السلام عليكم
معروض عليه شاريد موديل 2007 فيها 2 ايرباج وabs تكييف وكاسيت , عاملة 30 الف كيلو .. معروضه ب 55 الف جنيه .
عاوز اسئل العربيه دى كويسه ؟؟ بتستحمل يعنى ؟؟ قطع الغيار متوفره واسعارها غاليه ولا معقوله ؟؟؟
ارجوا سرعة الرد , ولكم جزيل الشكر..
عرض للطباعة
السلام عليكم
معروض عليه شاريد موديل 2007 فيها 2 ايرباج وabs تكييف وكاسيت , عاملة 30 الف كيلو .. معروضه ب 55 الف جنيه .
عاوز اسئل العربيه دى كويسه ؟؟ بتستحمل يعنى ؟؟ قطع الغيار متوفره واسعارها غاليه ولا معقوله ؟؟؟
ارجوا سرعة الرد , ولكم جزيل الشكر..
العربية دي ممتااااااااااازة
انا كنت عايز اجيبها بدل الياريس
وفضلت فترة مستني موديل 2008 ينزل
ولما يأست بدأت ادور عليها 2007 كسر زيرو
بس ما لقيتش حاجة كويسة
بص ياسيدي هي العربية موفرة للبنزين وسحبها كويس واتوماتيك وتقفيل ياباني مية في المية
بس حاول تاخدها بسعر اقل من كدة شوية
50 يبقي كويس عليها
وعلي حسب حالتها طبعا
كان في شاريد 2007 كنت شوفتها قبل ما اشتري اما كنت بدور علي اول 2008 كانت ماشية تقريبا في الحدود دي وحالتها كويسة بس كانت اتخبطت خبطة من قدام واتصلحت
كان عايز فيها حاجة واربعين
45 علي ما افتكر
شكرا soundoffear على الأهتمام والرد السريع ..
انا نسيت أقول انها 1000 سى سى .
طيب قطع الغيار متوفرة فى التوكيل وبره التوكيل ؟؟ لان العربيه دى مش منتشره فخايف ملقيش قطع غيار ؟؟
طيب ايه اخبار الأتزان على السرعات العاليه ؟؟؟
والتكييف كويس على 1000 سى سى ولا ضعيف ؟؟
ارجوا لو حد من الأعضاء عنده العربيه دى يرد وله خزيل الشكر والدعاء .
واحد صاحبى كام معاه المانيوال منها التكيف بتاعها ممتاز و موفره جدا فى البنزين
بالنسبه للثبات بعد ال 100 مش حلو
انا لو مكنش معايا سيريون
وكنت عاوز عربيه في حدود الفلوس دي
والله مكنتش اتردد اني اشتريها
عربيه تابلوها وخامة فرشها وتقفيلها وماتورها وادائها وتوفيرها في البنزين
حاجه جامده بجد
قطع غيارها عاديه يعني
يعني مهياش 128 ولا هيا صيني دي ياباني برضه
يعني قطع غيارها زيها زي باقي العربيات في نفس الفئة
ولكن بصراحه عربيه محترمه جدا
العربية مع واحد صاحبي اوتوماتك و كان جايبها ب 52
ممتازة و بتشد شد متتخيلوش .. بس طبعاَ هي مش سيفيك يعني عشان يتجاب بيها سرعات عالية .. 100 حلو أوي
و واسعة من جوة بالنسبة لحجمها من برة .
قطع غيارها غالية شوية و مش منتشرة بس معمرة .
بارك الله فيكم , والله وفيتم وكفيتم .. وشكرا على الأهتمام ..
الشاريد دي عليها موتور.....فظيييييع
مستحيل يكون 1000 سي سي و 3 سليندر....
