الموضوع: اية رايكم فى التوكتوك ..هل انتم معاة ولا ضدة

المشاركة الأصلية كتبت بواسطة abo_hosni

أنا معاهم طالما عليهم رقابة المرور و مش بيمشوا عكسي أو يطلعوا من أي حتة و يدخلوا في أي حتة بدون سابق إنذار

مهو المشكلة يا فندم ان اكتر من نصهم مش مترخصين وبيطلعو من اى حتة ومرة واحدة تلاقيهم على الطريق السريع وحجات غريبة

التكتوك ده مرض العصر
لو الحكومه ناويه تسيبه كده من غير ظبط ولا ربط وشوية عيال ماخلصوش لسه الاعداديه
هما اللى بيسوقوه
التكتوك عندنا فى المنصوره هنا حاجه اخر قرف
وخد عندك موقف حصل على سبيل المثال
عيل لسه ما طلعش من البيضه مركبينه تكتوك وشغال عليه
البيه افتكر نفسه شوماخر وفي الفورميلا 1
واحده ست كبيره اشترت شوية حاجات وركبت معاه يوصلها بيتها
المعلم قعد يسخن للتكتوك ومره واحده راح طالع بيه
التكتوك رفع حصان وراح مقلوب على جنبه
طبعا الست اللى راكبه طلعت منه ماحدش عارفلها وش من قفا
جايبه دم من كل حته واتبهدلت اخر بهدله
من الاخر كده الحكومه ياتشوفلها حل فيه ياما تمنعه خالص
لان الواحد اتخنق منه خلاص

وبردو للامانه التكتوك ده مصدر دخل عالى اوي لصاحبه
يعني انا اعرف واحد ابنه شغال على تكتوك والراجل ده شغال على تاكسي عداد
اقسم بالله العظيم الراجل ده سأل ابنه قدامي
-انت كنت معاك كام امبارح فلوس لما كنت بتسلم ورديه؟
-قاله 90 جنيه
وربنا ابوه اللى شغال على تاكسي مش بيسلم فى ورديته غير 50 جنيه
شوف انت الفرق في الدخل ده غير ان مصاريف التكتوك دي لا تذكر
فياريت الحكومه الرشيده تحط للتكتوك روابط وضوابط تحكمه

المشاركة الأصلية كتبت بواسطة memed220

التكتوك ده مرض العصر
لو الحكومه ناويه تسيبه كده من غير ظبط ولا ربط وشوية عيال ماخلصوش لسه الاعداديه
هما اللى بيسوقوه
التكتوك عندنا فى المنصوره هنا حاجه اخر قرف
وخد عندك موقف حصل على سبيل المثال
عيل لسه ما طلعش من البيضه مركبينه تكتوك وشغال عليه
البيه افتكر نفسه شوماخر وفي الفورميلا 1
واحده ست كبيره اشترت شوية حاجات وركبت معاه يوصلها بيتها
المعلم قعد يسخن للتكتوك ومره واحده راح طالع بيه
التكتوك رفع حصان وراح مقلوب على جنبه
طبعا الست اللى راكبه طلعت منه ماحدش عارفلها وش من قفا
جايبه دم من كل حته واتبهدلت اخر بهدله
من الاخر كده الحكومه ياتشوفلها حل فيه ياما تمنعه خالص
لان الواحد اتخنق منه خلاص

للاسف معظم الحوادث بيكون سببها شويه العيال دول اللى بيسوقوا التوكتوك
وانا شخصيا كثير الاقيهم قدامى مره واحده بدون سابق انذار ومايعرفوش حاجه اسمها اشاره ولا يمين ولاشمال ولا اتجاه مخالف ولااى شئ بيمشى بمزاجه

طبعًا التوكتوك مفيدًا جدًا خاصةً في القرى والأرياف اللي ما بيدخلهاش عربيات ومش معنى إن في أطفال أو عيال أو بعض الناس استغلوه بشكل سئ يبقى التوكتوك مرفوض جملة وتفصيلا

لكن زي ما قال الزملاء يكون في تقنين للموضوع

يعني يكون له رخصة قيادة ويكون فيه شروط أمن وسلامة

المشاركة الأصلية كتبت بواسطة memed220

التكتوك ده مرض العصر
لو الحكومه ناويه تسيبه كده من غير ظبط ولا ربط وشوية عيال ماخلصوش لسه الاعداديه
هما اللى بيسوقوه
التكتوك عندنا فى المنصوره هنا حاجه اخر قرف
وخد عندك موقف حصل على سبيل المثال
عيل لسه ما طلعش من البيضه مركبينه تكتوك وشغال عليه
البيه افتكر نفسه شوماخر وفي الفورميلا 1
واحده ست كبيره اشترت شوية حاجات وركبت معاه يوصلها بيتها
المعلم قعد يسخن للتكتوك ومره واحده راح طالع بيه
التكتوك رفع حصان وراح مقلوب على جنبه
طبعا الست اللى راكبه طلعت منه ماحدش عارفلها وش من قفا
جايبه دم من كل حته واتبهدلت اخر بهدله
من الاخر كده الحكومه ياتشوفلها حل فيه ياما تمنعه خالص
لان الواحد اتخنق منه خلاص

عندك حق يا باشا
والله دا جهل من الحكومة المصرية و هنعمل زى الهند بعد كدة
نعمل كبينة + عجلة أدامها و يبقى واحد سايق العجلة والناس قاعدة على الكبينة زى الهند هههههههههههههه

و إلى يبقى معدل و مظبط عربيتة و منضفها جدا ساعة الفحص الناس تقولة شيل الحاجات النضيفة و ركب الأصل
و سايبين إلى عمالين يكسروا و يخبطوا الناس و يدخلوا فيهم فى نص الشارع
والله يا جماعة مش بعيد تلاقوا توك توك داخل جوة محل ولا حاجة و أكيد حصلت كتير جدا بس مصادفتنيش

انا مع التكوكتوك لو اشتغل فى المناطق المحرومة من المواصلات ذى بعض مراكز المحافظات ويبقى له خط سير وعليه رقابة .