سؤال بخصوص غسيل العربية

**nader makram** · 16-09-2007 12:27 PM

هو ممكن يحصل حاجة للطلاء او هيكل العربية لو كنت بغسلها مرة فى الاسبوع؟

**hamada2010** · 16-09-2007 02:38 PM

هو ممكن يحصل حاجة للطلاء او هيكل العربية لو كنت بغسلها مرة فى الاسبوع؟

:roll: :P :lol:
لا طبعا مفيش مشكلة بس نشفها كويس جدا

وفى الشتاء قلل الغسيل خليها مرة كل اسبوعين او اكتر زى ماتحب

ومتقلقش خالص من الموضوع ده

**nader makram** · 16-09-2007 02:44 PM

شكرا على الرد

**hamada2010** · 16-09-2007 02:45 PM

العفو انا تحت امرك

ورمضان كريم 8) :lol: :lol: :mrgreen:

**اسلام المصرى** · 17-09-2007 01:03 AM

يا باشا أغسل العربية براحتك , و لا تنسى الشىء أن زاد عن حده أتقلب ضده و خير الأمور الوسط :) أنا بغسلها فى المحطة غسيل شامل كامل مرتين أو ثلاث مرات فى الشهر و الأيام التانية فوطة مبلولة وخلاص. أهم حاجة ممنوع منعا باتا غسيل الموتور بالمياه !!!!!! وربنا يحفظهالك :)

**أبو عبدالله** · 17-09-2007 01:12 AM

اكيد كل شئ زايد عن الحد بيبقى مش حاجه كويسه

انا انصحك لو انت بتغسل مره كل اسبوع انك تغسلها بنفسك وبمياه فقط وبفوطة جلد بتاع الزجاج لانها ناعمه
وهيا المشكلة في الغسيل حاجتين
اول حاجه الصابون بياكل في البويه لأنه ماده كيميائية فيها صودا
ثاني حاجه الفوطة اللي بتحك على البويه لما يبقى في صابون على العربيه

ده حلهم الفوطة الجلد اللي انا بقولك عليها دي هتريحك جامد جدا وبتنظف العربيه ميه ميه

ولو العربيه متوسخه بقع على الدهان بتاعها ولازم صابون انصحك بشامبو شعر عادي او صابون سجاد خفيف وتخففه وتحط حاجات بسيطه خالص على اد البقع ومتكترشي

وبعد ما تخلص هتعصر الفوطة الجلد وتنشف بها ايضا لو فيها صابون تشيله منها خالص بالعصر كذا مره علشان وانت بتنشف ميبقاش فيها صابون علشان متليطشي العربيه

وومكن تغسل بها على الناشف وانا بعمل كده تبلها ميه وتغرق العربيه ميه وتمشيها على العربيه كلها مره علشان لو اي حاجه ماسكه على العربيه تتشال وبعدين تعصرها كويس وتمشي تاني ومره كمان هتلاقي العربيه ميه ميه ومفيش اي مشكلة

وابقى ادعيلي

**fahd_628** · 17-09-2007 02:39 AM

دة غير كمان الأزاز لازم تلمعة بحاجة مبلولة لأن البواب عندنا صنفر الأزاز لأن بيبقى فية تراب و يقوم ماسحة بفوطة ناشفة ! فا خد بالك من الموضوع دة

**اسلام المصرى** · 17-09-2007 02:41 AM

الله ينور عليك يا أخ أبو عبدالله :D ده كده العربية ترجع فابريكة تانى , الصراحة مجهود جبار , جزاك الله خيرا على النصائح ديه. اللى بيضايقنى أن الواحد بيبزل مجهود فى الحفاظ على نظافة العربية و تانى يوم بتكون متربة أو الندى نزل عليها ..... يعنى يا اما تركن العربية داخل جراج أو تغطيها علشان تحافظ على نظافتها :) الود ودى أخدها معايا البيت بس فى الحالة ديه هنسمع كلام ملوش لازمة من الأدارة العليا :D

**ali1spc** · 17-09-2007 09:13 AM

ممكن توضح اة هى ال :!: الفوطة الجلد :!:

**أبو عبدالله** · 17-09-2007 11:14 AM

الود ودى أخدها معايا البيت بس فى الحالة ديه هنسمع كلام ملوش لازمة من الأدارة العليا

وانا كما والله نفسي

ممكن توضح اة هى ال الفوطة الجلد

دي فوطة ملمسها زي الجلد كده وبتتياع في غالب السوبرماركات الكبيره مثل هايبر وكارفور
دي ملمسها بيخليها تلمع الزجاج بنعومة وتشيل اي حاجه عليه وتخليه يبرق
ولما تستعملها على السياره بتبقى ناعمة على الدهان وفي نفس الوقت بتشيل اي حاجه زائده على الدهان من بقع وغيره

الموضوع: سؤال بخصوص غسيل العربية

LinkBack

أدوات الموضوع

عرض

-

-

-

-

-

-

-

المواضيع المتشابهه

سؤال بخصوص رجه في العربية؟

سؤال بخصوص نمر العربية

سؤال في غسيل العربية

سؤال هام بخصوص غسيل المحرك

سؤال بخصوص غسيل الموتور والعربية من تحت!!

الكلمات الدلالية لهذا الموضوع

المفضلات

المفضلات

ضوابط المشاركة