الناس اصحاب الأوبترا ( الجزء 2)

**mah907** · 13-04-2009 05:03 AM

السلام عليكم ورحمة الله وبركاته

السادة الأفاضل / مساااء الخير عليكم جميعااا

بصراااحة عجبني جداا فكرة اصحاب الأوبترا الجزء 2

وده طبعا بسبب تفاعل الأعضاء في الموضوع الأول ليا

وهو اصحاب الأوبترا

علشان كده انا حبيت اعمل موضوع ثاني وبرضه بيخص اصحاب الأوبترا

يجي واحد يسئل ؟؟ طيب هيكون الموضوع علي ايه ؟؟

ارد عليه واقول ياخبر قبل ثانية بفلوس

وياخبر بعد الثانية ببلاش

الموضوع ياجماعة باختصار انا كتببته بعد ما قرات الموضوع

بتاع احد الأعضاء اللي كان لو كان رجع بيك الزمن لورا

كنت هتجيب اوبتراا

بصراحة الموضوع انا تفاجئت بردود الأعضاء حتي انا كنت متوقع الكل

هيقول طبعا هجيب اوبترا لقيت ناس بتقول هيجيبوا حاجات

ثانية وبعض الناس بقت تحكي مشااكل وبعض المعاناة مع الأوبترا

علشان كده حبيت اكتب الموضوع ده وهو /

ان كل الناس اللي معاها مشكلة مع الأوبترا ياليت يقولها هنا

علشان يكون الموضوع مرجع هاام لي ولكل من يرغب اقتناء هذه السيارة

يعني الموضوع بيتحدث عن عيوب الأوبتراا

فياليت الاقي تفاعل من الجميع

ولكم مني جميعا كل التقدير و الأحترااااام

فانتظار آرائكم ،،،

**Hosam_Optrawy** · 13-04-2009 02:39 PM

بص ياباشا
الموضوع باختصار
ان كل واحد بيجيب العربيه حسب احتياجاته
حسب المبلغ اللى معاك وعايز اوتوماتيك ولا مانيوال وهاتش باك ولا سيدان ويهمك الصناعه واعادة البيع ولا لأ
انا مثلا مبركبش غير اوتوماتيك وسيدان ومتكونش تقفيل مصرى ومتكونش مصاريفها غاليه فى قطع الغيار والصيانه ويكون اعادة البيع بتاعتها كويسه
مثلا فى الوقت الحالى لو عايز اشترى عربيه
ومعايا مثلا 150 الف
هاجيب النيو سيراتو
مع ان ال 150 يجيبولى سيفيك وكورولا ولانسر شارك ومازدا
بس انا شايف ان السيراتو هتوفرلى كل اللى انا عايزه وبمبلغ اقل بكتير من دول
لو معايا مثلا 100 الف
هاجيب النترا اوتوماتيك اول فئه
اقل من 100 يبقى اوبترا او سيراتو الشكل القديم مع انه شبه انتهى مفيش منه غير قليل
انا عارف انى خرجت عن موضوعك انا بس حبيت اوضح ليه ناس بتقول مكنتش هاجيب وكنت جبت حاجه تانيه
كل واحد واحتياجاته
وبالنسبه لموضوعك الاساسى وهو العيوب
شخصيا معنديش اى مشاكل او عيوب فى الاوبترا حتى الان

**Hosam_Optrawy** · 13-04-2009 05:36 PM

ياريت تقول احتيجاتك بالظبط عشان نقدر نساعدك ونرشحلك العربيه المناسبه
عايز فى حدود مبلغ كام ؟ سيدان ولا هاتش اوتوماتيك ولا مانيوال يفرق معاك التقفيل وبلد الصنع واعادة البيع ولا لأ كدا يعنى

**TRAPLE M** · 13-04-2009 07:53 PM

الموضوع مش الاوبترا حلوة ولا لا فالسيارة خالية تقريبا من العيوب والخامات كويسة بس ولاد.....تيييييييت بستخسروا يحوطوا حجات ماتجبش 5 جنية تقرف المالك وحاجة كمان انت كونت راكب اية قبل العربية دى انا مثلا كنت راكب اسكودا a5 وبرضوا كنت بشتكى منها فى حجات و تخيل كنت بقول عليها صفيحة زبالة بس نظرا للظروف بعتها ولما ربنا بعت اشتريت اوبترا طبعا فازت بالقب عن جدارة (صفيحة زبالة ) وعرفت قيمة ال a5 وعجبى !
لما ركبت عربية واحد صحبى لادا عرفت قيمة الاوبترا وهكذا فيكون السؤال المنطقى كنت راكب اية قبل الاوبترا و اية اخبار العربية معاك علشان يكون التقيم صح

