الف مبروك يا باشا
عيله الهوندا زادت عضو جديد
السيتي عربيه جميله و ان شاء الله حتكون مبسوط قوي
بس يالا علي طول الغطا و الفرش و الارضيه
عرض للطباعة
الف مبروك يا باشا
عيله الهوندا زادت عضو جديد
السيتي عربيه جميله و ان شاء الله حتكون مبسوط قوي
بس يالا علي طول الغطا و الفرش و الارضيه
ألف مبروك يا هندسة .. ربنا يعطيك خيرها و يكفيك شرها ... متنساش الغطا و الفرش الجلد و الأرضية الجلد و متستعملش معطرات جليد اللى بتتحط على التابلوه عشان بتشيل اللون منه
الف مبروك وربنا يحفظهالك يريت تقولنا انطباعك عنها ايه واخبار استهلاك البنزين ايه وصوت الموتور عالى ولا واطى وهل بتحك فى المطبات ولا عالية على الارض وفيها مريات كهرباء تحكم ولا ضم واخبار الكاسيت ونقاء الصوت بتاعها ايه ويريت تقولنا مميزاتها وعيوبها اللى لاحظتها لحد دالوقتى وجبتها بكام ومنين
والف مبروك مرة تانية
الله يبارك فيكم
الحمد لله اشتريت الغطا و ركبت فرش و اشتريت دواسات و بعد اللى قراته على المعطرات هنا اشتريت الشجر زى الفل
بالنسبة للاستاذ/ محمد اسماعيل انا فولت يوم ما استلمتها فلسه مقدرش احكم على الاستهلاك و ياريت اهل الخبرة يفيدونا المفروض التفويلة ديه تقعد معايا اد ايه؟ بالنسبة لصوت الموتور واطى جدا لدرجة ان انا و هى مورة و شغالة نسيت و حاولت اشغلها تانى، بالنسبة لعلو السيارة زى الفل امبارح كان معايا والدتى و اختى الكبيرة(حامل) و اختى الصغيرة و شنطتين تقال فى الشنطة و كنا فى مدينة نصر عديت على كذا مطب ولا فى احتكاك و لا حاجة (ومخدتش المطبات بزاوية)، ظبط المرايات كهرباء و الضم عادى بالايد،مفيش كاسيت ده راديو سى دى اوديو، جبتها من التوكيل اللى فى طريق النصر امام الامداد و التموين ب 84900جنيه .
العربية بسم الله ما شاء الله زى الفل من جوه شيك جدا و التابلوه تحفة (رايى الشخصى) و الشنطة واسعة جدا،مش هقدر اقول مميزات و عيوب لانى شايفها كلها مميزات لحد دلوقتى.
هو كان فى حاجة قالها الاستاذ/ هانى ادم انك لما تكون راكب العربية مش هتبوس على اى عربية تانية انا مكنتش متاكد من الكلام ده :oops: :oops: :oops: بس لما ركبتها عرفت ان كان عنده حق :lol: :lol: و اى استفسار تانى انا فى الخدمة
ربنا يبارك لك فيهااقتباس:
المشاركة الأصلية كتبت بواسطة eng_amrazek
و بجد السيتي عربيه محترمه جدا
و التوكيل اكتر من محترم
انا فرحان انك جبتها لانها عربيه حتفرح بيها و حتفرحك بنفسها
يا باشا الله يبارك فيك و يخليك
و انا فرحان اكتر انى انضمت لنايل موتورز و انضمت لعائلة هوندا :lol: :lol:
بس سؤال يا ريت المفروض استهلاك البنزين اد ايه؟ يعنى اللتر يمشى اد ايه (كام كيلو)؟
كل عربيه و ليها استهلاك علي حسب
التكييف
الحموله
اتجاه الريح
طريقه القياده
و معاملات اخري كتييييييييير
طيب و الحل
الحل يا سيد الكل انك كل ما تمون العربيه تكتب الكيلو و عدد الليترات
و تحسب متوسط الاستهلاك قد ايه
و هوه ده المؤشر الحقيقي
يعني انا مع الهوندا سيتي 1600 و بالتكييف و غالبا انا لوحدي في العربيه و مشاوير طوالي علي الصحراوي في الاغلب و متوسط استهلاكي 14 كيلو في اللتر يعني 280 كيلو في الصفيحه تقريبا حاول انك تكتب و ترصد الاستهلاك لان ده زي قياس الحراره بيدل علي حاجات كتير
الف شكر يا باشا على الرد السريع
جزاك الله خيرا
وانا هحاول اعمل ملف خاص للعربية و ربنا يسهل الامور
شكرا مرة تانية :lol: :lol: :lol: :lol:
الف مبروووك مرة تانية ومعلش سؤال تانى هوه السى دى اخباره ايه والفرش اللى كان موجود بيج ولا اسود ولا الاتنين موجودين وهل وانت سايق بتكون شايف مقدمة العربية ولا لآ
يا محمد باشا براحتك اسال زى ما انت عايز معلش انى اتاخرت فى الرد انت عارف ماتش امبارح و انهارده طول اليوم فى المرور برخص.
بالنسبة للسى دى صوته جميل و نقى و الراديو كمان بس خد بالك ان السماعات اللى موجوده فى الباب بس اللى ورا انت تركبهم بس مكانهم جاهز و توصيلاتهم موجودة، الفرش اللى كان موجود كان بيج و انا الفرش اللى جبته لونه بيج برده علشان يبقى ماشى مع لون العربية من جوه.
بالنسبة لمقدمة العربية انا مرجع الكرسى و الظهر جامد :wink: :wink: فا مش شايف المقدمة اوى بس الحمد لله بدات اتعود على ابعاد العربية و اى استفسار تانى انا فى الخدمة