها بسيطه جدا كان فى صوره للحساس دا فى موضوع أورجينال بتاع ثرموثتات الحراره هروح أجيبهالكو وأجى

**M.Mostafa80** · 13-04-2009 02:39 AM

**M.Mostafa80** · 13-04-2009 02:41 AM

بس على فكره المفروض بيبقى فى فيشه تانيه جنب الفيشه بتاعت الحساس دا مش موجوده عند أورجينال ياترى ليه الفيشه دى مش موجوده وياترى هى بتاعت أيه هدعبس وأرجع أقولكو أن شاء الله هى أيه

**snakeson2** · 13-04-2009 03:37 AM

قشطة ياباشا الله ينور

**umoussa** · 13-04-2009 01:51 PM

يعني العربية ظبطت؟

أفهم من كده إني مكنتش بهزي والحمد لله كلامي طلع في محله؟

لو كده، راقب بقى كمان استهلاك البنزين وكمان اديها سفرية جميلة على سرعة ثابتة وحط علبة من علب سائل تنظيف دائرة الحقن حتلاقي بقى العملية بقت سكينة في الجاتوه

**M.Mostafa80** · 13-04-2009 02:17 PM

أنا سمعت الكلام أهو ياهندسه وركبتو طبعا كنت متأكد أن كلامك هيبقى فى محلو لأنو أكيد أكيد مش جاى من فراغ

ياباشا مخدتش بالك من الكلمتين دول فى الموضوع

**umoussa** · 13-04-2009 02:21 PM

هو فعلاً مش جاي من فراغ

فولكس هي الي قالت كده وكمان عن تجربة شخصية

أه على فكرة نسيت أقول لحضرتك حاجة مهمة.....

بعض الكنترولات (بتاعة الموتور) حسب مدى تحديثها، ممكن لما تيجي تركب عربيتك الصبح وتكون في الصيف ودرجة الحرارة 30 مثلاً ال Rpm مش حيعلى ودا نتيجة إن العربية أصلاً مش محتاجة تسخين جامد

أنا بس بقولك كده علشان متخفش ومتفتكرش إن حساس الحرارة باظ

لأنه هو المسؤول الأول عن ارتفاع الـ Rpm الصبح

**M.Mostafa80** · 13-04-2009 02:29 PM

لاحظت الموضوع ده عندى على فكره وخصوصا أن أمبارح كان حر وفعلا الأر بى أم معليش والعربيه سخنت بسرعه كلامك سليم

**umoussa** · 13-04-2009 02:33 PM

شوفت فولكس بقى؟؟؟

**M.Mostafa80** · 13-04-2009 02:36 PM

شفتها من زمان يا هندسه هو الى شوفتو وأقتنعت بيه أكتر قيمه قطع الغيار الأصلى

الموضوع: حساس الحراره فى البولو

LinkBack

أدوات الموضوع

عرض

-

-

-

-

المواضيع المتشابهه

حساس الحراره راكب على كوعه المياه

أبيع البولو واجيب اوبل استرا ولا اصرف على البولو شوية ؟؟؟

حساس الحراره

طريقة فحص مدى سلامة حساس الحراره بالسياره , يرجى الترجمه .

الكلمات الدلالية لهذا الموضوع

المفضلات

المفضلات

ضوابط المشاركة