ياجماعة اسعار الدايو اية
عرض للطباعة
ياجماعة اسعار الدايو اية
عايزعربية دايو موديل عالى
والله ليا واحد صاحبى من طنطا حكالى انه جاب دايو لانوس من المنصورة ب 27000 جنيه بس مش فاكر كانت موديل كام بس بيقول ان حالتها كويسه لان اخوه بيفهم كويس فى العربيات
ازيكم يا احلا ناس على احلى منتدى انا راى رغم خبرتى المتواضعة جدا ان دايو كويسة مش هتقل عن :Ta_clap[1]:35000
لازم تحدد انت بتسال على انه عربية فى الدايو لانوس ولا نوبيرا ولا ليجانزا
اعتقد انت بتسال على اللانوس
فيه لانوس 1 ولانوس 2
لانوس 1 كلها كورى وموديلاتها من 99 الى 2000 وتعمل من اول 36 الف الى 44 الف حسب الحالة
لانوس 2 من 2001 الى 2009 تفرق حسب موديل السنة والحالة وعدد الكيلومترات بس عامو تبدا من 40 الف الى 55 الف
55 الف لو موديل 2008 وعاملة 10 الف كيلو مثلاً
انا طبعا رئيى انها كده فرصه طبعااقتباس:
و انت رأيك ايه فى السعر ده ؟؟؟؟؟
لاكنى بصراحه اول ماقال السعر انا استغربت لانى ماكنتش عامل حسابى ان اللانوس ممكن تنزل للسعر ده
على فكره انا طلبت منه انه يشوفلى عربيه زى اللى هو اشتراها كمان قلتله اتأكدت ان ورق العربيه سليم
قالى طبعا بس انا اعتقد ان اللانوس فى الفتره دى وانا اقصد لانوس 1 هى فى الثلاثينات بداية الثلاثينات مش اكثر من كده
ممكن تلاقى ناس عارضه باسعار عاليه عن كده لاكن المهم مين اللى بيبيع بالاسعار العاليه اعتقد ان الفتره دى صعب
محتاج لانوس فى حدود 50000 الف بحالة جيدة تفتكروا المبلغ دة يجيب موديل اية
أكيد معاقين وعليها حظر...
او عربيات حوادث وحتتشد...
يا راجل حرام عليك.
لانوس ايه ب 27 الف.
أمال تبقي الاكسنت بكام والكسيل بكام والسكودا بكام وال 504 كام وال 131 وال 132 بكام وال 128 بكام
وال 127 أكيد حتصفف علي 1500 جنيه.
دي عربيات الحوادث اللي وشها في ظهرهه من اللانوس بتعمل في دمياط في السرو 22 الف .. ولسه عاوزه عربيه
لانوس 1 عندنا في اكتوبر عاملة من 28-30 الف اما لانوس 2 عاملة من 32-48 الف
ايه 27 الف ومن المنصوره ايه يا عم دا كتيير قوى
اللانوس بقى سعرها عالى قوى كده اكيد انتا بتتكلم على كرولا جديده ولا حاجه
ياراجل دانا كنت بجيب واحده حوادث مدشدشه والله لو حد شافها يغمى عليه
ب ال 27 الف دول والراجل كان هايطلبلى البوليس لما قلتله كده علشان كانت
لسه عايزه مصاريف ب15الف
انتا بس ياباشا اسالى صاحبك هو اشتراها من مين فى المنصوره
وانا اروحله اطلعله امر اخلاء وتعزيل فورا من عندنا احسن يتاخد عننا فكره وحشه قوى
اكيد العربييه دى فيها حاجه طبعا يا اما صاحبها كان متنوم مغنطيسى يا اما فيه خطه اليومين دول لتشويه اسم الدايو من قبل شركه شيفروليه
يا جماعه فى لانوس فى الدنيا ب27 الف دا اكيد شاسيه بس .ههههههه.
دا نا بيعت السكودا بتاعتى ب27 وكمان مستشوي السعر
احترامى للجميع ولكل اخوانى بس انا بقى ليا راى وعن تجربة مع ناس اصحابى وقرايبى كمان بالنسبة للعربيات اللى بتيجى او بتتباع فى محافظات الشرقية والمنصورة والغربية ودمياط والمنوفية كلها مقطعة ومشدودة شد كامل بعد حوادث جامدة وبحكم شغلى ليا علاقات بشركات التامين وعرفت ان المزادات كلها بتاعة التوتل لوس بقت احتكار لتجار المحافظات اللى قولتها زى سوق العاشر الجلابية الحرير والكاب البلاستيك والشبشب ابو صباع وفايدة شنطة بلاستيك اوبسوستة تعرف انة تاجر من محافظة وحدش يزعل منى سلام
عندنا بقى الانوس 1 موديل 99 الراجل يقولك 39 وتخلص ب 34 او 35 الف انما 27 دى حكايات الف ليله وليله ..