الموضوع: لو لقيت بيجو 305 أرمى فيات 128 فى الزبالة ""موضوع منقول""

عزيزي Ama
أؤيدك بشدة فأنا أمتلك 305 من حوالي 6 سنوات و أمتلكت من قبل كذا 128 أحدثهم كانت موديل 1989 بينما ال 305 موديل 1979
و الحق أن المقارنة ظالمة بين الأثنين لصالح ال305 طبعا في النعومة و الثبات و استهلاك البنزين الذي يضعها في مصاف السيارات اليابانية الحديثة وكذلك العفشة التي هي الميزة الأساسية في عموم سيارات البيجو مع بساطة تكوينها و المساعدين القابلة للملو كلما ضعفت و يحدث هذا كل 3 سنوات و يكلف حوالي 70 جنيه.
و لكن هي قطع غيارها غالية شوية بس معمرة جدا و أحيانا بعض الحاجات بتلاقيها بصعوبة و لكن في المجمل العام هي أدائها أحسن من عائلة الفيات المعاصرة لها في السبعينات و الثمانينيات خاصة في النعومة و استهلاك البنزين و طول عمر المحرك.
هذه السيارة ظلمت من أول ما جت مصر في أواخر السبعينات نتيجة أنها من أوائل السيارات البيجو التي جرها أمامي و طبعا كان العرش كله تحت شقيقتها الكبرى الرائعة 504 ذات الجر الخلفي, فظهرت اشاعة ان ال305 عربية وحشة و ظلت هذه السمعة ملازمة لها حتى وقتنا هذا ولذلك ممكن تلاقيها أرخص من ال128 مع أنها تفوقها بمراحل كثيرة جدا جدا جدا بل تفوق ال 131 و ال132 و الشاهين بدون مبالغة و الحق أقول أنها سيارة متميزة و ناعمة و أنا أذهب بها يوميا من حلوان الى المنيل و العكس و عمرها ما قلت بأصلها حتى أثناء أن كان موتورها تعبان

المشاركة الأصلية كتبت بواسطة فادى

اولا لا يجوز المقارنة بينهم لأن دى فئة و دى فئة,
ال128 سيارة صغيرة فى حجم البونتو, و ال305 سيارة عائلية فى فئة ال307 و ال308 و لما تيجى تقارنها تقارنها بالريجاتا مثلا أو ال131.
و معلش مع احترامى و انا بحترم البيجو جدا, بس ال131 تضرب ال305 بالجزمة القديمة فى كل حاجة, السرعة و الأداء و الثبات و الاعتمادية.
و انا كان معايا 128, صحيح انها بتعطل كثيرا نظرا لقطع الغيار المغشوشة الصينى و التايوانى, لكن بعد فترة هتتعلم تجيب منين قطع غيار معمرة و كويسة.
و كنت بجيب بيها 120 و 140 من غير و لا رجة, بل بالعكس كانت ثابتة جدا.ده غير انو قيادتها ممتعة, و صوت موتورها عالى حبيتين و دى فى نظرى ميزة مش عيب لأنها بتدى احساس محبب أثناء القيادة.
و معظم الأعطال كانت بسيطة و مفهومة من سيارة قديمة(سير يتقطع, سلك الدبرياج, ثرموستات الحرارة) كلها حاجات بسيطة و غير مكلفة, و لو قدرت تعتنى و تجيب قطع غيار أفضل هتلاقى العربية ماشية كويس معاك فى معظم الأوقات.
و كون انو سعرها موازى لسعر ال305 الأكبر, فده مش عيب بالعكس ده يعكس الاقبال عليها فهى سيارة محبوبة لأنها تقدم أداء جيد و متعة فى القيادة و راحة معقولة بالمقارنة مع السعر.
أما انك تقولى أصل ال305 انعم و اوسع, طب ما هو طبيعى انها تكون انعم و اوسع, لأنها فئة اكبر, لكن تعالى قارن نعومتها مع نعومة ال131, أو وسعها, أو راحتها, هتلاقى انو ال131 أفضل فى كل شىء.

