الموضوع: الكمبيوتر الشخصي..مشاكل وحلول(إن شاء الله)

إوبازززز!!!جت لي في منطقتي..أنا من من مدمني الديل
بص يا سيدي..حسب إحتياجك تقدر تحدد..
يعني الstudio يعتبر من home-office small business series
ال inspiron من ال home entrtainment series
الإنسبيرون أرخص مقارنة بنفس الإمكانيات في الإستوديو
الإستوديو تصميم أشيك وأصلا أجدد
السماعات في الإستوديو أنضف من الإنسبيرون
يعني لو محتاج جهاز سعره كويس ومواصفات أعلى يبقى الإنسبيرون
لو تزود شوية في جهاز أفضل أو نفس السعر بس مواصفات أقل يبقى ستوديو
أنا لسة جايب لصديق لي جهاز من أسبوع
studio 1535
البروسيسور دوال كور 2 جيجا كاش 1 ميجا
رام 1
هارد 160
بلوتوث
كاميرا
ريدر
ريموت كنترول
كارت الشاشة ATI HD SERIES
والباقي طبعا الdvd writer dual layer
wi-fi
wi-fi catcher
hdmi port
يعني فيه كل حاجة
ب 4000 جنيه
كان نفس التمن أو بالظبط 4100
يجيب inspiron
بروسيسور كور تو دوو 2 كاش 2
رام 1
هارد 250
رأيي الشخصي studio
بس أعتقد أنا وضحت الفروق كفاية والإحتياجات هي اللي تحدد
أتمنى أكون قدرت أفيدك
السلام عليكم

انا معايا لاب توب siemens
1.7 cash 1 G
و عاوز ازود سرعته هل لو زودت الكاش الي 4 هتفرق
و هحس بيها ازاي
و هل ممكن ازود البروسيسور وللا لا؟
كنت عاوزه يبقي 2.5

معلش سؤال تاني
انا اللاب توب الاتوم اللي جالي معمول علي درايف واحد بس و كنت عاوز اقسمه اتنين ازاي؟
من غير ما افقد الداتا اللي عليه لو امكن

المشاركة الأصلية كتبت بواسطة nazaryia

انا معايا لاب توب siemens
1.7 cash 1 G
و عاوز ازود سرعته هل لو زودت الكاش الي 4 هتفرق (الكاش دة تبع البروسيسور بيتغير معاه وليس مستقل)
و هحس بيها ازاي
و هل ممكن ازود البروسيسور وللا لا؟
كنت عاوزه يبقي 2.5

معلش سؤال تاني
انا اللاب توب الاتوم اللي جالي معمول علي درايف واحد بس و كنت عاوز اقسمه اتنين ازاي؟
من غير ما افقد الداتا اللي عليه لو امكن

الرام عندك قد إيه؟ممكن تزود الرام هتفرق معاك في السرعة!
أيوة البروسيسور ممكن يتغير بس دة بيستلزم فتح الجهاز..بعدين يتغير لأيه دة بتحدده نوع الchipset

بالنسبة للأتوم..كتير هيقول partition magic بس هو مش عملي أوي في الحتة دي
أفضل برنامج على الإطلاق من وجهة نظري ورقم واحد عالميا دلوقتي هو برنامج
acronis Disk DirectorSuite
نسبة الخطأ والخطر تكاد تكون معدومة إن لم تكن معدومة فعلا
ونسبة نجاحه 100% على الأقل معايا
أتمنى أكون وفيت
السلام عليكم

الرامات عندي واحد جيجا
عاوز ازودها لان عندي افلام 3D مش بتشتغل غير علي رامات 3 جيجا فيما اكثر و بروسيسور 2.5
بالنسبه للبرنامج اللي بيقسم الدرايفات ده ممكن يشتغل و الويندوز شغال وللا من ال dos

المشاركة الأصلية كتبت بواسطة nazaryia

الرامات عندي واحد جيجا
عاوز ازودها لان عندي افلام 3D مش بتشتغل غير علي رامات 3 جيجا فيما اكثر و بروسيسور 2.5
بالنسبه للبرنامج اللي بيقسم الدرايفات ده ممكن يشتغل و الويندوز شغال وللا من ال dos

نوع الرامات عندك DDR1 ولا DDR2؟
بعدين لو أفلام 3d بتحتاج graphic card عالي أكتر من إحتياجها للرام والبروسيسور ماداموا معقولين
البرنامج بيشتغل على الويندوز عادي جدا

انا عندى ويندوز اكس بى س باك 2 المشكلة عندى ان مفيش صوت خالص للجهاز مع العلم ان كارته الصوت متعرفة كويس وشيلتها وعرفتها من الاول ومفيش فايدة مع العلم باستعمل فى نفس الوقت وندوز 89 بس فيه صوت حاجه غريبة مع العلم احيانا بيظهر لى عند بدء تشغيل وندوز اكس بى رسالة cmos checksum error
ارجو المساعدة

المشاركة الأصلية كتبت بواسطة aboumariam

انا عندى ويندوز اكس بى س باك 2 المشكلة عندى ان مفيش صوت خالص للجهاز مع العلم ان كارته الصوت متعرفة كويس وشيلتها وعرفتها من الاول ومفيش فايدة مع العلم باستعمل فى نفس الوقت وندوز 89 بس فيه صوت حاجه غريبة مع العلم احيانا بيظهر لى عند بدء تشغيل وندوز اكس بى رسالة cmos checksum error
ارجو المساعدة

CMOS دي بتظهر في حالتين
الأولى إن البيوس مش قادر يعمل save للإعدادات بتاعة البورد ودي بتتحل يا إما بjumber يا إما تغيير البطارية(الحجر)اللي في البورد
بالنسبة للصوت الأسباب ممكن تكون بالترتيب:
1-التعريف مش نفس الموديل(عارف هتقول لي متعرف وكله تمام)بس أوقات الويندوز بيقبل تعريف مش بتاع الكارت نفسه بس بتاع الvendor وبيبنلك إن الحياة جميلة وكل حاجة شغالة وبيكون بيشتغلك..إتأكد من إسم الكارت من ال 98 وشوفه هو هو ولا لأ
2-الويندوز فيه مشكلة ودي برضه بتحصل كتير
3-إعدادات الكارت متغيرة..جرب في كل المخارج وشوف في صوت ولا لأ
وإن شاء الله تتحل