**mah907** · 13-04-2009 08:19 PM

و الله احترت في آرائكم يعني معاك اسكودا وتقول زبالة

ودلوقتي بتقول الأوبترا صفيحة زبالة

ومال وكان معاك بي ام كنت هتقول ايه ؟؟

انا كنتر اكب قبل كده كورولا 2007 1600cc مانوال

ياتري كده تعرف تقيم ؟؟؟

**momenhamdy** · 13-04-2009 08:37 PM

شاكر جداً ليك اخي الفاضل علي فكره الموضوع الشيقه
ويمكن انا مكنش من اصحاب السياره و يمكن انا اكون كسرت قانون الاشتراك في الموضوع بتاعك لاني عارف انوا فقط لاصحاب الاوبترا
و الا انا اتمني اني اكون متابع معكم الموضوع الخاص بتقيم الاوبترا بالنسبه للعيوب الخاصه بيها
وفقك الله تعالي الي الاختيار السليم

ولك كل التقدير و الاحترام

**mah907** · 13-04-2009 08:51 PM

المشاركة الأصلية كتبت بواسطة momenhamdy

شاكر جداً ليك اخي الفاضل علي فكره الموضوع الشيقه
ويمكن انا مكنش من اصحاب السياره و يمكن انا اكون كسرت قانون الاشتراك في الموضوع بتاعك لاني عارف انوا فقط لاصحاب الاوبترا
و الا انا اتمني اني اكون متابع معكم الموضوع الخاص بتقيم الاوبترا بالنسبه للعيوب الخاصه بيها
وفقك الله تعالي الي الاختيار السليم

ولك كل التقدير و الاحترام

سعيد جداا بيك ويااهلا وياسهلا بيك مليون مرة

دا الموضوع ينور بوجود امثالك

وعلي فكرة الموضوع عام وللجميع مش لحد معين اخي الفاضل

**TRAPLE M** · 13-04-2009 09:59 PM

المشاركة الأصلية كتبت بواسطة mah907

و الله احترت في آرائكم يعني معاك اسكودا وتقول زبالة

ودلوقتي بتقول الأوبترا صفيحة زبالة

ومال وكان معاك بي ام كنت هتقول ايه ؟؟

انا كنتر اكب قبل كده كورولا 2007 1600cc مانوال

ياتري كده تعرف تقيم ؟؟؟

انا قصدى ان اللى قال ندمان على شراء الاوبترا يكون اول سؤال لية انت كونت راكب اية قبل الاوبترا وبعدين انا قولت انى لما ركبت ال لادا عرفت ان الاوبترا دى تكنولوجى عالية من خارج الكوكب
يعنى موضوع تقيم اى فرد غيرك لا يفيدك فى شيء الا فى معرفة المشاكل الشائعة الى وجهت الناس زى خفة صاج السقف والكبوت باقى الصاج زى الفل
بالنسبة لموضوع الكورولا على الرغم من انها من احسن العربيات اللى فى العلم بس انا مبحبهاش من غير سبب وليس لعيب فيها
لما تركب اوبترا بعد الكرولا اكيد هتنبسط من حجات وحجات لا بس الاداء بتاع العربيتين متقارب مع فارق بسيط فى التسارع لل كورولا (1600)
هتحس بغباء شديد اول ما تفتح باب ال اوبترا انوا كلو لون واحد وليس لونين كما فى ال كورولا
هتحس بفرق الوسع الداخلى للاوبترا عن الاخرى
الوبترا اكثر راحة من ال كورولا
يعنى وشوية حجات بللمثل لا تعيب اى من السيارتين
اخر حاجة مع احترامى للجميع ما ينفعش تشترى عربية علشان حد غيرك قال عنها ملهاش حل لازم الختيار يكون نابع عن راحة نفسية ليك انت وبس ومتسمعش كلام اى حد بعد ما تختار لان احسن حاجة كل الناس بتعرف تقولها يا راجل حد يسيب................ و يجيب ........................ طب ازاى