الموضوع: سؤال عن صيانه ال 5000

حضرتك صيانة ال 5 الاف فيها الاتى:

غيار زيت + فلتر
الكشف على جميع السوائل و الزيوت
تربيط عفشة
الكشف على العربية ككل

لو حضرتك عندك ملاحظات على اى حاجة بتقولهم طبعا

بس اهم حاجة بما ان حضرتك عربيتك موديل 2008, تأكد على مهندس الاستقبال انك هتحط 3 لتر زيت فقط و قول له ان كتالوج العربية مكتوب فيه ان السريون مو 2008 بتاخد 3.1 بالفلتر

و لو قالك اى حاجة, قول له انا من نايل موتورز و اتفقنا على كده مع مهندس احمد عبدالوهاب.

اما بخصوص تغيير علبة الدركسيون ... هل حضرتك بتسمع اى اصوات زى الموضوفة هنا فى المنتدى و لا بتسأل عادى؟

المشاركة الأصلية كتبت بواسطة amrosh

شكرا جزيلا لحضرتك
انا هاعمل الصيانه فى نايل اوتو فى المنصوره مش فى القاهره اقولهم برضه على موضوع الزيت و حضرتك بتقول 3,1 لتر طيب ال 1, لتر ده هايتحط ازاى
بالنسبه لعلبة الدركسيون انا بسمع اصوات من زمان من قبل صيانة ال 1000 و قلت لهم و قالولى انهم بعتوا طلب لقطع الغيار و ما حدش رد عليا لغايه دلوقتى
على فكره انا متابع معاكم فى المنتدى من زمان و حضرتك و الاخ ابو عبد الله من اهم اسباب شرائى للسيريون شكرا جزيلا

هتعمل زي ما قالك معاذ ان شاء الله
وتصمم على كلامك

ولو احتجت حاجه ابعتلي وانا معاك في المنصورة ان شاء الله

المشاركة الأصلية كتبت بواسطة amrosh

شكرا جزيلا لحضرتك
انا هاعمل الصيانه فى نايل اوتو فى المنصوره مش فى القاهره اقولهم برضه على موضوع الزيت و حضرتك بتقول 3,1 لتر طيب ال 1, لتر ده هايتحط ازاى
بالنسبه لعلبة الدركسيون انا بسمع اصوات من زمان من قبل صيانة ال 1000 و قلت لهم و قالولى انهم بعتوا طلب لقطع الغيار و ما حدش رد عليا لغايه دلوقتى
على فكره انا متابع معاكم فى المنتدى من زمان و حضرتك و الاخ ابو عبد الله من اهم اسباب شرائى للسيريون شكرا جزيلا

بخصوص ال 0.1 لتر

هو عامة لما بينزل الزيت من الموتور, مش كله بينزل, فلما تحط 3 لتر هتلاقى المقياس ظبط معاك.

اما بخصوص علبة الدركسيون, مش عارف اذا كان فى المنصورة عندكم بيغيروها و لا لأ.

لكن استنى شوية كده لما الامور تتظبط فى المركز الرئيسى فى العبور بخصوص تغيير العلبة, لأن لسه فى بعض الملاحظات فى تغييرها.