كلام سليم
فئتين مختلفتين
البيجو القديم مفيهوش غير الاسطوره 504 وبس مع احترامي لكل ملاك البيجو

وجدت 305 عربيه فائقه النعومه علي الطريق وموتورها هادئ هدوء الدايو والهيونداي الجديده..وسرعه صاروخيه وثبات علي الطريق ما حصلش.. استهلاك بنزين معتدل جدا ورغم ان موتورها 1300 او 1500 سيسي الا ان استهلاكها للبنزين يعادل ال 128 ام 1100 سي سي

مع كامل احترامى لكلام حضرتك الكلام ده مش اوفر شوية انا جربتها مرتين قبل كده هى مش للدرجة دى

المشاركة الأصلية كتبت بواسطة فادى

اولا لا يجوز المقارنة بينهم لأن دى فئة و دى فئة,
ال128 سيارة صغيرة فى حجم البونتو, و ال305 سيارة عائلية فى فئة ال307 و ال308 و لما تيجى تقارنها تقارنها بالريجاتا مثلا أو ال131.
و معلش مع احترامى و انا بحترم البيجو جدا, بس ال131 تضرب ال305 بالجزمة القديمة فى كل حاجة, السرعة و الأداء و الثبات و الاعتمادية.
و انا كان معايا 128, صحيح انها بتعطل كثيرا نظرا لقطع الغيار المغشوشة الصينى و التايوانى, لكن بعد فترة هتتعلم تجيب منين قطع غيار معمرة و كويسة.
و كنت بجيب بيها 120 و 140 من غير و لا رجة, بل بالعكس كانت ثابتة جدا.ده غير انو قيادتها ممتعة, و صوت موتورها عالى حبيتين و دى فى نظرى ميزة مش عيب لأنها بتدى احساس محبب أثناء القيادة.
و معظم الأعطال كانت بسيطة و مفهومة من سيارة قديمة(سير يتقطع, سلك الدبرياج, ثرموستات الحرارة) كلها حاجات بسيطة و غير مكلفة, و لو قدرت تعتنى و تجيب قطع غيار أفضل هتلاقى العربية ماشية كويس معاك فى معظم الأوقات.
و كون انو سعرها موازى لسعر ال305 الأكبر, فده مش عيب بالعكس ده يعكس الاقبال عليها فهى سيارة محبوبة لأنها تقدم أداء جيد و متعة فى القيادة و راحة معقولة بالمقارنة مع السعر.
أما انك تقولى أصل ال305 انعم و اوسع, طب ما هو طبيعى انها تكون انعم و اوسع, لأنها فئة اكبر, لكن تعالى قارن نعومتها مع نعومة ال131, أو وسعها, أو راحتها, هتلاقى انو ال131 أفضل فى كل شىء.

سيدي مع إحترامي الكامل و تقديري التام لجزمة الفيات القديمةالتي أوردتموها سيادتكم
لكن يبدو أن الخبرة لا تقف الى جانب سيادتكم و لا أدعيها فخرا و لكن على مدى 30 سنة استخدمت و ركبت معظم موديلات الشركتين المذكورتين و خاصة معظم موديلات ال131 من أول Mirafiori الى Super Mirafiori وصولا الى مجموعة TC 1400/1600/1800 و حتى ٌRacing 2000 في أوائل الثمانينيات و كذلك ريجاتا في أواسط الثمانينيات و مع تقديري الكامل ل 131 و خاصة الموديلات الأحدث منها و التي ذكرتها مسبقاالا أنها لاتضاهي مثيلاتها من انتاج بيجو الفرنسية و هي السيارة 305 و التي ظلمت لأن التسويق في مصر لا يعتمد على مقاييس عملية و موضوعية بقدر ما يعتمد على اشاعات الناس و الكلام الغير منطقي
و ال305 في كل المعايير التي وزنتها سيادتكم تتفوق على منافستها الإيطالية بناء على تجاربنا الطويلة على مدى عقود مرت
و أرجو أن تأخذ ردي على محمل عملي و موضوعي و ليس بنية الإنتقاد لا سمح الله أو التحدي