انا فاكر كانت معانا فترة و كذا مره نجيب على التاني 80 :)
و كنت بفكر فيها قبل ما أجيب البيكانتو بس شكلها خلاني أصرف نظر....بس طالما انت متقبلها....هاتها و هاتعجبك جداً إن شاء الله
عربيه من الاخر ملهاش حل يابانى 100%
وفقك الله لما هو فيه مصلحتك
فعلا يا نادر الموتور بتاعها عليه عفريت !اقتباس:
المشاركة الأصلية كتبت بواسطة NaderNabil
انا فاكر صاحبي أول ما جابها .. قلت 1000 سي سي و كمان أوتوماتك دي هتبقي بطة و تكركر بينا
لقيته بيقولي بص .. و قام كابس بنزين .. لقيت المارد طلع من الكابوت و عينك ما تشوف إلا النور .
بس أحب أضيف برضه إن صوت الموتور في الشد أعلي من باقي المواتير عشان 3 سليندر، بس عليها موتور متوحش فعلاَ .
انا كنت بفكر فى العربية دى و لو كان فى منها زيرو كنت اشتريتها,, دى عليها موتور فظييييييييييييييييييييييي يييع تسارعه 0-100 فى 12 ثانيه يعنى احسن من الماتريكس ال 1600 سى سى و الجيتا كماااااااااان.
بس والدى مكنش محبذ موضوع الشراء علشان قطع الغيار نادره و العربية مش بتنزل.. و عن تجربة انا كان معايا ميرا 850 سى سى كانت تتعبك فى قطع غيارها.
لكن................ عربية بتستحمل غير اى عربية فى الدنيا عملت اكتر من 200,000 كم و اتباعت كأنها جديدة و ده اللى خلانى اعشق حاجة اسمها Daihatsu.........
طيب غيرت ايه خلال 200 الف كيلو متراقتباس:
المشاركة الأصلية كتبت بواسطة mecho_392
ياريت تقولنا على تقييمك للعربيه طول الفتره دي كلها
ونكون شاكرين لك
يعين محتجتشي تغيرلها حاجه من الأساسيات الميكانيكية ؟؟
مش هتصدقنى لو قلتلك.. سير كاتينه و فلتر و زيت دول حاجات اساسية اما الاجزاء الميكانيكية غيرت الكبالن مرة (السبب انى كنت بحرق كتيير فى الملفات و بجد كتر خيرها لأن الكوبلن بدأ يطقطق عند 107 ألف كم على ما اتذكر) و طبعا تيل الفرامل حسب استهلاكه و مفيش اى حاجة اساسية اتغيرت فى العربية غير سربنتينة التكييف بسبب واحد خبطنى فى الوش علشان ماشى بيعاكس بنات و مش باصص قدامه و العربية كانت بدون تكييف,, لكنى كنت مركبه بره لكن مكنش ساقع اوى (يعنى تقييمه جيد مرتفع) و عيبه انه بيأثر على السحب.اقتباس:
المشاركة الأصلية كتبت بواسطة أبو عبدالله
و بجد يا جماعه العربية دى كانت بتستحمل بشكل غير عااااااااااااااادى.. انا ركبت قبل كده 7 (مع التكييف) و الوزن كان حوالى 530 كجم بالتقريب يعنى اكتر من اللى تستحمله الماتريكس و اللى العربية مصممة عليه و المساعدين متغيرتش و بعت العربية زى ما هى..
انا افتكر ان فى مره المياه قلت فى الردياتير و العربية سخنت و مشيت بيها شويه لحد ما لقيت مياه و زودتها و معرفش ازاى اتحملت!!! رغم ان ده غلط و بيسبب اجهادات حرارية عاليه و بيسبب شرخ فى جدار رأس الاسطوانة.
كمان موتور العربية دى 850 سى سى 3 اسطوانات و سحبه تحفه على الاول و التانى و (التالت سحبه جيد).. لكن بجد اول و تانى اللانوس متعديش منها و دى عن تجربة فى التسارع معاها و غير انى بعدها جبت لانوس.
و كمان يا جماعة العربية دى بتستحمل بهدلة السفر و مش بتتأثر نهائيا و كنت بسافر بيها الغردقة,,, و مشوار اسكندرية بتروحه بدون توقف و بدون ما تسخن او الكلام الفاضى ده.
معلومة اخيره العربية اتباعت عامله اكتر من 200 ألف. بجد كتر خيرها و هى طبعا يابانى %100 و الافراج بتاعها كان جاى من اسكندرية.
