الموضوع: لو لقيت بيجو 305 أرمى فيات 128 فى الزبالة ""موضوع منقول""

المشاركة الأصلية كتبت بواسطة roky

ماشي الكلام ...
بس لما تقارن الـ 305 مع الـ 131 ... أبقي حط السعر في حسبانك :POINTI~2[2]:

الفئة ماتفرقش مع المالك في حاجة ... اللي يفرق فعلا هو الكفائة مقارنة بالتكلفة

حقولك على حاجة
في السبعينات و الثمانينيات كان ملك مصر المتوج هو بيجو 504 و كان فيه عربية جت مع بعض الناس من الخليج و هي السيارة أوبل ركورد 1700/2000 سي سي
هذه السيارة كانت تفوق ال504 بمراحل في كل شئ و لكن لم يكن لها سعر في مصر بتاتا لكونها غير متداولة و لم تكون سمعة نفس هذا الشئ هو ما جعل 131 أعلى بكثير من ال 305 في سعرها مع أن التجربة الفعلية من جانبي على مدى سنوات طويلة تجعل الكفة تميل الى 305 مع احترامي و على فكرة أساسا اسم بيجو يفوق اسم فيات اذا ما ثبتنا باقي العوامل
و حتى أكون صادقا فموديلات الTC و Racing كانت متفوقة و سابقة لعصرها و رياضية و لكن 131 العادية و ريجاتا لا يضاهوا ال305 في القوة و الإقتصاد و العفشة

ولو لقيت كريسيدا تمانينات ارمى الاتنين فى الزبالة

أختلف معاك لو لاقيتها لسبب
ال 128 تستاهل تترمى فى الزباله من غير ماتعيط عليها لإنها سياره موش متينه وبتقرف أى حد يركبها
ال 305 ماتترميش فى الزباله حتى لو سعرها فى السوق بقى ببلاش لإنها سياره قويه ومريحه وموش مقرفه ( للى بيعرف يتعامل معاها ) وأداؤها ممتاز
ولو عربيتى سعرها بقى ببلاش هاصرف عليها برضه - لإن أى مصاريف على العربيه إسمها مصاريف تشغيل مستهلكه - موش زى ما المصريين بيفكروا - إن العربيه عباره عن حصاله - القرش اللى بتحطه فيها لو مازودشى قيمتها فى السوق يبقى حرام عليها ( الحسبه دى غلط )

انا لما كنت فى مصر جربت الفيات و البيجو ولما جيت السعودية جبت الكريسيدا 83 فرق شاسع جدا السيارة دى فعلا مبتعطلش و ناعمة و سرعتها ممكن توصل معايا ل140ولعلمك السيارة دى معروفة جدا فى الخليج وسعرها فه المستعمل اعلى من السيارات الى فى نفس موديلها يعنى مثلا انا اشتريتها ب4000ريال المازدا 93 ب3000ريال بس والهوندا ب 3000ريال برده و السيارة الكريسيدا تستاهل فعلا

يا ميدو
حرام عليك, ده انا ركبت معاك ال 131
دي مش عربية ياباشا.
انا ليا صديق عنده بيجو 305 بصراحة عربية زي الفل تمام تمام تمام.
المشكلة كلها ودي مشكلة كل العربيات القديمة ان الناس بتسترخص قطع الغيار وقت الصيانة.
في حين ان اي اهتمام ولو كان معقول بالعربية ان شاء الله هتكون زي الفل .
والدي رحمه الله كان عنده بيجو 504 كان بيقف على غسيلها بنفسه وكان كل ميعدي شهرين بروح بيها للميكانيكي علشان يظبطها أولا بأول .
وكان دايما اسمعه يقول " كل ما تهتم بالعربية أكثر, كل مالعربية هاتديلك أداء و كفاءة أحسن "
والكلام ده لكل العربيات القديمة باذات.
يعني مثلا انا عندي فيات 127 نصر , بصراحة العربية بسم الله ماشاء الله لسه فيها الروح .
علشان الكشف الدوري للعربية اللي أخويا بيعمله للعربية كل شهرين أو 3 شهور .






بس عامة البيجو 305 فئة و الفيات 131 فئة تانية خالص .
البيجو 305 حجمها صغير شوية سعة متورها 1300 و 1500 سي سي.
الفيات 131 حجمها كبير اولا , في العرض و الطول , وسعة محركاتها 1400 و 1600 و 1800 و 2000 .


الخلاصة أهم حاجة عند المقارنة , نقارن بين عربيتين متكافئتين في الفئة .
مثلا نقارن بين البيجو 504 و الفيات 131 و 132 .
مثلا نقارن بين هيونداي ماتركس و سكودا الرومستر .


وأرجو محدش يزعل من ردي و خصوصا حبيب قلبي أحمد حسام ( ميدو ) .

والسلام عليكم و رحمة الله وبركاته.