و احيانا كنت بشترى قطع الغيار من برودوا و كان ميكانيكى اعرفه هو اللى بيركبها و شغاله زى الفل..
و كمقارنة توضيحية تبين جودة العربية دى,, انا بعدها اشتريت لانوس مستعملة عامله 14,000 كم و عند 48,000 كم بدأ صوت طقطقة يظهر (كباااااااالن) و علبة الدريكسيون كانت بتخربط بشكل غير عادى.. قمت بعتها على طول (فى حوالى سنة او اقل).
و فى المقابل الميرا مشيت اكتر من 200,000 كم و كنت شاريها مستعملة عامله 19,000 كم قعدت من 98 الى 2005.. بجد كتر الف خيرها.
اه نسيت اقول ان العربية دى مشيت بيها فى كل الطرق المدغدغة اللى ممكن تتخيلوها و اخدت بيها مطبات على سرعات عاليه و متأثرتش.. اتذكر مره فى مدينة العبور كنت ماشى على 80 و اخدت مطب مكنتش شايفه و العربية طارت من على الارض و بطن العربية نزل خبط بشدة فى الارض و مفيش اى حاجه حصلت فى العربية. طبعا اى عربية تانيه كانت تحتاج مقصات و كارتيرة زيت و مساعدين و مش فاكر ايه تانى :biggrin2:
بجد عربية استاذه.. لكن صاجها مش قوى و دى مش مشكلة لان الواحد مش ماشى يخبط.
معلش عندي سؤال بعد اذن صاحب الموضوع
هو مفيش امل ان الشاريد الجديدة ينزلها التوكيل ؟
مش فاهم بالظبط ايه الحكمة من عدم نزولها !!! بالرغم ان مواصفات العربية تحفة
بسم الله ماشاء الله
فعلا عربيه تحترم بجد
انا عارف ان العربيه دي بجد جامده جدا
ومجرب وشايف بعيني كل الكلام ده
بص انت كاتم في نفسك ده كله ومش بتقول يا راجل
ده احنا عاوزين نعملك موضوع مخصوص لها وتكلمنا عنها
بحيث يبقى الموضوع موجود وان شاء الله يثبت كلكل من يسأل عن هذه السيارة لأن فعلا عربيه بجد جامده وبتسد جامد
اللي انا فهمته من الكلام لما سألت عن الموضوع دهاقتباس:
المشاركة الأصلية كتبت بواسطة Youssef_Mostafa
ان وقتها السيريون 1300 سي سي اول موديل كان بــحوالي 75 الف جنيه
وان الشاريد علشان موديل جديد وحديث والأوبشن في العربيه نازل اعلى من الموديل اللي قبلها
فكانت الشاريد الجديده هتتسعر بسعر قريب من السيريون
وبكده الشاريد هتبقى عربيه فئة الميني وسعرها قريب من عربيه اكبر حجما واعلى في سعة الماتور
وكمان الشاريد هتفتقد ميزة ان سعرها قليل
لأن لو تفتكر الموديل القديم كان بــ 55 الف بس
ودلوقتي الصيني هو اللي بــ 55 الف
لك ان تتخيل
فهما تقريبا قالك انهم مينزلوش الشاريد الجديده وينزلوا السيريون وان اللي هيا نفس ماتور الشاريد
وبكده يعرف ينافس في الفئة السعرية دي
لأن الفئة السعرية دي المفروض كل العربيات اللي فيها اصغر حجما من السيريون فعلا
فبكده السيريون هتتميز في هذه الفئة
شكرا ليك يا ابو عبدالله علي الرد والاهتماماقتباس:
المشاركة الأصلية كتبت بواسطة أبو عبدالله
يا باشا ربنا يطمنك، واسمحلى أعتبرك مرجع ليا فى السيارة دى - لو ما يضايقكش طبعا- لإنى ما أعرفش حد تانى أمتلكها فى المنتدى.اقتباس:
المشاركة الأصلية كتبت بواسطة mecho_392